បាតុកម្មនៅទីក្រុងយ៉ាំងហ្គោន ឈានដល់ថ្ងៃទីពីរ

ការតវ៉ាថ្មីៗកំពុងកើតឡើងនៅទីក្រុងយ៉ាំងហ្គោនដែលជារដ្ឋធានីពាណិជ្ជកម្មរបស់មីយ៉ាន់ម៉ា ហើយវាក៏ជាថ្ងៃទីពីរនៃការកាត់ផ្ដាច់អ៊ីនធឺណិតទាំងស្រុងក្នុងប្រទេស ។

ទន្ទឹមនោះប៉ូលិសប្រឆាំងកុបកម្មក៏មានវត្តមាន និងបានឈរជើងនៅកន្លែងបាតុកម្មផងដែរ ប៉ុន្តែពុំមានអំពើហិង្សាណាមួយកើតឡើងឡើយ ។

ក្រុមអ្នកតវ៉ាត្រូវបានគេមើលឃើញស្រែកទាមទារឲ្យមានការដោះលែងលោកស្រី អ៊ុងសាន ស៊ូជី និងលើកម្រាមដៃ ៣ ដែលតំណាងឲ្យចលនាប្រឆាំងយោធា ខណៈយានយន្តកំពុងស៊ីផ្លេយ៉ាងកងរំពង ។

នេះជាថ្ងៃទី ២ ហើយដែលក្រុមបាតុករបានធ្វើបាតុកម្មនៅតាមដងផ្លូវចាប់តាំងពីរដ្ឋាភិបាលយោធាបានប្រកាសកាត់ផ្ដាច់ប្រព័ន្ធអ៊ីនធឺណិតទាំងស្រុងអស់រយៈពេល ២ ថ្ងៃដោយចាប់ផ្តើមកាលពីថ្ងៃទី ៦ ខែកុម្ភៈ ។

បន្ថែមពីមនុស្សមួយចំនួនផ្សេងទៀតនៅក្នុងប្រទេសមីយ៉ាន់ម៉ាក៏បានបិទផ្លូវឆ្លងកាត់ ហើយវីដេអូ និងរូបភាពនៃការតវ៉ា និងព័ត៌មានផ្សេងទៀតបានលេចចេញនៅលើបណ្តាញសង្គមហ្វេសប៊ុក និងបណ្តាញសង្គមផ្សេងទៀតដូចជា Twitter និង Instagram ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Myanmar Times

ចុចអាន ៖ ផ្ទុះបាតុកម្មកាន់តែខ្លាំងក្នុងទីក្រុង យ៉ាំងហ្គោន ខណៈអ៊ីនធឺណិតត្រូវកាត់ផ្តាច់ទាំងស្រុង

ចុចអាន ៖ ប្រមុខ UN គាំទ្រសិទ្ធិប្រជាជនមីយ៉ាន់ម៉ាក្នុងការតវ៉ាដោយសន្តិវិធីប្រឆាំងរដ្ឋប្រហារ