ព័ត៌មានអន្ដរជាតិ
ស្ត្រីម្នាក់នៅ កាណាដា ជួបរឿងភ័យរន្ធត់ ក្រោយដាក់កាំម៉េរាក្នុងសួនមើលសពសត្វក្ដាន់
គិលានុបដ្ឋាយិកាជនជាតិកាណាដាម្នាក់មានអាយុ ៣៦ បានតំឡើងកាមេរ៉ាដើម្បីមើលសកម្មភាពនៅក្នុងសួនរបស់នាង ហើយបានឃើញស្ត្រីអាក្រាតពីរនាក់កំពុងស៊ីសពសត្វក្តាន់។
គេហទំព័រ The Mirror រាយការណ៍ថា Corinia Stanhope បានឃើញទិដ្ឋភាពដ៏គួរឲ្យភ័យខ្លាចនៅក្នុងសួនរបស់នាង។ បន្ទាប់ពីដាក់កាមេរ៉ានៅជិតគ្រោងឆ្អឹងសត្វក្តាន់ដែលងាប់។ នាងនិយាយថា ពេលជិះសេះនៅក្នុងសួន នាងឃើញសាកសពសត្វក្តាន់ ដោយសារតែចង់ដឹងថាសត្វមួយនេះទាក់ទាញអ្វីពេលយប់ ទើបសម្រេចចិត្តដំឡើងកាមេរ៉ានៅជិតគ្រោងឆ្អឹងសព។
នៅថ្ងៃបន្ទាប់ Stanhope និងជីតាបានទៅមើលកាមេរ៉ាដើម្បីពិនិត្យ។ ក្រោយមក ពួកគេមានការភ្ញាក់ផ្អើលជាមួយនឹងឈុតឆាកដែលថតដោយកាមេរ៉ា ខណៈឃើញស្រ្តីពីរនាក់មានសក់ខ្មៅវែងរញ៉េរញ៉ៃ ម្រាមដៃវែងជាងធម្មតាកំពុងបរិភោគក្ដាន់។ អ្វីដែលគួរឲ្យភ្ញាក់ផ្អើលជាងនេះទៅទៀត គឺស្ត្រីម្នាក់នោះស្ទើរតែអាក្រាត ហើយស្លៀកតែក្រណាត់បិទបាំងគូទប៉ុណ្ណោះ។
គិលានុបដ្ឋាយិការូបនេះបាននិយាយទៀតថា នាងភ័យខ្លាច និងលងបន្លាច បន្ទាប់ពីបានឃើញខ្សែវីដេអូនោះ។ ដោយសារផ្ទះរបស់នាងមានចម្ងាយដើរ ២ នាទីពីសួនច្បារ និងមានសេះ ៣ក្បាល ហើយនាងមានការព្រួយបារម្ភយ៉ាងខ្លាំងអំពីសុវត្ថិភាពរបស់ពួកគេ។ យ៉ាងណាមិញ បន្ទាប់ពីបានមើលឃ្លិបនេះម្តងហើយម្តងទៀត Stanhope បានវិភាគថា អ្នកទាំងពីរមើលទៅហាក់ដូចជាពាក់សក់ ម្នាក់មើលទៅដូចជានាងមានសក់ពណ៌ទង់ដែងនៅក្រោមសក់ពាក់។
Stanhope បានបង្ហោះរូបភាពនៅលើប្រព័ន្ធផ្សព្វផ្សាយសង្គម ហើយភ្លាមៗនោះវាបានបង្កឲ្យមានការជជែកគ្នា។ មនុស្សជាច្រើនជឿថាស្រ្តីស៊ីសាច់សត្វនោះគឺជាបិសាច Skinwalker (ជនជាតិដើមអាមេរិក) ឬ Wendigo ដែលជាសត្វស៊ីសាច់ដែលលេចឡើងក្នុងទេវកថា Algonquin ។
Stanhope បានបន្ថែមថា ដំបូងឡើយ នាងចង់ទូរស័ព្ទទៅប៉ូលិស។ ប៉ុន្តែជីតារបស់នាងបានគិតថាជនចម្លែកទាំងពីរនាក់នោះមិនបានធ្វើអ្វីខុសច្បាប់ទេ។ ទន្ទឹមនឹងនោះ Stanhope សង្ស័យថា អ្នកទាំងពីរនៅក្នុងឃ្លិបគ្រាន់តែជាអ្នកធ្វើដំណើរឆ្លងកាត់ឃើញកាមេរ៉ាប៉ុណ្ណោះ។ ដូច្នេះពួកគេបានលេងសើចដោយចេតនាដើម្បីបំភ័យគ្រួសារនាង៕
ប្រែសម្រួល៖ សាង ស្រីល័ក្ខ
ចុចអាន៖គ្រូកុងហ្វូបំបែកឥដ្ឋ១២២ ដុំដោយដៃទទេ ធ្វើឲ្យអ្នកលេងអ៊ីនធឺណិតអស់សំណើចនិងហួសចិត្ត
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង