ព័ត៌មានអន្ដរជាតិ

វៀតណាម ត្រៀមជម្រះបញ្ជីវេបសាយពាក់ព័ន្ធល្បែងស៊ីសងតាមអនឡាញជាង ៤០០

បានផុស

២ years មុន

នៅ

ថ្ងៃព្រហស្បតិ៍ ៤ មករា ២០២៤

ដោយ

ប្រមាណ ៤០៣ វេបសាយទាក់ទងនឹងការផ្តល់សេវាភ្នាល់ល្បែងស៊ីសងតាមអនឡាញត្រូវបានចុះក្នុងបញ្ជីខ្មៅនៅប្រទេសវៀតណាម ។ នេះបើយោងតាមការចុះផ្សាយពីសារព័ត៌មាន VN Express ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានឲ្យដឹងទៀតថា រាល់សេវាផ្នែកសម្របសម្រួល បោះពុម្ព និងផ្សព្វផ្សាយពាណិជ្ជកម្មទាំងអស់ ដែលពាក់ព័ន្ធនឹងវេបសាយដែលបានកត់ចូលក្នុងបញ្ជីខ្មៅខាងលើ ក៏នឹងត្រូវបានអាជ្ញាធរបញ្ឈប់មិនឲ្យមានកិច្ចសហប្រតបត្តិការផងដែរ ។

ក្រៅពីវេបសាយល្បែងស៊ីសង និងភ្នាល់ល្បែង បញ្ជីខ្មៅខាងលើក៏រាប់បញ្ចូលទាំងបណ្តាវ៉េបសាយដែលចេញផ្សាយខុសច្បាប់ និងបំពានសិទ្ធិផ្សាយកម្មវិធីកីឡានានាផងដែរ ហើយភាគច្រើន អ្នកទស្សនាបានចូលមើលតាមរយៈវ៉េបសាយខុសច្បាប់ទាំងនោះ ជំនួសឲ្យការចូលមើលវ៉េបសាយដែលមានអជ្ញាប័ណ្ណផ្លូវការ ។

បន្ថែមពីនេះ ក្រសួងព័ត៌មានវិទ្យា និងសារគមនាគមន៍វៀតណាម ក៏បានចេញផ្សាយនូវបញ្ជីស ពោលគឺវេបសាយដែលមានការអនុញ្ញាតផ្លូវការត្រឹមត្រូវ ដែលបណ្តាអាជីវកម្ម ឬប្រេននានាអាចផ្សព្វផ្សាយទៅលើគេហទំព័រទាំងនោះបាន ។

គួររំឭកដែរថា ការផ្សព្វផ្សាយបង្ហាញពីបញ្ជីស-ខ្មៅរបស់អាជ្ញាធរព័ត៌មានវិទ្យាវៀតណាមនេះ គឺបានធ្វើឡើងចាប់តាំងពីខែមីនា ឆ្នាំ២០២៣ មកម្ល៉េះ ក្នុងបំណងពង្រឹងបន្ថែមការគ្រប់គ្រង និងដោះស្រាយបញ្ហាផ្សព្វផ្សាយតាមប្រព័ន្ធអនឡាញ ខណៈវៀតណាមមានវេបសាយផ្លូវការដូចជា សារព័ត៌មាន និងទស្សនាវដ្តីអេឡិចត្រូនិកផ្លូវការមានចំនួន ៣០១ វ៉េបសាយ, ផេកព័ត៌មានអេឡិចត្រូនិច ១,៣៨១, បណ្ដាញសង្គម ៩៥៣ ករណីដែលសុទ្ទសឹងតែមានច្បាប់អនុញ្ញាត និងមានព័ត៌មានច្បាស់លាស់អំពីអាជ្ញាប័ណ្ណ, ភ្នាក់ងារគ្រប់គ្រង និងការកំណត់សិទ្ធិ (Domain Names) ៕

ប្រែសម្រួល៖ មាន រតនា

ប្រភព៖ Vietnam Express