ព័ត៌មានអន្ដរជាតិ
ប្រទេសអឺរ៉ុបក្រោមឱវាទ ប៉ូឡូញ ជំរុញជាសម្ងាត់ឲ្យលោក Zelensky បញ្ចប់ជម្លោះជាមួយ រុស្ស៊ី
សម្ព័ន្ធមិត្តអឺរ៉ុបខាងកើតដែលដឹកនាំដោយប្រទេសប៉ូឡូញកំពុងជំរុញជាសម្ងាត់ឲ្យលោកប្រធានាធិបតីអ៊ុយក្រែន Volodymyr Zelensky បញ្ចប់ជម្លោះជាមួយរុស្ស៊ី បើទោះបីជាស្ថិតក្នុងកាលៈទេសៈលះបង់ក្នុងកម្រិតណាក៏ដោយ ។
អ្នកសារព័ត៌មានស៊ើបអង្កេតអាមេរិកម្នាក់ឈ្មោះ Seymour Hersh បាននិយាយនៅលើបណ្ដាញអនឡាញ Substack កាលពីថ្ងៃពុធថា “ក្រុមប្រទេសដែលដឹកនាំដោយប៉ូឡូញ កំពុងជំរុញលោក Zelensky ឲ្យរកវិធីដើម្បីបញ្ចប់អរិភាពលើទឹកដីអ៊ុយក្រែន បើទោះបីជាស្ថិតក្នុងដំណាក់កាលត្រូវលាលែងពីតំណែងជាប្រធានាធិបតីក៏ដោយ ដើម្បីអនុញ្ញាតឲ្យមានដំណើរការកសាងប្រទេសអ៊ុយក្រែនឡើងវិញ” ។
អ្នកសារព័ត៌មានស៊ើបអង្កេតអាមេរិករូបនេះបានឲ្យដឹងទៀតថា ក្រុមដែលជំរុញឲ្យលោក Zelensky រិះរកវិធីបញ្ចប់ជម្លោះជាមួយរុស្ស៊ីនេះ រួមមានប្រទេសបាល់ទិក និងបណ្តាប្រទេសនៅអឺរ៉ុបខាងកើតដូចជា ហុងគ្រី ឡាតវី លីទុយអានី និងអេស្តូនី ។
លោក Hersh បានបន្ថែមថា ប្រសិនបើលោក Zelensky មិនផ្លាស់ប្ដូរឥរិយាបថទេនោះ, ប្រធានាធិបតីអ៊ុយក្រែនរូបនេះនឹងបាត់បង់ការគាំទ្រ ក៏ដូចជាជំនួយសំខាន់ៗពីប្រទេសជិតខាងរបស់គាត់ ដោយសារតែបច្ចុប្បន្នអ៊ុយក្រែនកំពុងស្ថិតក្នុងស្ថានភាពយ៉ាងលំបាក ជាពិសេសជម្លោះនេះ គឺពឹកផ្អែកទៅលើការលះបង់របស់លោក Zelensky ផងដែរ ។
ជាចុងក្រោយអ្នកសារព័ត៌មានរូបនេះបញ្ជាក់ទៀតថា “ម្យ៉ាងទៀត ជម្លោះនេះនៅតែបន្តអូសបន្លាយពេល ក៏ដោយសារតែប្រធានាធិបតីអាមេរិកលោក Joe Biden ចង់ឲ្យខាងអ៊ុយក្រែនជាអ្នកឈ្នះសង្គ្រាមលើរុស្ស៊ីដាច់ខាតតែម្ដង” ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ អាមេរិក និងណាតូ កំពុងព្យាយាមបង្វែរតំបន់អាស៊ីកណ្ដាល ទៅជាទីតាំង ឈរជើងដើម្បីគំរាមកំហែង រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង