អាមេរិក ដាក់ការសង្ស័យថា ចិន បានបណ្ដេញរដ្ឋមន្ត្រីការពារជាតិចេញពី​តំណែង ក្រោយបាត់មុខកន្លះខែ

សហរដ្ឋ​អាមេរិកបានដាក់ការសង្ស័យ​ថា ​រដ្ឋមន្ត្រី​ការពារជាតិ​របស់​ចិនលោក Li Shangfu ​ត្រូវ​បាន​បណ្ដេញ​ចេញពីតំណែង ​ហើយកំពុងស្ថិតនៅ​ក្រោម​ការ​ស៊ើបអង្កេត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ យោងតាមការចុះផ្សាយរបស់កាសែតអង់គ្លេស Financial Times បានឲ្យដឹងថា ការបណ្ដេញចេញពីតំណែងនេះបានកើតមានឡើង បន្ទាប់ពីលោក Li Shangfu មិនត្រូវបានគេឃើញជាសាធារណៈអស់រយៈពេលប្រហែល ២ សប្តាហ៍មកហើយ ចាប់តាំងពីលោកបានថ្លែងសុន្ទរកថានៅឯវេទិកាសន្តិភាព និងសន្តិសុខ ចិន-អាហ្វ្រិក នៅទីក្រុងប៉េកាំងកាលពីថ្ងៃទី២៩ ខែសីហា ។

ទោះយ៉ាងណា ប្រភពមិនបានបញ្ជាក់ថាតើហេតុអ្វីបានជារដ្ឋបាលរបស់លោកប្រធានាធិបតី Joe Biden ដាក់ការសង្ស័យ ក៏ដូចជាការសន្និដ្ឋានថា អតីតមេទ័ពចិនរូបនេះកំពុងត្រូវបានដាក់នៅក្រោមការស៊ើបអង្កេតនោះទេ ។

លោក Li Shangfu ត្រូវបានតែងតាំងជារដ្ឋមន្ត្រីការពារជាតិកាលពីខែមីនា ហើយលោកធ្លាប់ទទួលបន្ទុកលើគម្រោងការហោះហើរក្នុងលំហអាកាសរបស់ចិន ក៏ដូចជាការទិញអាវុធសម្រាប់ផ្គត់ផ្គង់ដល់យោធារបស់ប្រទេសផងដែរ ។

គួរបញ្ជាក់ថា កាលពីខែកក្កដា ចិនក៏បានដកតំណែងអតីតរដ្ឋមន្ត្រីការបរទេសលោក Qin Gang ផងដែរ ពោលប្រហែល ៦ ខែ បន្ទាប់ពីការតែងតាំង ខណៈព័ត៌មានពាក់ព័ន្ធរបស់គាត់​មិន​ត្រូវ​បាន​គេ​រាយការណ៍​អស់​រយៈ​ពេល​ ១ ​ខែមកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ បក្សប្រឆាំង អាមេរិក ឲ្យលោក Biden ឈប់ឈរឈ្មោះជាប្រធានាធិបតី និងចូលនិវត្តន៍ពីឆាកនយោបាយ