តំបន់មួយចំនួនក្នុងប្រទេសមីយ៉ាន់ម៉ា ប្រកាសច្បាប់អាជ្ញាសឹក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តំបន់មួយចំនួនក្នុងប្រទេសមីយ៉ាន់ម៉ា ប្រកាសច្បាប់អាជ្ញាសឹក

Published

on

កាលពីថ្ងៃចន្ទទី៨ខែកុម្ភៈ ច្បាប់អាជ្ញាសឹកត្រូវបានប្រកាសនៅក្នុងតំបន់មួយចំនួននៃទីក្រុង Mandalay ដែលជាទីក្រុងធំលំដាប់ទី២របស់ប្រទេសមីយ៉ាន់ម៉ា បន្ទាប់ពីមនុស្សរាប់ពាន់នាក់បានប្រមូលផ្តុំគ្នានៅទូទាំងប្រទេស ប្រឆាំងនឹងរដ្ឋប្រហារ។

នាយកដ្ឋានរដ្ឋបាលទូទៅបាននិយាយនៅក្នុងសេចក្តីថ្លែងការណ៍មួយថា បទបញ្ជានេះគ្របដណ្តប់លើតំបន់ចំនួន៧ក្នុងទីក្រុង Mandalay ដោយហាមឃាត់មិនឲ្យមានការជួបជុំលើស៥នាក់ហើយបម្រាមគោចរមួយនឹងចាប់ផ្តើមពីម៉ោង៨យប់ រហូតដល់ម៉ោង៤ទៀបភ្លឺ។

សេចក្តីប្រកាសស្រដៀងគ្នានេះ ត្រូវបានធ្វើឡើងនៅក្រុងមួយក្នុងតំបន់ Ayeyarwaddy ភាគខាងត្បូងហើយសេចក្តីប្រកាសទាក់ទងនឹងមូលដ្ឋានផ្សេងទៀតត្រូវបានធ្វើឡើងជាបន្តបន្ទាប់។

សេចក្តីថ្លែងការណ៍មួយរបស់ក្រុង Mandalay បាននិយាយថា “បទបញ្ជានេះត្រូវបានអនុវត្តរហូតដល់មានការជូនដំណឹងបន្ថែម។ មនុស្សមួយចំនួន មានឥរិយាបទគួរឲ្យព្រួយបារម្ភដែលអាចបង្កគ្រោះថ្នាក់ដល់សុវត្ថិភាពសាធារណៈនិងការអនុវត្តច្បាប់”។

សេចក្តីថ្លែងការណ៍ដដែលបន្តថា “អាកប្បកិរិយាបែបនេះ អាចប៉ះពាល់ដល់ស្ថិរភាព សុវត្ថិភាពរបស់ប្រជាជន ការអនុវត្តន៍ច្បាប់និងការរស់នៅប្រកបដោយសន្តិភាពរបស់អ្នកភូមិនិងជាហេតុធ្វើឱ្យមានកុប្បកម្ម ហេតុដូច្នេះហើយបានជាបទបញ្ជានេះហាមឃាត់ការជួប ការនិយាយនៅទីសាធារណៈ ការតវ៉ាដោយប្រើយានយន្តនិងការប្រមូលផ្តុំគ្នា”។

កាលពីម្សិលមិញ ក្រុមអ្នកតវ៉ានៅក្នុងប្រទេសមីយ៉ាន់ម៉ា ត្រូវបានគេបាញ់ជាមួយនឹងកាណុងបាញ់ទឹកដែលមានលាយជាតិគីមី ខណៈហ្វូងមនុស្សយ៉ាងច្រើនបានប្រមូលផ្តុំគ្នានៅថ្ងៃទីបី ដើម្បីបង្ហាញកំហឹងរបស់ពួកគេចំពោះរដ្ឋប្រហារយោធាកាលពីសប្តាហ៍មុន។

ហ្វូងមនុស្សនៅក្នុងទីក្រុង យ៉ាំងហ្គោន ត្រូវបានគេប៉ាន់ស្មានថាមានរាប់ម៉ឺននាក់នៅថ្ងៃចន្ទនេះខណៈកម្មករបានធ្វើកូដកម្មទូទាំងប្រទេស ដើម្បីទាមទារឲ្យមានការវិលត្រឡប់នៃលទ្ធិប្រជាធិបតេយ្យនិងការដោះលែងមេដឹកនាំអ៊ុងសានស៊ូជី។

ហើយនៅរដ្ឋធានីណៃពិដោ វីដេអូបង្ហាញថា មនុស្សពីរនាក់បានដួលបន្ទាប់ពីត្រូវបានបាញ់ដោយទឹកមានលាយជាតិគីមី ដើម្បីបំបែកក្រុមអ្នកតវ៉ា។

ក្នុងទីក្រុងធំទី២របស់មីយ៉ាន់ម៉ាគឺ Mandalay, មនុស្សរាប់ពាន់នាក់ក៏បានប្រមូលផ្តុំគ្នានៅពេលព្រឹកផងដែរ ដោយមនុស្សជាច្រើននាក់បានគ្រវីទង់ពណ៌ក្រហមនិងឱបរូបថតលោកស្រី ស៊ូជី៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ផលិតផល និងសេវាកម្មដែលជាកម្មសិទ្ធិរបស់យោធាមីយ៉ាន់ម៉ា លក់លែងដាច់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services