Connect with us

ព័ត៌មានអន្ដរជាតិ

ពិភពលោក នឹងជួបប្រទះការប្រែប្រួលអាកាសធាតុដ៏អាក្រក់ខ្លាំងនៅឆ្នាំ ២១០០

បានផុស

នៅ

នៅចុងសតវត្សន៍នេះ​ ៣៨-៤០ភាគរយ នៃតំបន់ទ្វីបរបស់ពិភពលោកនឹងជួបប្រទះការប្រែប្រួលអាកាសធាតុក្នុងតំបន់ ដោយចូលទៅក្នុងបរិយាកាសថ្មីដែលខុសពីដើម ដូចជាតំបន់ត្រជាក់អាច​ផ្លាស់ប្ដូរ​ទៅ​ជា​តំបន់​ក្ដៅ​ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកជំនាញអាកាសធាតុមក​ពីសាកលវិទ្យាល័យ George Mason នៅសហរដ្ឋអាមេរិក ចុះផ្សាយក្នុង​ទស្សនាវដ្តី Earth’s Future ដោយពួកគេបានវិភាគទិន្នន័យអាកាសធាតុចុងក្រោយបង្អស់។ បន្ទាប់មកប្រៀបធៀប​ជាមួយផែនទី Köppen-Geiger ដែលបានបែងចែក​អាកាសធាតុពិភពលោក​ជា ៥តំបន់ចាប់តាំងពីចុងសតវត្សទី ១៩។

ក្រុម​ស្រាវជ្រាវ​បាន​បញ្ជាក់ថា កន្លង​មក ផែនទី​ត្រូវ​បាន​ធ្វើ​បច្ចុប្បន្នភាព​ជា​ច្រើន​ដង​ដើម្បី​ឲ្យ​​ទំនើប។ នេះ​គឺ​ស្រប​តាម​ការ​ប្រែប្រួល​អាកាសធាតុ​សកល​ក្នុង​សម័យ​នីមួយៗ។ ព្រោះ​ការ​ផ្លាស់​ប្តូរ​បែប​នេះ​ប៉ះពាល់​ដល់​វិស័យ​កសិកម្ម រួម​ទាំង​ភាព​សម្បូរ​បែប​នៃ​ជីវិត​នៅ​ក្នុង​តំបន់​អាកាសធាតុ​នីមួយៗ​និង​ការរីករាលដាលនៃជំងឺឆ្លង។

លទ្ធផលនៃការសិក្សានេះបានរកឃើញថា តំបន់អាកាសធាតុត្រូពិចនឹងកើនឡើងពី ២៣% ទៅ ២៥% នៃផ្ទៃដីទ្វីបសរុបនៅឆ្នាំ ២១០០ ខណៈដែលវាលខ្សាច់ស្ងួត​នឹងគ្របដណ្តប់លើផ្ទៃដី​ធំជាង​នេះពី ៣១% ទៅ ៣៤% នៅ​ចុង​សតវត្ស។ តំបន់អាកាសធាតុដែលរងផលប៉ះពាល់ខ្លាំងជាងគេគឺតំបន់ត្រជាក់។ ជាពិសេសនៅតំបន់ប៉ូល​ខាងជើង និង​ខាងត្បូង ក៏ដូចជា​អឌ្ឍគោល​ខាងជើង។ ដោយសារ​តែ​តំបន់នេះគឺ ៨៩% នៃទ្វីប​អឺរ៉ុប និង ៦៦% នៃ​អាមេរិក​ខាងជើង វានឹង​ផ្លាស់ប្ដូរ​ទៅជា​តំបន់​អាកាសធាតុ​មួយផ្សេងទៀត​ក្នុងរយៈពេល ៧៧ ឆ្នាំខាងមុខ ខណៈដែលទ្វីបអាហ្រ្វិកនឹងនៅតែ​ស្ថិត​ក្នុង​តំបន់អាកាសធាតុ​ដដែល។ ប៉ុន្តែវានឹងមានការ​ប្រែប្រួល​អាកាសធាតុញឹកញា​ប់ និង​ធ្ងន់ធ្ងរ​ជាងនេះ។

ដោយឡែកកាលពីពេលថ្មីៗនេះ រដ្ឋបាលមហាសមុទ្រ និងបរិយាកាសជាតិអាមេរិក ឬ Noah បានប្រកាសថា បាតុភូត El Niño ដ៏​ក្ដៅ​គគុក​ពិតជានឹងកើតឡើងក្នុងពេលឆាប់ៗនេះជាមួយនឹងប្រូបាប៊ីលីតេ ៩០% វានឹងមកដល់​នៅខែឧសភា​ដល់ខែ​កក្កដា ហើយនឹងបន្តរហូតដល់យ៉ាងហោចណាស់ឆ្នាំ ២០២៤។ ជាពិសេស El Niño នឹងនាំមកនូវលក្ខខណ្ឌកាន់តែក្តៅ និងស្ងួតនៅក្នុងមហាសមុទ្រប៉ាស៊ីហ្វិក។ នៅឆ្នាំនេះ Noah បានព្យាករណ៍ពីឱកាស ៥៥% នៃ El Niño ធ្ងន់ធ្ងរ។ នេះ​នឹងបង្កើន​សីតុណ្ហភាព​ជាមធ្យមនៅ​ក្នុង​តំបន់​ដែលរងផលប៉ះពាល់ដោយ ១.៥អង្សាសេ។

លើសពីនេះ​ វិទ្យាសាស្ត្រ​រកឃើញថា សីតុណ្ហភាព​លើ​ផ្ទៃមហាសមុទ្រជុំវិញពិភពលោកបានឡើង​កម្ដៅ​រហូត ដល់កម្រិតកំណត់ត្រា។ គេ​បារម្ភ​ថា កត្តា​នេះ​នឹង​នាំ​ឲ្យ​មាន​បាតុភូត El Niño ជុំ​ថ្មី​ដែល​មាន​ឥទ្ធិពល​ខ្លាំង​ជាង​មុន៕

ប្រែសម្រួល៖ សាង ស្រីល័ក្ខ

ប្រភព៖BBC

ចុចអាន៖បើរាងកាយស្ថិតក្នុងអាកាសធាតុក្តៅខ្លាំង តើរោគសញ្ញាអ្វីខ្លះនឹងកើតឡើង?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ នាទី មុន

ក្រុមហ៊ុន ហនុមាន ដាក់លក់ហ្គង់ប្រដាល់មានហត្ថលេខា Manny Paciquiao ១ក្នុងតម្លៃ១ពាន់ដុល្លារ ខណៈចំណូលសរុបនឹងយកទៅធ្វើសប្បុរសធម៌

ព័ត៌មានជាតិ២៩ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម