ឥណ្ឌូណេស៊ី បើកដំណើរការរថភ្លើងល្បឿនលឿនដំបូងគេបំផុតនៅ អាស៊ីអាគ្នេយ៍

ឥណ្ឌូណេស៊ីបានបើកដំណើរការផ្លូវរថភ្លើងល្បឿនលឿនដំបូងគេនៅអាស៊ីអាគ្នេយ៍ ចាប់ពីថ្ងៃទី២ ខែតុលានេះតទៅ ខណៈគម្រោងដែលមានតម្លៃរាប់ពាន់លានដុល្លារ គាំទ្រដោយប្រទេសចិនមួយនេះ នឹងកាត់បន្ថយការធ្វើដំណើររវាងរដ្ឋធានីហ្សាការតា និងទីក្រុងសំខាន់ៗផ្សេងទៀត​មកត្រឹមរយៈពេល ១ ម៉ោងប៉ុណ្ណោះ ។

រថភ្លើងដែលផលិតដោយចិននេះ​មានឈ្មោះថា “Whoosh” ដឹកមនុស្សបានជាង ៦០០ នាក់ ដោយធ្វើដំណើរពីទីក្រុងហ្សាការតា និងទីក្រុង Bandung របស់ខេត្ត West Java ក្នុងរយៈពេល ៤៥ នាទីប៉ុណ្ណោះ ហើយវាក៏ជាផ្នែកមួយនៃគំនិតផ្តួចផ្តើមហេដ្ឋារចនាសម្ព័ន្ធខ្សែក្រវាត់ និងផ្លូវរបស់ប្រទេសចិនផងដែរ ។

រថភ្លើង​ល្បឿនលឿន​នេះ ​​មាន​ល្បឿន​ដល់​ទៅ ៣៥០ គីឡូម៉ែត្រ​ក្នុង​មួយ​ម៉ោង ហើយ​ត្រូវ​ចំណាយ​ប្រាក់​វិនិយោគ​រួម​គ្នា​រវាង​ចិន និង​ឥណ្ឌូណេស៊ី​ជាង ៧ ពាន់​លាន​ដុល្លារ ហើយវាត្រូវបាន​សាងសង់ឡើងដោយក្រុមហ៊ុន PT KCIC រួមជាមួយក្រុមហ៊ុនរដ្ឋចំនួន ៤ ផ្សេងទៀតរបស់ឥណ្ឌូណេស៊ី និងក្រុមហ៊ុន China Railway International របស់ប្រទេស ។

មុនពេលដំណើរការផ្លូវការ អាជ្ញាធរ​បាន​សាក​ល្បងដំណើរការ​​ជា​សាធារណៈ​ក្នុងលឿន​ថ្មី ១៤២ គីឡូម៉ែត្រ​ក្នុងមួយម៉ោង ខណៈនាយករដ្ឋមន្ត្រីចិនលោក Li Qiang បានឡើងជិះរថភ្លើងជាមួយរដ្ឋមន្ត្រីជាន់ខ្ពស់ឥណ្ឌូណេស៊ីលោក Luhut Pandjaitan ផងដែរ ។

ទន្ទឹមនឹងនេះ នាពេលអនាគត លោកប្រធានាធិបតីឥណ្ឌូណេស៊ី Joko Widodo ក៏គ្រោងនឹងស្វាគមន៍ប្រធានាធិបតីចិនលោក Xi Jinping ដើម្បីជិះរថភ្លើងល្បឿនលឿននេះផងដែរ ៕​

ប្រែសម្រួល៖ នាង រតនៈ

ប្រភព៖ CNA