អាមេរិក ជប៉ុន និងកូរ៉េខាងត្បូង ព្រមព្រៀងបង្កើតបណ្ដាញទូរស័ព្ទបន្ទាន់ ៣ ខ្សែ

មន្ត្រីជាន់ខ្ពស់អាមេរិកបាននិយាយថា មេដឹកនាំសហរដ្ឋអាមេរិក ជប៉ុន និងកូរ៉េខាងត្បូង រំពឹងនឹងព្រមព្រៀងគ្នាបង្កើតបណ្ដាញទូរស័ព្ទបន្ទាន់ចំនួន ៣ ខ្សែ នៅពេលមេដឹកនាំទាំងបីជួបពិភាក្សាគ្នាក្នុងកិច្ចប្រជុំកំពូលត្រីភាគីនៅថ្ងៃសុក្រនេះ ។

លោក Kurt Campbell អ្នកសម្របសម្រួលក្រុមប្រឹក្សាសន្តិសុខជាតិសម្រាប់ ឥណ្ឌូ-ប៉ាស៊ីហ្វិក បានធ្វើការកត់សម្គាល់នៅក្នុងទីក្រុងវ៉ាស៊ីនតោនកាលពីថ្ងៃពុធថា ​ទំនាក់ទំនង​អាមេរិក​ជាមួយ​ជប៉ុន ​និង​កូរ៉េ​ខាង​ត្បូង​ នឹង​ក្លាយជា​ទំនាក់ទំនង​ត្រីភាគី​ដូចការកំណត់សម្រាប់​សតវត្សរ៍​ទី ២១ នេះ” ។

មន្ត្រីជាន់ខ្ពស់អាមេរិករូបនេះបានលើកឡើងទៀតថា “មេដឹកនាំទាំង ៣ ក៏នឹងប្រកាសពីគំនិតផ្តួចផ្តើមដ៏មានមហិច្ឆតាមួយផងដែរ ដើម្បីស្វែងរកការចាស់ឫសគល់កាន់តែជ្រៅចូលទៅក្នុងការចូលរួមត្រីភាគី ទាំងពេលបច្ចុប្បន្ននេះ និងទៅអនាគត” ។

ជាចុងក្រោយ លោក Campbell បញ្ជាក់ថា មេដឹកនាំទាំង ៣ ក៏នឹងឈានដល់កិច្ចព្រមព្រៀងមួយដើម្បីធ្វើឲ្យកិច្ចប្រជុំកំពូលត្រីភាគីជាព្រឹត្តិការណ៍ប្រចាំឆ្នាំ ក៏ដូចជាធ្វើឲ្យស៊ីជម្រៅនៃកិច្ចសហប្រតិបត្តិការលើវិស័យជាច្រើនរួមទាំងសន្តិសុខ បច្ចេកវិទ្យា និងការអប់រំផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក បញ្ជូនអាវុធដែលរឹបអូសពីឧក្រិដ្ឋជន និងពលរដ្ឋក្នុងទីក្រុងទៅឲ្យ អ៊ុយក្រែន