ព័ត៌មានអន្ដរជាតិ

នាវាចម្បាំងកងទ័ពជើងទឹក អាមេរិក បាញ់ទម្លាក់យន្តហោះគ្មានមនុស្សបើក ១៤គ្រឿង

បានផុស

២ years មុន

នៅ

ថ្ងៃអាទិត្យ ១៧ ធ្នូ ២០២៣

ដោយ

នាវាពិឃាតរបស់កងទ័ពជើងទឹកអាមេរិកមួយគ្រឿង ដែលត្រូវបានដាក់ពង្រាយទៅកាន់សមុទ្រក្រហម បានបាញ់ទម្លាក់យន្តហោះគ្មានមនុស្សបើកវាយប្រហារចំនួន ១៤ គ្រឿង ដែលបង្ហោះចេញពីតំបន់ដែលគ្រប់គ្រងដោយពួក Houthi នៃប្រទេសយេម៉ែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីបញ្ជាការកណ្តាលអាមេរិក (CENTCOM) បាននិយាយនៅក្នុងសេចក្តីថ្លែងការណ៍មួយថា យន្តហោះគ្មានមនុស្សបើក ជាយន្តហោះវាយប្រហារផ្លូវមួយ ហើយត្រូវបានបាញ់ទម្លាក់ដោយនាវាពិឃាត USS Carney នៅព្រឹកថ្ងៃសៅរ៍។ នេះបើតាមសេចក្តីថ្លែងការណ៍ដដែលថា មិនមានការខូចខាតកប៉ាល់នៅក្នុងតំបន់នោះទេ ហើយក៏មិនមានអ្នករបួសដែរ។

នាវា USS Carney បានការពារប្រឆាំងនឹងការវាយប្រហារបែបនេះជាច្រើន ចាប់តាំងពីជម្លោះអ៊ីស្រាអែល និងក្រុមហាម៉ាស់ បានចាប់ផ្តើមនៅថ្ងៃទី ០៧ ខែតុលា ។ CENTCOM ក៏បានអះអាងដែរថា ការវាយប្រហារបានបើកឲ្យពេញលេញដោយសារតែអ៊ីរ៉ង់ ខណៈនាវាពាណិជ្ជកម្មជាច្រើនត្រូវបានវាយប្រហារដោយកាំជ្រួចនៅសមុទ្រក្រហមក្នុងខែនេះ។

ទោះយ៉ាងណាក៏ដោយ ការវាយប្រហារកាន់តែខ្លាំងឡើងបានជំរុឲ្យក្រុមហ៊ុនដឹកជញ្ជូនធំៗមួយចំនួន រួមទាំងក្រុមហ៊ុន Maersk ឈានជើងចេញពីតំបន់នោះ។ ក្រុមហ៊ុនដឹកជញ្ជូនមេឌីទែរ៉ាណេ (MSC) បានប្រកាសកាលពីថ្ងៃសៅរ៍ថា នាវារបស់ខ្លួននឹងឈប់ឆ្លងកាត់ព្រែកជីកស៊ុយអេ បន្ទាប់ពីកប៉ាល់កុងតឺន័រ MSC Palatium III របស់ខ្លួនត្រូវបានវាយប្រហារនៅសមុទ្រក្រហមកាលពីថ្ងៃសុក្រ។ MSC Palatium III បានរងការខូចខាតដោយអគ្គីភ័យ ហើយត្រូវបានដកចេញពីសេវាកម្ម ប៉ុន្តែមិនមានសមាជិកនាវិកណាម្នាក់រងរបួសនោះទេ៕