ព័ត៌មានអន្ដរជាតិ
ខេត្ត ជប៉ុន ដែលជួបសោកនាដកម្មរញ្ជួយដីខ្លាំងក្លា កំពុងរងផលប៉ះពាល់ពីព្រិលធ្លាក់ដ៏ក្រាស់ឃ្មឹកមួយទៀត
ទូរទស្សន៍ NHK បានរាយការណ៍ថា ខេត្ត Ishikawa ភាគកណ្ដាលប្រទេសជប៉ុនដែលជួបសោកនាដកម្មរញ្ជួយដីកម្រិត ៧.៦ រ៉ិចទ័រនៅថ្ងៃបើកទំព័រឆ្នាំថ្មី, ឥឡូវនេះក៏កំពុងរងផលប៉ះពាល់ពីការធ្លាក់ព្រិលដ៏ក្រាស់ឃ្មឹក ហើយថែមទាំងបានចេញការព្រមានទៅដល់ប្រជាពលរដ្ឋគួរតែបង្កើនការប្រុងប្រយ័ត្នបន្ថែមពីការដួលរលំអគារដែលកំពុងទ្រទម្ងន់ព្រិល ។
![](https://www.kampucheathmey.com/wp-content/uploads/2024/01/snow-5.jpg)
ខ្យល់ត្រជាក់បាននិងកំពុងបោកបក់នាំព្រិលទៅកាន់តំបន់ Noto ខេត្ត Ishikawa និងផ្នែកផ្សេងទៀតនៃតំបន់ Hokuriku ក៏ដូចជាខេត្ត Niigata ជាពិសេសអាជ្ញាធរបានចេញការព្រមានទៅដល់អ្នកស្រុកឲ្យប្រុងជើងការខ្ពស់ពីការបាក់ស្រុតអគារដែលរងការខូចខាតស្រាប់ពីគ្រោះរញ្ជួយដី និងកំពុងទ្រទម្ងន់ព្រិលធ្លាក់ដ៏ក្រាស់ឃ្មឹក ។
ការធ្លាក់ព្រិលរយៈពេល ៣ ម៉ោងរហូតដល់ម៉ោង ៦ ព្រឹកថ្ងៃចន្ទនេះគឺមានកម្រាស់ ១៤ សង់ទីម៉ែត្រនៅទីក្រុង Yuzawa ក្នុងខេត្ត Niigata, ៥ សង់ទីម៉ែត្រនៅទីក្រុង Himi ក្នុងខេត្ត Toyama និង ១ សង់ទីម៉ែត្រនៅទីក្រុង Suzu ក្នុងខេត្ត Ishikawa ។
![](https://www.kampucheathmey.com/wp-content/uploads/2024/01/snow-6.jpg)
ទោះយ៉ាងណា គិតត្រឹមម៉ោង ៦ ព្រឹកថ្ងៃចន្ទនេះ ព្រិលធ្លាក់ដ៏ក្រាស់ឃ្មឹកនៅក្នុងខេត្ត Ishikawa បានឡើងដល់កម្រាស់ ១៣ សង់ទីម៉ែត្រនៅក្នុងទីក្រុង Suzu, ១១ សង់ទីម៉ែត្រនៅទីក្រុង Nanao និង ៩ សង់ទីម៉ែត្រនៅទីក្រុង Wajima ហើយព្រិលធ្លាក់ខ្លាំងក៏អាចនឹងកើតឡើងសម្រាប់តំបន់ភ្នំ Hokuriku និងខេត្ត Niigata ផងដែរ ខណៈនៅតំបន់ខ្ពង់រាបក៏អាចជួបប្រទះព្រិលធ្លាក់ខ្លាំងដូចគ្នា ។
ទន្ទឹមនោះ ព្រិលធ្លាក់នឹងបន្តកើតមាននៅក្នុងខេត្ត Ishikawa រយៈពេល ២៤ ម៉ោងទៀត ពោលរហូតដល់ព្រឹកថ្ងៃអង្គារដែលនឹងមានកម្រាស់ ១០ សង់ទីម៉ែត្រនៅតំបន់ភ្នំ និង ៥ សង់ទីម៉ែត្រនៅតំបន់ខ្ពង់រាប ។ ចំណែកនៅក្នុងខេត្ត Niigata ការព្យាករពីព្រិលធ្លាក់ក្នុងរយៈពេលដូចគ្នាគឺមានកម្រាស់ ៣០ សង់ទីម៉ែត្រនៅតំបន់ភ្នំ និង ១០ សង់ទីម៉ែត្រនៅតំបន់ខ្ពង់រាប ខណៈខេត្ត Toyama ព្យាករថានឹងមានព្រិលធ្លាក់ពី ១០ ទៅ ២០ សង់ទីម៉ែត្រ ។
![](https://www.kampucheathmey.com/wp-content/uploads/2024/01/snow-7.jpg)
ស្របពេលជាមួយគ្នានេះ ទីភ្នាក់ងារឧតុនិយមជប៉ុនក៏កំពុងជំរុញឲ្យប្រជាជននៅក្នុងខេត្តរក្សាការប្រុងប្រយត្ន័ចំពោះការរំខានដល់ប្រព័ន្ធដឹកជញ្ជូន ការខូចខាតសម្ភារៈកសិកម្ម ការធ្លាក់ព្រិលនៅលើខ្សែភ្លើង និងដើមឈើ ក៏ដូចជាគ្រោះថ្នាក់ផ្សេងទៀតដែលអាចកើតមានជាយថាហេតុ ។
គួរបញ្ជាក់ថា គ្រោះរញ្ជួយដីកម្រិត ៧.៦ រ៉ិចទ័រដែលបានវាយប្រហារខេត្ត Ishikawa ភាគកណ្ដាលប្រទេសជប៉ុនកាលពីព្រឹកថ្ងៃទី១ ខែមករា ឆ្នាំ២០២៤ បានសម្លាប់មនុស្សជាង ១៦០ នាក់ហើយ ខណៈគ្រោះធម្មជាតិមួយនេះក៏បំផ្លាញសំណង់អគារ កាត់ផ្តាច់ចរន្តអគ្គិសនីទៅដល់មនុស្សរាប់ម៉ឺននាក់ និងជំរុញឲ្យប្រជាពលរដ្ឋរត់ចេញពីតំបន់ឆ្នេរទៅរកទីទួលសុវត្ថិភាពផងដែរ ៕
![](https://www.kampucheathmey.com/wp-content/uploads/2024/01/snow-8.jpg)
ប្រែសម្រួលដោយ ៖ ជីវ័ន្ត
ចុចអាន ៖ ឆ្នាំ២០២៤ ទើបបាន១សប្តាហ៍ តែពិភពលោក ជួបរឿងរន្ធត់ដល់ទៅ ៥
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ