គ្រោះទឹកជំនន់នៅកុងហ្គោ បណ្តាលឲ្យមនុស្សជាង ២០០នាក់ស្លាប់

ភ្លៀងធ្លាក់ខ្លាំងបានបង្កជាទឹកជំនន់នៅសាធារណរដ្ឋប្រជាធិបតេយ្យកុងហ្គោ ក្នុងតំបន់អាហ្វ្រិកកណ្តាល ខណៈអាជ្ញាធរ​មូលដ្ឋាន​និយាយ​ថា ​មនុស្ស​យ៉ាងតិច​២០៣​នាក់​ត្រូវបាត់បង់ជីវិត​ ហើយជាង១០០នាក់កំពុងបាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រ៉យទ័រ និងប្រព័ន្ធផ្សព្វផ្សាយផ្សេងទៀតបានឲ្យដឹងថា ទឹកទន្លេក្នុងខេត្ត South Kivu ភាគខាងកើតរបស់ប្រទេសនេះ បានឡើងយ៉ាងខ្លាំងកាលពីថ្ងៃព្រហស្បតិ៍។ ទឹកជំនន់ក៏បាន បំផ្លាញផ្ទះសម្បែង សាលារៀន និងអគារផ្សេងៗទៀតផងដែរ។

ស្របពេលជាមួយគ្នានោះ វេជ្ជបណ្ឌិតក្នុងតំបន់បានឲ្យដឹងថា ពួកគេកំពុងខ្វះខាតថ្នាំពេទ្យ និងការផ្គត់ផ្គង់ផ្នែកវេជ្ជសាស្រ្តផ្សេងទៀត ដើម្បីជួយសង្គ្រោះមនុស្ស។

គួរបញ្ជាក់ថា ក្រៅពី សាធារណរដ្ឋប្រជាធិបតេយ្យកុងហ្គោ, ភ្លៀងធ្លាក់ខ្លាំងក៏បានបង្កជាទឹកជំនន់ និងការបាក់ដីក្នុងប្រទេស រ៉្វាន់ដា និង អ៊ូហ្គង់ដា ដែលជាអ្នកជិតខាងនឹងគ្នាផងដែរ៕

ប្រែសម្រួល៖ Vann Vann

ប្រភព៖ NHK

ចុចអាន៖ ស្លាប់៦០នាក់និងបាត់ខ្លួនរាប់រយនាក់ក្នុងគ្រោះមហន្តរាយលិចទូកនៅ កុងហ្គោ