ព័ត៌មានអន្ដរជាតិ
ចាប់ខ្លួនបុរសថៃ-អាល្លឺម៉ង់ម្នាក់ ពីបទរំលោភកូនស្រីបង្កើត និងថតឃ្លិបលក់លើបណ្តាញសង្គមងងឹត
កាលថ្ងៃទី ១៧ មករា ឆ្នាំ២០២៤ DSI ឬនាយកដ្ឋានស៊ើបអង្កេតពិសេស សហការជាមួយប៉ូលិសសហព័ន្ធអាល្លឺម៉ង់ (Bundeskriminalamt : BKA) បានចាប់ខ្លួនលោក Tony ជាកូនកាត់ថៃអាល្លឺម៉ង់ ពីបទរំលោភនិងលក់វីដេអូផ្លូវភេទ តាមគេហទំព័រងងឹត នៅខេត្តមួយក្នុងភូមិភាគឦសាននៃប្រទេសថៃ។ នេះបើយោងតាមការចុះផ្សាយរបស់កាសែត thethaiger នៅមុននេះបន្តិចប៉ុណ្ណោះ។
មែនទែនទៅ រឿងរ៉ាវមួយនេះបានកើតឡើងតាំងពីថ្ងៃទី២០ ខែកក្កដា ឆ្នាំ២០២៣ ក្នុងពេលដែលអាជ្ញាធរថៃបានទទួលព័ត៌មានសម្របសម្រួលពីមន្ត្រីអង្គការប្រតិបត្តិការ ផ្លូវរថភ្លើងក្រោមដី (O.U.R) ដែលបានរកឃើញការរំលោភបំពានផ្លូវភេទលើកុមារ ហើយជនល្មើសមានទីលំនៅក្នុងប្រទេសថៃ ខណៈដែលជនរងគ្រោះគឺជាកូនស្រីបង្កើតរបស់ជនល្មើសថែមទៀត។
ប៉ូលិសសបានបើកការស៊ើបអង្កេតដោយប្រមូលនូវភស្តុតាងជាច្រើន ដោយនាំទៅតុលាការសុំដីកាចាប់ខ្លួនពីបទបៀតបៀនផ្លូវភេទលើកុមារអាយុក្រោមដប់បីឆ្នាំ។ បើទោះបីជាកុមារយល់ព្រមឬអត់ ប៉ុន្តែការប្រព្រឹត្តអំពើមិនសមរម្យលើកុមារអាយុក្រោម១៣ឆ្នាំ ត្រូវគេចាត់ទុកថាជាអំពើល្មើសច្បាប់យ៉ាងធ្ងន់ធ្ងរ។
យ៉ាងណាក៏ដោយ ប៉ូលិសបាននាំខ្លួនលោក Tony ទៅឃុំខ្លួននៅតុលាការព្រហ្មទណ្ឌ ហើយនៅថ្ងៃទី ១៦ ខែមករា ឆ្នាំ ២០២៤ តុលាការព្រហ្មទណ្ឌមិនបានអនុម័តការដោះលែងជនស្មើសជាបណ្តោះអាសន្ន តាមការស្នើសុំរបស់ក្រុមគ្រួសារនោះទេ។
លើសពីនេះទៀតសោត នាយកដ្ឋានស៊ើបអង្កេតពិសេសបញ្ជាក់ថា នឹងពង្រីកលទ្ធផលនៃការចាប់ខ្លួនជនល្មើសរំលោភផ្លូវភេទកុមារបន្ថែមទៀតក្នុងករណីនេះ។ គេជឿថា នឹងមានជនរងគ្រោះជាកុមារផ្សេងទៀត ហើយខាងនាយកដ្ឋាននឹងមានការអប់រំដល់កុមារ និងយុវជនអំពីសិទ្ធិរបស់ពួកគេដើម្បីការពារខ្លួនពីគ្រោះថ្នាក់ផ្លូវភេទ៕
អត្ថបទ៖ សាង ស្រីល័ក្ខ
ចុចអាន៖បុរសថៃ ជាប់គុក ៥០ឆ្នាំ ដោយសារបង្ហោះ Facebook ប្រមាថព្រះមហាក្សត្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង