ព័ត៌មានអន្ដរជាតិ
អាល្លឺម៉ង់ ចេញមុខក្នុងក្របខណ្ឌអឺរ៉ុប ចូលរួមសង្គ្រាមប្រឆាំងក្រុមហ៊ូធី
នាវាចម្បាំង ប្រភេទ Frigate F-124 មួយគ្រឿងរបស់អាល្លឺម៉ង់ បំពាក់ដោយមីស៊ីលបាញ់យន្តហោះ និងឧទ្ធម្កាចក្រចម្បាំង នឹងត្រៀមចេញដំណើរទៅកាន់សមុទ្រក្រហមនាថ្ងៃទី០១ ខែកុម្ភៈ ខាងមុខនេះក្នុងទិសដៅប្រឆាំងនឹងក្រុមឧទ្ទាមហ៊ូធីនៅប្រទេសយេម៉ែន។
![](https://www.kampucheathmey.com/wp-content/uploads/2024/01/German-Vessel-1.jpg)
តាមប្រភពសារព័ត៌មានក្នុងស្រុករបស់អាល្លឺម៉ង់ Die Welt បានរាយការណ៍បញ្ជាក់ថា រដ្ឋាភិបាលក្រុងបែរឡាំង នឹងត្រៀមបញ្ជូន F-124 ខាងលើចេញពីឆ្នេរអាល្លឺម៉ង់ឆ្ពោះទៅឈូងសមុទ្រ Aden ដែលជាឈូងសមុទ្រទឹកជ្រៅចន្លោះប្រទេសយេម៉ែន ឈូងសមុទ្រឥណ្ឌា និងអារ៉ាប់ នៅថ្ងៃទី០១ ខែក្រោយ ។
នៅក្នុងនាវាចម្បាំងលំដាប់នេះ គឺបំពាក់ដោយប្រព័ន្ធរ៉ាដាដែលមានសមត្ថភាពចាប់បាន ១,០០០ គោលដៅ ក៏ដូចជាមីស៊ីលការពារ ឧទ្ធម្កាចក្រចម្បាំង ព្រមទាំងមាននូវមីស៊ីលប្រឆាំងនឹងកប៉ាល់ចម្បាំងផ្សេងទៀតផងដែរ។ ប្រភពដដែលបានបញ្ជាក់ថា ការបញ្ជូននេះ គឺនៅក្នុងក្របខណ្ឌបេសកកម្មមួយផ្នែករបស់សហភាពអឺរ៉ុបនៅក្នុងតំបន់។
ស្ថានការណ៍នៅសមុទ្រក្រហម និងឈូងសមុទ្រ Aden កំពុងស្ថិតក្នុងភាពតានតឹង ក្រោយពេលការសម្រេចប្រើកម្លាំងទ័ពដោយអង់គ្លេស និងសហរដ្ឋអាមេរិកនៅទីនោះ ឆ្លើយតបទៅនឹងសកម្មភាពរបស់ក្រុមឧទ្ទាមហ៊ូធីនៅមូលដ្ឋានប្រទេសយែម៉ែន។
![](https://www.kampucheathmey.com/wp-content/uploads/2024/01/German-Vessel.jpg)
គួរបញ្ជាក់ផងដែរថា ក្រុមឧទ្ទាមហ៊ូធីបានប្រកាសជំហររឹងមាំជាមួយប្រជាជាតិបាឡេស្ទីន លើស្ថានភាពជម្លោះឥតឈប់ឈររវាងអ៊ីស្រាអែល និងក្រុមហាម៉ាស នៅតំបន់ហ្គាហ្សា ហើយក្រុមឧទ្ទាមអ៊ីស្លាមមួយនេះ ក៏ប្រកាសប្រឆាំង និងវាយប្រហាររាល់នាវាសត្រូវណាដែលជិះឆ្លងកាត់ចូលតំបន់ឈូងសមុទ្រ Aden នោះ រហូតដល់អ៊ីស្រាអែល បញ្ឈប់សង្រ្គាមរបស់ខ្លួនទៅលើក្រុមហាម៉ាស់៕
អត្ថបទដោយ៖ មាន រតនា
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ