Connect with us

ព័ត៌មានអន្ដរជាតិ

បក្សប្រឆាំង អាមេរិក ឲ្យលោក Biden ឈប់ឈរឈ្មោះជាប្រធានាធិបតី និងចូលនិវត្តន៍ពីឆាកនយោបាយ

បានផុស

នៅ

លោក Mitt Romney សមាជិកព្រឹទ្ធសភាមកពីគណបក្សសាធារណរដ្ឋបានអំពាវនាវឲ្យប្រធានាធិបតីសហរដ្ឋអាមេរិកលោក Joe Biden ចូលនិវត្តន៍ពីឆាកនយោបាយជាមួយគាត់ ជាពិសេសឈប់ឈរឈ្មោះជាបេក្ខភាពប្រធានាធិបតីសម្រាប់ការបោះឆ្នោតឆ្នាំក្រោយទៅ ។

លោក Mitt Romney

លោក Romney បានប្រាប់អ្នកយកព័ត៌មានថា “វានឹងក្លាយជារឿងដ៏អស្ចារ្យមួយ ប្រសិនបើលោក Biden ចូលនិវត្តន៍លែងពាក់ព័ន្ធនឹងរឿងនយោបាយ ព្រោះប្រធានាធិបតីរូបនេះធ្លាប់បាននិយាយហើយថា លោកចង់ទុកឱកាសឲ្យមនុស្សជំនាន់ក្រោយក្នុងការដឹកនាំប្រទេស” ។

ការអត្ថាធិប្បាយនេះត្រូវបានធ្វើឡើងភ្លាមៗ បន្ទាប់ពីសមាជិកសភាវ័យ ៧៦ ឆ្នាំមកពីរដ្ឋ Utah និងជាអតីតបេក្ខភាពប្រធានាធិបតីរបស់គណបក្សសាធារណរដ្ឋក្នុងឆ្នាំ ២០១២ បានបង្ហាញពីការសម្រេចចិត្តចូលនិវត្តន៍ក្នុងឆាកនយោបាយនៅចុងឆ្នាំក្រោយ និងមិនឈរឈ្មោះសម្រាប់អាណត្តិទី ២ នៅឆ្នាំ ២០២៤ នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Romney បានសង្កត់ធ្ងន់ថា “នៅចុងអាណត្តិក្រោយ ខ្ញុំនឹងមានអាយុជិត ៨០ ឆ្នាំហើយ ហើយនិយាយឲ្យត្រង់ទៅ វាដល់ពេលសម្រាប់អ្នកដឹកនាំជំនាន់ថ្មីក្នុងការសម្រេចចិត្ត ក៏ដូចជារៀបចំពិភពលោកដែលពួកគេបាននិងកំពុងរស់នៅឲ្យមានសណ្ដាប់ធ្នាប់” ។

គួរបញ្ជាក់ថា លោក Joe Biden បានប្រារព្ធខួបកំណើតគម្រប់ ៨០ ឆ្នាំកាលពីខែវិច្ឆិកា ឆ្នាំ២០២២  ហើយលោកក៏បានក្លាយជាប្រធានាធិបតីវ័យចំណាស់បំផុតមិនធ្លាប់មានរបស់អាមេរិកផងដែរ បន្ទាប់ពីស្បថចូលកាន់តំណែងក្នុងវ័យ ៧៨ ឆ្នាំកាលពីឆ្នាំ ២០២០ ហើយប្រសិនបើលោក Biden ឈ្នះការបោះឆ្នោតឆ្នាំ ២០២៤ ទៀត នោះលោកនឹងឈានដល់វ័យ ៨៦ ឆ្នាំ មុនចប់អាណត្តិទី ២ របស់គាត់ជាប្រធានាធិបតីសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៧ នាទី មុន

ក្រសួងកសិកម្ម ដឹកនាំអ្នកសារព័ត៌មានចម្រុះស្ថាប័ន ចុះទស្សនកិច្ចនៅតាមសហគ្រាសជលផល

ព័ត៌មានជាតិ១ ម៉ោង មុន

ស្ពាន ១ កន្លែងដាច់​ដោយកម្លាំងទឹកហូរ ខណៈផ្លូវប្របមាត់ប្រឡាយស្រុតបាក់ជាបណ្តើរៗ

ជីវិតកម្សាន្ដ១ ម៉ោង មុន

អបអរ ទេព បូព្រឹក្ស ត្រឡប់ចូលសិល្បៈវិញ និងក្លាយជាទូតសុច្ឆន្ទៈផ្លូវការរបស់​ភេសជ្ជៈប៉ូវកម្លាំងគ្រុឌ និងភេសជ្ជៈ​វី-អាកទីវ

សន្តិសុខសង្គម១ ម៉ោង មុន

លួចលុយក្រុមហ៊ុន​ជាង ១ ៣០០ ០០០ បាត​ ចូល​កាសុីណូ​លេងល្បែងចាញ់អស់ ត្រូវអាវុធហត្ថឃាត់ខ្លួន

ព័ត៌មានអន្ដរជាតិ១ ម៉ោង មុន

កូរ៉េខាងត្បូង គ្រោងដាក់ចេញច្បាប់ហាមទទួលទានសាច់ឆ្កែ

Sokha Hotels

ព័ត៌មានពេញនិយម