ព័ត៌មានអន្ដរជាតិ

ស្ត្រីម្នាក់នៅ កាណាដា ជួបរឿងភ័យរន្ធត់ ក្រោយដាក់កាំម៉េរាក្នុងសួនមើលសពសត្វក្ដាន់

បានផុស

៥ ខែ មុន

នៅ

ថ្ងៃចន្ទ ៥ មិថុនា ២០២៣

ដោយ

គិលានុបដ្ឋាយិកាជនជាតិកាណាដាម្នាក់មានអាយុ ៣៦ បានតំឡើងកាមេរ៉ាដើម្បីមើលសកម្មភាពនៅក្នុងសួនរបស់នាង ហើយបានឃើញស្ត្រីអាក្រាតពីរនាក់កំពុងស៊ីសពសត្វក្តាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រ The Mirror រាយការណ៍ថា Corinia Stanhope បានឃើញទិដ្ឋភាពដ៏គួរឲ្យភ័យខ្លាចនៅក្នុងសួនរបស់នាង។ បន្ទាប់ពីដាក់កាមេរ៉ានៅជិតគ្រោងឆ្អឹងសត្វក្តាន់ដែលងាប់។ នាងនិយាយថា ពេលជិះសេះនៅក្នុងសួន នាងឃើញសាកសពសត្វក្តាន់ ដោយសារតែចង់ដឹងថាសត្វមួយនេះទាក់ទាញអ្វីពេលយប់ ទើបសម្រេចចិត្តដំឡើងកាមេរ៉ានៅជិតគ្រោងឆ្អឹងសព។

នៅថ្ងៃបន្ទាប់ Stanhope និងជីតាបានទៅមើលកាមេរ៉ាដើម្បីពិនិត្យ។ ក្រោយមក ពួកគេមានការភ្ញាក់ផ្អើលជាមួយនឹងឈុតឆាកដែលថតដោយកាមេរ៉ា ខណៈឃើញស្រ្តីពីរនាក់មានសក់ខ្មៅវែងរញ៉េរញ៉ៃ ម្រាមដៃវែងជាងធម្មតាកំពុងបរិភោគក្ដាន់។ អ្វីដែលគួរឲ្យភ្ញាក់ផ្អើលជាងនេះទៅទៀត គឺស្ត្រីម្នាក់នោះស្ទើរតែអាក្រាត ហើយស្លៀកតែក្រណាត់បិទបាំងគូទប៉ុណ្ណោះ។

គិលានុបដ្ឋាយិការូបនេះបាននិយាយទៀតថា នាងភ័យខ្លាច និងលងបន្លាច បន្ទាប់ពីបានឃើញខ្សែវីដេអូនោះ។ ដោយសារផ្ទះរបស់នាងមានចម្ងាយដើរ ២ នាទីពីសួនច្បារ និងមានសេះ ៣ក្បាល ហើយនាងមានការព្រួយបារម្ភយ៉ាងខ្លាំងអំពីសុវត្ថិភាពរបស់ពួកគេ។ យ៉ាងណាមិញ បន្ទាប់ពីបានមើលឃ្លិបនេះម្តងហើយម្តងទៀត Stanhope បានវិភាគថា អ្នកទាំងពីរមើលទៅហាក់ដូចជាពាក់សក់ ម្នាក់មើលទៅដូចជានាងមានសក់ពណ៌ទង់ដែងនៅក្រោមសក់ពាក់។

Stanhope បានបង្ហោះរូបភាពនៅលើប្រព័ន្ធផ្សព្វផ្សាយសង្គម ហើយភ្លាមៗនោះវាបានបង្កឲ្យមានការជជែកគ្នា។ មនុស្សជាច្រើនជឿថាស្រ្តីស៊ីសាច់សត្វនោះគឺជាបិសាច Skinwalker (ជនជាតិដើមអាមេរិក) ឬ Wendigo ដែលជាសត្វស៊ីសាច់ដែលលេចឡើងក្នុងទេវកថា Algonquin ។

Stanhope បានបន្ថែមថា ដំបូងឡើយ នាងចង់ទូរស័ព្ទទៅប៉ូលិស។ ប៉ុន្តែជីតារបស់នាងបានគិតថាជនចម្លែកទាំងពីរនាក់នោះមិនបានធ្វើអ្វីខុសច្បាប់ទេ។ ទន្ទឹមនឹងនោះ Stanhope សង្ស័យថា អ្នកទាំងពីរនៅក្នុងឃ្លិបគ្រាន់តែជាអ្នកធ្វើដំណើរឆ្លងកាត់ឃើញកាមេរ៉ាប៉ុណ្ណោះ។ ដូច្នេះពួកគេបានលេងសើចដោយចេតនាដើម្បីបំភ័យគ្រួសារនាង៕