ព័ត៌មានអន្ដរជាតិ

អតីតសេដ្ឋីចិនម្នាក់ យំអង្វរសុំលុយមហាជនបញ្ជូនកូនទៅរៀននៅអាមេរិក តែត្រូវគេរិះគន់

បានផុស

២ years មុន

នៅ

ថ្ងៃសៅរ៍ ៩ ធ្នូ ២០២៣

ដោយ

ដោយបានចំណាយទ្រព្យសម្បត្តិភាគច្រើនបែងចែកដោយស្វាមីអ្នកមានពេលលែងលះ អ្នកស្រីម្នាក់ឈ្មោះ Thinh Man Van បានចេញមុខតាមទូរទស្សន៍យំ និងអង្វរទស្សនិកជនឲ្យជួយឧបត្ថម្ភថវិកាសម្រាប់កូនស្រីរបស់គាត់ទៅសិក្សានៅសាលាអាមេរិកដ៏ថ្លៃ។

រឿងរ៉ាវរបស់ភរិយាអ្នកមាន Thinh Man Van នៅទីក្រុង Loudi ខេត្ត Hunan ប្រទេសចិន ចេញទូរទស្សន៍យំសុំជំនួយ និងសុំលុយបញ្ជូនកូនទៅសិក្សានៅបរទេស កំពុងតែធ្វើឲ្យមហាជនមានការភ្ញាក់ផ្អើលយ៉ាងខ្លាំង។ ស្ត្រីរូបនេះបន្តថា គាត់និងប្តីទី១ មានកូនស្រីម្នាក់ឈ្មោះ ទៀវខៀវ ។ បន្ទាប់ពីមានកូនក្នុងបន្ទុកជីវិតបានថ្លឹងថ្លែងបន្តិចម្តងៗលើអាពាហ៍ពិពាហ៍របស់នាង ទីបំផុតមិនអាចទ្រាំបានទៀតទេស្រីរូបនេះបានសម្រេចលែងលះគ្នា។

មិនយូរប៉ុន្មានក្រោយត្រឡប់មករស់នៅលីវវិញ អ្នកស្រី Thinh បានជួបប្តីទីពីរឈ្មោះ Tien ជាបុរសអ្នកមានគំនិតគិតគូរ និងមានទ្រព្យសម្បត្តិច្រើនដែលធ្វើជំនួញពេញមួយឆ្នាំ ហើយមានទ្រព្យសម្បត្តិដ៏មានតម្លៃជាច្រើន។ បន្ទាប់ពីស្គាល់គ្នា អ្នកទាំងពីរបានរៀបការ ហើយអ្នកស្រីក៏មានជីវភាពធូរធារ និងសុខស្រួលដូចស្ត្រីសេដ្ឋី។

ទោះជាយ៉ាងនេះក្តី ដើម្បីអាចរៀបការជាមួយបុរសសេដ្ឋី អ្នកស្រី Thinh ត្រូវទុកកូនស្រីឲ្យឪពុកម្តាយមើលថែ និងផ្ញើប្រាក់ឧបត្ថម្ភប្រចាំខែ។ នៅពេលដែលកូនឈានចូលរៀននៅវិទ្យាល័យ ហើយមានអារម្មណ៍ថា ជំពាក់គុណកូនស្រី អ្នកស្រីក៏សម្រេចចិត្តយកគាត់ទៅរស់នៅជាមួយគាត់វិញ។

នៅពេលនេះ កូនស្រីចង់ទៅសិក្សានៅបរទេស និងរកឃើញសាលានៅអាមេរិក ហើយបានសុំម្ដាយ។ ដោយសារតែរឿងនេះហើយទើបធ្វើឲ្យប្ដីប្រពន្ធមានការមិនចុះសម្រុងគ្នា ហើយនៅទីបំផុតក៏លែងលះគ្នា។ ក្រោយពេលលែងលះ លោកស្រី ត្រូវបានស្វាមីក្រោយផ្តល់ជាសាច់ប្រាក់ចំនួន៥០០ ពាន់យន់ ផ្ទះពីរក្នុងទីក្រុង និងរថយន្តទំនើបមួយគ្រឿងប៉ុណ្ណោះ។

ក្នុងរយៈពេលប៉ុន្មានឆ្នាំចុងក្រោយនេះ នាងបានចំណាយទ្រព្យសកម្មភាគច្រើនរបស់នាង ដើម្បីរ៉ាប់រងថ្លៃសិក្សា និងការចំណាយលើការរស់នៅសម្រាប់កូនស្រីទៅសិក្សានៅបរទេស ដែលចំនួនសរុបមានលើសពី ១.១លានយន់ ។

លើសពីនេះកូនស្រីរបស់គាត់ បច្ចុប្បន្នជានិស្សិតផ្នែកគីមីវិទ្យានៃសាកលវិទ្យាល័យកាលីហ្វ័រញ៉ា ដែលជាសាលាមួយក្នុងចំណោមសាលាកំពូលទាំង ២០ នៅលើពិភពលោក។ ទោះយ៉ាងណាក៏ដោយ ក្នុងនាមជាម្តាយទោល ស្រីរូបនេះមិនអាចមានលទ្ធភាពបង់ថ្លៃសិក្សានៅមហាវិទ្យាល័យរយៈពេល ៤ ឆ្នាំរបស់កូនគាត់បានទេ។ នៅតាមផ្លូវ នាងបានសុំជំនួយពីអតីតស្វាមី ប៉ុន្តែប្តីដំបូងគាត់បានផ្តល់ឲ្យនាងត្រឹមតែ១៦០,០០០ យន់ តិចតួចពេកបើធៀបនឹងចំនួនដែលត្រូវការ។

បន្ទាប់ពីមានកង្វល់ជាច្រើនយប់ អ្នកស្រីបានទាក់ទងទៅស្ថានីយ៍ទូរទស្សន៍ ហើយបានចេញដំណើរទៅអង្វរប្រជាពលរដ្ឋឲ្យបរិច្ចាគថវិកា ដើម្បីកូនស្រីរបស់គាត់បានសិក្សានៅសាលាដ៏ល្បីរបស់អាមេរិក។ អ្នកស្រី ក៏បានទុកលេខគណនីធនាគាររបស់ខ្លួន ដោយសង្ឃឹមថានឹងទទួលបានជំនួយ។ ប៉ុន្តែអ្វីដែលនាងទទួលបានគឺការចំអករាប់មិនអស់។

មកទល់នឹងពេលនេះ គ្មាននរណាម្នាក់បានផ្តល់អំណោយដល់អតីតសេដ្ធីរូបនោះទេ មនុស្សជាច្រើននៅតែរិះគន់អ្នកស្រី ដោយខឹងសម្បារថា ឆោតល្ងង់ខ្លាំងណាស់៕

ប្រែសម្រួល៖ សាង ស្រីល័ក្ខ

ប្រភព៖soha

ចុចអាន៖តារាស្រីចិនម្នាក់ ត្រូវមហាជនព្រួតថានាងផ្សាយពាណិជ្ជកម្មខុសពីការពិត