ព័ត៌មានអន្ដរជាតិ
៧០ ភាគរយនៃអ្នកជំងឺក្នុងបន្ទប់ ICU នៅពេទ្យហ្គាហ្សា បាត់បង់ជីវិត ក្រោយការវាយប្រហាររបស់ អ៊ីស្រាអែល
ទូរទស្សន៍សហរដ្ឋអាមេរិកបានរាយការណ៍ថា ៧០ ភាគរយនៃអ្នកជំងឺដែលដេកសម្រាកព្យាបាលក្នុងបន្ទប់សង្គ្រោះបន្ទាន់ (ICU) នៅមន្ទីរពេទ្យ Al-Shifa ក្នុងតំបន់ហ្គាហ្សាស្ទី្របបានបាត់បង់ជីវិត ដោយសារតែមន្ទីរពេទ្យធំក្នុងតំបន់មួយនេះអស់ឧបករណ៍ជំនួយខ្យល់អុកស៊ីសែន ក្រោយការវាយប្រហាររបស់អ៊ីស្រាអែល ។
![](https://www.kampucheathmey.com/wp-content/uploads/2023/11/ICU-1.jpg)
ដោយដកស្រង់សម្ដីពីវេជ្ជបណ្ឌិតនៅមន្ទីរពេទ្យនោះ, ទូរទស្សន៍ ABC News បានរាយការណ៍ថា អ្នកជំងឺក្នុងបន្ទប់សង្គ្រោះបន្ទាន់ (ICU) ចំនួន ៤៣ នាក់ក្នុងចំណោម ៦៣ នាក់នៅមន្ទីរពេទ្យ Al-Shifa បានបាត់បង់ជីវិត ដោយសារតែខ្វះឧបករណ៍ព្យាបាល ជាពិសេសគឺខ្យល់អុកស៊ីសែនតែម្ដង ។
គ្រូពេទ្យបានប្រាប់ ABC News ទៀតថា មនុស្សជាច្រើនផ្សេងទៀតទាំងនៅខាងក្នុង និងខាងក្រៅមន្ទីរពេទ្យក៏បានស្លាប់ផងដែរ ដោយសារតែការវាយប្រហារតាមអាកាសរបស់អ៊ីស្រាអែលលើតំបន់ហ្គាហ្សា ស្របពេលដែលក្រុមការងារក៏កំពុងញាប់ដៃញាប់ជើងកប់សាកសពទាំងនោះដូចគ្នា ។
![](https://www.kampucheathmey.com/wp-content/uploads/2023/11/ICU.jpg)
យោធាអ៊ីស្រាអែលកាលពីថ្ងៃពុធបានបើកការវាយឆ្មក់ចូលមន្ទីរពេទ្យ Al-Shifa ដែលជាមន្ទីរពេទ្យដ៏ធំនៅក្នុងតំបន់ហ្គាហ្សាស្ទ្រីប ដោយលើកហេតុផលថា ក្រុមប្រដាប់អាវុធប៉ាឡេស្ទីនហាម៉ាសមានមូលដ្ឋានយោធា ក៏ដូចជាលាក់ចំណាប់ខ្មាំងដែលពួកគេចាប់ឃុំខ្លួននៅក្រោមមន្ទីរពេទ្យនោះ ។
រហូតមកដល់ពេលនេះ អ៊ីស្រាអែលនៅតែបន្តធ្វើការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ចាប់តាំងពីក្រុមហាម៉ាសប៉ាឡេស្ទីនបើកការរវាយប្រហារឆ្លងព្រំដែនកាលពីថ្ងៃទី៧ ខែតុលា និងបានចាប់ចំណាប់ខ្មាំងប្រហែល ២៤០ នាក់ ។
![](https://www.kampucheathmey.com/wp-content/uploads/2023/11/Gaza-35-1-scaled.jpg)
យោងតាមក្រសួងសុខាភិបាលនៅតំបន់ហ្គាហ្សាបានឲ្យដឹងថា ចាប់តាំងពីពេលនោះមក ជនស៊ីវិលលើស ១១,៥០០ នាក់ត្រូវបានសម្លាប់ រួមទាំងកុមារ និងស្ត្រីជាង ៧,៨០០ នាក់ ខណៈខាងអ៊ីស្រាអែលវិញមានមនុស្សជិត ១,២០០ នាក់បានបាត់បង់ជីវិត ។
ក្រៅពីចំនួនអ្នកស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ២៩,២០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕
![](https://www.kampucheathmey.com/wp-content/uploads/2023/11/Gaza-36-1.jpg)
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក ប្រាប់ អ៊ីស្រាអែល កុំឲ្យពង្រីកសង្គ្រាមដល់ លីបង់ ចំពេលមានការព្រមានពី អ៊ីរ៉ង់
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ