ព័ត៌មានអន្ដរជាតិ
បុរស៣នាក់ កំពុងប្រជែងគ្នាដណ្ដើមតំណែងជាប្រធានាធិបតីតៃវ៉ាន់
នៅថ្ងៃទី១៣ ខែមករា ឆ្នាំ ២០២៤ ខាងមុខនេះ តៃវ៉ាន់នឹងបើកការបោះឆ្នោតសកលជ្រើសរើសប្រធានាធិបតីថ្មី បន្ទាប់ពីប្រធានាធិបតីចាស់ លោកស្រី Tsai Ing-wen ។
តៃវ៉ាន់ ដែលជាកោះផ្ដាច់ខ្លួនចេញពីប្រទេសចិននេះ បានចាប់ផ្ដើមមានការបោះឆ្នោតជ្រើសរើសប្រធានាធិបតីលើកដំបូងក្នុងឆ្នាំ ១៩៩៦ ហើយសម្រាប់ការបោះឆ្នោតលើកនេះត្រូវបានគេមើលឃើញថា មានបេក្ខភាព ៣រូប កំពុងលេចធ្លោក្នុងតារាងនៃការប្រជែងគ្នាជាប្រធានាធិបតីថ្មី ដឹកនាំទឹកដីកោះតៃវ៉ាន់ ។ អ្នកទាំង៣រូបនោមានដូចជា÷
លោក Lai Ching-te
លោក Lai Ching-te ដែលគេស្គាល់តាមរយៈឈ្មោះ William Lai បច្ចុប្បន្នមានអាយុ ៦៤ឆ្នាំ ជាបុគ្គលដែលមានកាយវិការទន់ភ្លន់ សម្ដីផ្អែម ជាប្រធានគណបក្សប្រជាធិបតេយ្យជឿនលឿន (DPP) ។
លោក Lai Ching-te ក៏ជាអតីតនាយករដ្ឋមន្ត្រី របស់លោកស្រីប្រធានាធិបតី Tsai Ing-wen ផងដែរ កាលពីឆ្នាំ ២០១៧ ដល់ ២០១៩ ។
នៅក្នុងយុទ្ធនាការឃោសនាបោះឆ្នោតប្រធានាធិបតី លោក Lai Ching-te បាននិយាយម្តងហើយម្តងទៀតថា តៃវ៉ាន់សង្ឃឹមថានឹងក្លាយជាមិត្ត ជាមួយប្រទេសចិន។ លោកថា “យើងមិនចង់ក្លាយជាសត្រូវជាមួយគ្នាឡើយ (ជាមួយចិន) យើងចង់ក្លាយជាមិត្តនឹងគ្នា និងចង់ឃើញប្រទេសចិន រីករាយជាមួយលទ្ធិប្រជាធិបតេយ្យ ដូចយើងដែរ” ។
លោក Hou Yu-ih
បុរសវ័យ ៦៦ ឆ្នាំរូបនេះ ជាអតីតមេប៉ូលីសតៃវ៉ាន់ បានងាកមកធ្វើនយោបាយក្នុងឆ្នាំ ២០១០ ហើយបានក្លាយជាអភិបាលក្រុង New Taipei ដែលជាទីក្រុងមួយមានប្រជាជនច្រើនជាងគេរបស់តៃវ៉ាន់ក្នុងឆ្នាំ ២០១៨ ហើយបច្ចុប្បន្ននេះគាត់កំពុងក្លាយជាអ្នកប្រជែងតំណែងប្រធានាធិបតីថ្មី ។ ប្រវត្តិបស់លោក Hou Yu-ih ជាប៉ូលីសដែលមានសមត្ថភាព និងជាអភិបាលក្រុងដ៏មានប្រជាប្រិយខ្លាំង ដូច្នេះហើយទើបលោក ត្រូវជ្រើសរើសជាបេក្ខភាពប្រធានាធិបតីនៃគណបក្ស គួមីនតាង (KMT) ។
លោក Ko Wen-je
លោក Ko Wen-je មកពីគណបក្សប្រជាជនតៃវ៉ាន់ (TPP) បច្ចុប្បន្នមានវ័យ ៦៤ឆ្នាំ ជាបុគ្គលមានភាពល្បីល្បាញខាងនយោបាយបន្ទាប់ពីលោកបានបោះជំហ៊ានគាំទ្រ “Sunflower Movement” ក្នុងឆ្នាំ ២០១៤ ។ ចលនា នេះ គឺជាការដឹកនាំដោយនិស្សិតតវ៉ាប្រឆាំងនឹងអ្វីដែលពួកគេមើលឃើញថា ប្រទេសចិនកំពុងមានឥទ្ធិពលមកលើកោះតៃវ៉ាន់នាពេលនោះ ៕
ប្រែសម្រួលដោយ÷ ប៉ោ កុសល
ប្រភព÷ BBC
-
កីឡា៤ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ