Connect with us

ព័ត៌មានអន្ដរជាតិ

មកដឹងមូលហេតុដែលលោក Wang Yi ទាញក្រវាត់ ក លែងពាក់ ពេលជួប​រដ្ឋមន្ត្រីការបរទេស សិង្ហបុរី

បានផុស

នៅ

រដ្ឋមន្ត្រីការបទេសចិនលោក Wang Yi កាលពីពេលថ្មីៗនេះទទួលបានការកោតសរសើរពេញៗមាត់ពីសំណាក់អ្នកប្រើប្រាស់បណ្ដាញសង្គម បន្ទាប់ពីលោកបានបង្ហាញកាយវិការដ៏គួរឲ្យគោរពទៅដល់រដ្ឋមន្ត្រីក្រសួងការបរទេសនៃប្រទេសសិង្ហបុរី ។

លោក Wang Yi (ឆ្វេង) ចាប់ដៃជាមួយលោក Vivian Balakrishnan (ស្ដាំ)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang Yi ដែលបានអញ្ជើញជួបពិភាក្សាការងារ និងទទួលទានអាហារពេលល្ងាចជាមួយលោក Vivian Balakrishnan រដ្ឋមន្ត្រីការបរទេសសិង្ហបុរីកាលពីថ្ងៃទី១០ ខែសីហានៅឯភោជនីយដ្ឋាន Pangium បានទាញក្រវាត់ករបស់លោកចេញលែងពាក់ នៅពេលចេញពីរថយន្ត និងត្រូវបានទទួលស្វាគមន៍ពីលោក Balakrishnan ។

ចំពោះមូលហេតុវិញ ត្រូវបានអ្នកសារព័ត៌មានចិនលោក Shen Shiwei បញ្ជាក់ប្រាប់ថា គឺដោយសារតែលោក Wang Yi មិនឃើញលោក Balakrishnan ពាក់ក្រវាត់ក ស្របពេលដែលរដ្ឋមន្ត្រីការបរទេសសិង្ហបុរីវ័យ ៦២ ឆ្នាំរូបនេះ ក៏បាននិយាយសុំទោសទៅដល់រដ្ឋមន្ត្រីការបរទេសចិនផងដែរ សម្រាប់ការមិនពាក់ក្រវាត់កក្នុងពិធីទទួលស្វាគមន៍ជាផ្លូវការមួយនេះ ។

ពាក់ព័ន្ធនឹងបញ្ហានេះដែរ អ្នកប្រើប្រាស់បណ្ដាញសង្គមជាច្រើនបានសម្ដែងការកោតសរសើរ និងស្ងប់ស្ងែងចំពោះសុជីវធម៌ និងសិល្បៈទំនាក់ទំនងរបស់លោក Wang Yi យ៉ាងខ្លាំង ហើយថែមទាំងបានលើកឡើងទៀតថា អ្នកការទូតជើងចាស់ចិនវ័យ ៧០ ឆ្នាំរូបនេះបង្ហាញពីភាពស្មើគ្នា ពោលមិនគិតពីប្រទេសតូច ឬធំឡើយ ។

គួរបញ្ជាក់ថា លោក Wang Yi បានធ្វើដំណើរទស្សនកិច្ចមកកាន់ប្រទេសសិង្ហបុរី ចាប់ពីថ្ងៃទី៩ ដល់ថ្ងៃទី១១ ខែសីហា ហើយរដ្ឋមន្ត្រីការបរទេសចិនរូបនេះ ក៏អញ្ជើញមកកាន់ប្រទេសអាស៊ាន ២ ផ្សេងទៀតផងដែរ គឺម៉ាឡេស៊ី និងកម្ពុជា ខណៈប្រទេសទាំង ៣ នេះគឺស្ថិតក្នុងចំណោមគោលដៅកំពូលសម្រាប់ការចូលរួមគម្រោងខ្សែក្រវាត់ និងផ្លូវរបស់ចិនក្នុងរយៈពេល ២ ឆ្នាំចុងក្រោយនេះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Must Share News

ចុចអាន ៖ លោក Wang Yi ប្រាប់នាយករដ្ឋមន្ត្រី សិង្ហបុរី ថា អាមេរិក ជាប្រភពអស្ថិរភាព ធំបំផុតនៅលើពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

សេចក្ដីជូនដំណឹង៧ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម