អ្នកទេសចរម្នាក់ធ្វើឲ្យបាក់រូបចម្លាក់ណិបទូនដ៏ល្បីល្បាញក្នុងប្រទេស អ៊ីតាលី

អ្នកទេសចរម្នាក់បានឡើងលើរូបចម្លាក់ណិបទូនដ៏ល្បីល្បាញក្នុងទីក្រុង Florence ប្រទេសអ៊ីតាលី កាលពីចុងសប្តាហ៍នេះ ហើយបានធ្វើឲ្យបែកថ្មម៉ាបមួយដុំទៀតផង ។

កាលពីថ្ងៃច័ន្ទ ទី៤ លោក Dario Nardella អភិបាលក្រុង Florence បានបង្ហោះរូបអ្នកទេសចរដែលព្យាយាមថតរូបលើរូបចម្លាក់ រួចធ្វើឲ្យបែកបាក់ នៅលើ X ដែលពីមុនគេស្គាល់ថាជា Twitter ។

រូបចម្លាក់ណិបទូន ដែលត្រូវបានសាងសង់ក្នុងសតវត្សទី ១៦ ជាចម្លាក់រំលឹកដល់អាពាហ៍ពិពាហ៍របស់សមាជិកនៃ House of Medici ជាមួយ Archduchess នៃប្រទេសអូទ្រីស ។

បុរសបង្កបញ្ហាជាជនជាតិអាល្លឺម៉ង់អាយុ ២២ ឆ្នាំ ហើយគាត់នឹងត្រូវចេញប្រាក់សំណងយ៉ាងច្រើន ប៉ុន្តែចំនួនពិតប្រាកដមិនទាន់បញ្ជាក់ទេ ។ យ៉ាងណាការខូចខាតត្រូវគេប៉ាន់ស្មានថាមានតម្លៃប្រហែល ៥ ៣៧៥ ដុល្លារ ខណៈការជួសជុលនឹងធ្វើនៅខែតុលា ខាងមុខនេះ ៕

ប្រែសម្រួល៖ វារី

ប្រភព៖ insider

ចុចអាន៖ រូបចម្លាក់អាយុកាលជិត ៣០០០ ឆ្នាំ នៅប្រាសាទ ក្រិក សង្ស័យជាតង្វាយអាទិទេព Poseidon