ព័ត៌មានអន្ដរជាតិ
មីស៊ីលល្បឿនលឿនជាងសំឡេង ទំនើបបំផុតរបស់ចិន បង្ហាញខ្លួនក្នុងសមយុទ្ធ ជុំវិញកោះតៃវ៉ាន់ (មានវីដេអូ)
សមយុទ្ធយោធាទ្រង់ទ្រាយធំរបស់ទីក្រុងប៉េកាំង បានចាប់ផ្តើមនៅជុំវិញកោះតៃវ៉ាន់ ជាការឆ្លើយតបទៅនឹងដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi។
យោងតាមការចុះផ្សាយរបស់កាសែត Global Times កាលពីថ្ងៃពុធ, សមយុទ្ធនេះ រួមមានការប្រើប្រាស់អាវុធទំនើបៗជាច្រើន រួមទាំងមីស៊ីលល្បឿនលឿនជាងសំឡេង ទំនើបបំផុតរបស់ចិនប្រភេទ DF-17 ផងដែរ។
ប្រព័ន្ធផ្សព្វផ្សាយរដ្ឋបានផ្សាយថា សមយុទ្ធដែលកំពុងធ្វើ រួមមានការបិទផ្លូវរួមគ្នា ការវាយលុកលើសមុទ្រ និងការហ្វឹកហ្វឺនប្រយុទ្ធតាមផ្លូវគោក និងផ្លូវអាកាស។ យន្តហោះចម្បាំងបំបាំងកាយ J-20 របស់ចិនក៏បានចូលរួមក្នុងសមយុទ្ធផងដែរ។
កាសែត Global Times បានហៅសមយុទ្ធនេះថា “មិនធ្លាប់មានពីមុនមក” ហើយបន្ថែមថា មីស៊ីលរបស់ចិនត្រូវបានគេរំពឹងថា នឹងហោះពីលើកោះតៃវ៉ាន់ជាលើកដំបូង។ កម្លាំងរបស់កងទ័ពរំដោះប្រជាជនចិន (PLA) ក៏ត្រូវបានគេរំពឹងថា នឹងចូលទៅក្នុងតំបន់នៅរយៈចម្ងាយ ១២ម៉ាយល៍ នៃកោះតៃវ៉ាន់ ហើយអាចមានសក្តានុពលព័ទ្ធជុំវិញកោះនេះទាំងមូលផងដែរ។
ទន្ទឹមនោះ ទីភ្នាក់ងារព័ត៌មាន Xinhua បានរាយការណ៍កាលពីល្ងាចថ្ងៃអង្គារថា សមយុទ្ធនេះនឹងដំណើរការយ៉ាងហោចណាស់រហូតដល់ថ្ងៃត្រង់ថ្ងៃអាទិត្យ។ នឹងមានសមយុទ្ធបាញ់គ្រាប់ពិតនៅក្នុងតំបន់ដែនសមុទ្រធំៗចំនួនប្រាំមួយ និងលំហអាកាសជុំវិញកោះតៃវ៉ាន់។
មីស៊ីល DF-17 ត្រូវបានយោធាចិន បង្ហាញជាសាធារណៈលើកដំបូង នៅថ្ងៃទី៣១ខែកក្កដា ឆ្នាំ២០២២។ នៅពេលនោះ វីដេអូផ្លូវការ ដើម្បីអបអរសាទរខួបលើកទី ៩៥ នៃការបង្កើត PLA បានបង្ហាញពីការបាញ់បង្ហោះនូវអ្វីដែលប្រព័ន្ធផ្សព្វផ្សាយចិនពណ៌នាថា ជាមីស៊ីលដែលស្រដៀងទៅនឹង “ពេជ្ឈឃាដនាវាផ្ទុកយន្តហោះ”។
DF-17 ត្រូវបានគេនិយាយថា ប្រើប្រាស់យានសំកាំងល្បឿនលឿនជាងសំឡេងជាក្បាលគ្រាប់របស់វា ដែលហោះលឿនជាងល្បឿនសំឡេងរហូតដល់ប្រាំដង និងមានគន្លងដែលមិនអាចទាយទុកជាមុនបាន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ចិន រៀបចំធ្វើសមយុទ្ធយោធា ជុំវិញ កោះ តៃវ៉ាន់ បន្ទាប់ពីដំណើរទស្សនកិច្ច របស់លោកស្រី Pelosi
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ