រុស្ស៊ី កំពុងសម្រុកផលិតមីស៊ីលល្បឿនលឿនជាងសំឡេង ជាទ្រង់ទ្រាយធំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនការពារជាតិរុស្ស៊ី Rostec បានរាយការណ៍ថា មីស៊ីលល្បឿនលឿនជាងសំឡេង Kinzhal ដែលបាញ់នៅលើអាកាស បានឈានចូលការផលិតទ្រង់ទ្រាយធំ ហើយបច្ចុប្បន្ន កំពុងសម្រុកផលិតឲ្យបានបរិមាណគ្រប់គ្រាន់ ដើម្បីបំពេញតម្រូវការយោធា។

សព្វាវុធប្រភេទ​នេះ ​ត្រូវ​បាន​គេ​យល់​ឃើញ​ថា ​មិន​អាច​ស្ទាក់​ចាប់​បាន​ឡើយ ថ្វីបើ​ក្រុង​កៀវ​អះអាង​ថា ​ខ្លួន​បាន​បាញ់​ទម្លាក់​មីស៊ីល​ជា​ច្រើន​គ្រាប់​ក៏​ដោយ។

លោក Vladimir Artyakov នាយកប្រតិបត្តិរងនៃក្រុមហ៊ុនរដ្ឋ បានប្រាប់ទូរទស្សន៍រុស្សីនៅថ្ងៃចន្ទទី១០ខែកក្កដាថា “កាលពីមុន ផលិតកម្មរបស់យើងឈានដល់កម្រិតមួយ សម្រាប់តែការស្រាវជ្រាវនិងការអភិវឌ្ឍប៉ុណ្ណោះ ប៉ុន្តែឥឡូវ យើងបានងាកទៅផលិតកម្មទ្រង់ទ្រាយធំ។ ដូច្នេះ​ អ្វី​ដែល​ក្រសួង​ការពារ​ជាតិ​ស្នើ​សុំ​ពី​យើង យើង​នឹងធ្វើ​បែប​នោះ​ដោយ​គុណភាព និង​ផ្តល់​ជូន​នូវ​បរិមាណ​តាមតម្រូវការ”។

Kinzhal គឺជាមីស៊ីល បាញ់ចេញពីអាកាស បំពាក់ជាមួយយន្តហោះ MiG-31 ហើយអ្នកជំនាញយោធាមួយចំនួនជឿថា វាក៏អាចមានសមត្ថភាពបាញ់ចេញពីជើងទម្រ សម្រាប់មីស៊ីលប្រភេទ Iskander បានដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ មីស៊ីលល្បឿនលឿនជាងសំឡេង ទំនើបបំផុតរបស់ចិន បង្ហាញខ្លួនក្នុងសមយុទ្ធ ជុំវិញកោះតៃវ៉ាន់