ព័ត៌មានអន្ដរជាតិ

កំណើនមនុស្សគ្មានផ្ទះសម្បែង និងទីជម្រកនៅ អង់គ្លេស កំពុងកើនឡើងរហ័ស ត្រឹមដើមឆ្នាំ២០២៤

បានផុស

៣ years មុន

នៅ

ថ្ងៃសុក្រ ៥ មករា ២០២៤

ដោយ

មនុស្ស ១៥ នាក់ក្នុងចំណោម ១០ ម៉ឺននាក់ គឺពុំមានលំនៅដ្ឋានរស់នៅបានស្រួលនោះឡើយនៅទូទាំងប្រទេសអង់គ្លេស។ នេះបើតាមការសិក្សារបស់មូលនិធិស្រាវជ្រាវក្នុងស្រុករបស់អង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមទិន្នន័យពីការស្រាវជ្រាវរបស់មូលនិធិការពារតំបន់ជនបទអង់គ្លេស CPRE បានឲ្យដឹងថា ចំនួនអ្នកគ្មានផ្ទះសម្បែង ឬទីជម្រករស់នៅបានត្រឹមត្រូវនៅតំបន់ជនបទនៃប្រទេសអង់គ្លេស កើនឡើង ៤០ ភាគរយក្នុងរយៈពេល ៥ ឆ្នាំចុងក្រោយនេះ ហើយករណីនេះ គឺដោយសារមានការកើនឡើងនៃតម្លៃអចលនទ្រព្យ ក៏ដូចជាវិបត្តិនៃថ្លៃចំណាយរស់នៅ។

យោងតាមការសិក្សាស្រាវជ្រាវរបស់មូលនិធិដដែល ចំនួនអ្នកគ្មានផ្ទះសម្បែង ពោលគឺរាប់តាំងពីអ្នកនៅគេងក្នុងទីវាល, គ្មានជម្រក, អ្នករស់នៅអាស្រ័យទីចល័តដោយបិតបាំង និងគ្មានជញ្ជាំងផ្ទះត្រឹមត្រូវ បានកើនឡើងសរុបជាករណីពី ១,៧២១២ ក្នុងឆ្នាំ២០១៨ ដល់ ២៤,១៤៣ ករណីនៅឆ្នាំ២០២៣ ។ ចំនួនទាំងនេះ គិតជាសរុបរួមគឺបញ្ហាមនុស្សគ្មានផ្ទះសម្បែង គឺមានភាគច្រើននៅតាមតំបន់ជនបទ ។ ដោយគិតមកត្រឹមដើមឆ្នាំ២០២៤នេះ ទិន្នន័យអ្នកគ្មានផ្ទះជម្រករស់នៅសមរម្យនៅទូទាំងអង់គ្លេសគឺកើនចំនួន ១៤ ភាគរយ ។

គួររំឭកដែរថា នៅប្រទេសអង់គ្លេស តម្លៃផ្ទះជាមធ្យមគឺចាប់ពី ៤២ ម៉ឺនផោន ប្រហែលជាង ៥០ ម៉ឺនដុល្លារអាមេរិក ។ តម្លៃផ្ទះថ្លៃនេះ គឺជាលទ្ធផលសល់ពីវិបត្តិសេដ្ឋកិច្ចដែលកើតឡើងនៅឆ្នាំ២០២២ ស្របពេលដែលតម្លៃទំនិញនៅអង់គ្លេសរាប់ទាំងថ្លៃអាហារ និងថាមពល បានកើនឡើងខ្លាំងមកជាមួយគ្នាផងដែរ ៕

ប្រែសម្រួល៖ មាន រតនា

ប្រភព៖ The Guardian, RT

Related Topics:ចក្រភពអង់គ្លេស