EU បន្ថូរបន្ថយការត្រួតពិនិត្យសុវត្ថិភាពលើមី វៀតណាម

ផលិតផលមីកញ្ចប់វៀតណាមដែលនាំចូលទៅក្នុងទីផ្សារសហភាពអឺរ៉ុប (EU) នឹងមិនត្រូវបានទាមទារនូវវិញ្ញាបនបត្រនៃការត្រួតពិនិត្យសុវត្ថិភាពម្ហូបអាហារ ដែលចេញដោយទីភ្នាក់ងាររបស់វៀតណាមទៀតនោះទេ ចាប់ពីថ្ងៃទី២៧ ខែមិថុនាតទៅ ។

កាលពីខែមករា ឆ្នាំ ២០២២ EU បានកំណត់រាល់ផលិតផលមីវៀតណាមដែលនាំចូលមកកាន់តំបន់នេះ ត្រូវតែមានវិញ្ញាបនប័ត្រសុខភាព (HC) ចេញដោយទីភ្នាក់ងារវៀតណាមដែលមានការអនុញ្ញាត ពោលរយៈពេល ៦ ខែ បន្ទាប់ពីសហភាពអឺរ៉ុបបានដកផលិតផលស្រូវ និងអង្កររបស់វៀតណាមចេញពីបញ្ជីនៃការគ្រប់គ្រងសុវត្ថិភាពចំណីអាហារ ។

ជាក់ស្ដែងនៅថ្ងៃទី៧ ខែមិថុនា EU បានចេញវិសោធនកម្មបទប្បញ្ញត្តិមួយទាក់ទងនឹងវិធានការបន្ទាន់សម្រាប់គ្រប់គ្រងការនាំចេញម្ហូបអាហារទៅកាន់ទីផ្សារ EU ។ ក្នុងនោះ EU បានដកមីកញ្ចប់របស់វៀតណាមចេញពីការត្រួតពិនិត្យ ប៉ុន្តែតម្រូវឲ្យមានវិញ្ញាបនប័ត្រសុខភាព (HC) និងការគ្រប់គ្រងផលិតផលឲ្យបាន ២០ ភាគរយនៅច្រកទ្វារព្រំដែន EU ។

ទន្ទឹមនោះ ដើម្បីលើកកម្ពស់គុណភាពផលិតផលវៀតណាមដែលនាំចូលសហភាពអឺរ៉ុប និងបង្កើតលក្ខខណ្ឌសម្រាប់ផលិតផលដើម្បីចូលទៅក្នុងទីផ្សារដែលរកកម្រៃបាន, ក្រសួងឧស្សាហកម្ម និងពាណិជ្ជកម្មវៀតណាម បានបញ្ជាឲ្យអាជីវកម្មនាំចេញ ត្រូវតែគ្រប់គ្រងខ្សែសង្វាក់ផ្គត់ផ្គង់ផលិតកម្មឲ្យបានល្អ ជាពិសេសត្រូវតែអនុលោមតាមច្បាប់យ៉ាងតឹងរ៉ឹងជាមួយបទប្បញ្ញត្តិសុវត្ថិភាពចំណីអាហាររបស់សហជីព ៕

ប្រែសម្រួល៖ នាង រតនៈ

ប្រភព៖ VN Express

ចុចអាន ៖ តម្រូវការគ្រឿងសំណង់ វៀតណាម ធ្លាក់ចុះខ្លាំង ក្រោយទីផ្សារអចលនទ្រព្យ​កំពុងជាប់គាំង