ព័ត៌មានអន្ដរជាតិ
សិង្ហបុរីតាមចាប់ខ្លួនបុរសចិន មានសញ្ជាតិខ្មែរ ២រូប ពាក់ព័ន្ធនឹងករណីលាងលុយកខ្វក់
អាជ្ញាធរសិង្ហបុរីកំពុងស្វែងរកជនសង្ស័យពីរនាក់ទៀត ដែលពាក់ព័ន្ធនឹង ករណីលាងលុយដ៏ច្រើនសន្ធឹកសន្ធាប់ពីសំណាក់ក្រុមទុចរិត ដែលត្រូវបានរកឃើញកាលពីឆ្នាំមុន ។ ហើយទ្រព្យសម្បត្តិដែលត្រូវបានរឹបអូស និងបង្កកទាក់ទិននឹងករណីលាងលុយនេះបានកើនឡើងដល់ជាង ៣ ពាន់លានដុល្លារសិង្ហបុរី (២.២ ពាន់លានដុល្លារអាមេរិក)។
![](https://www.kampucheathmey.com/wp-content/uploads/2024/01/incollage_save-129.jpg)
ថ្ងៃសុក្រ ទី១៩ ខែមករា នេះសមត្ថកិច្ចសិង្ហបុរីបាននិយាយថា ដីកាចាប់ខ្លួន និងលិខិតក្រហម (Interpol Red Notices) បានបង្ហាញអំពីបុរសដើមកំណើតចិន មានសញ្ជាតិខ្មែរ ពីររូប ឈ្មោះ Su Yongcan អាយុ ៣៣ ឆ្នាំ និង Wang Huoqiang អាយុ ២៩ ឆ្នាំ បានជាប់ពាក់ព័ន្ធពីបទល្មើសលាងលុយកខ្វក់ ។
ប្រភពដដែលបានឱ្យដឹងទៀតថា បុរសទាំងពីរនាក់ខាងលើនេះ បានចាកចេញពីសិង្ហបុរី មុនពេលប៉ូលិសចាប់ផ្ដើមប្រតិបត្តិការបង្ក្រាបបទល្មើសលាងលុយ កាលពីថ្ងៃទី១៥ ខែសីហា ឆ្នាំ ២០២៣ ។
ជាមួយគ្នានេះ កងកម្លាំងប៉ូលីសសិង្ហបុរី (SPF) បាននិយាយនៅក្នុងសេចក្តីប្រកាសព័ត៌មានមួយថា ប្រតិបត្តិការសម្អាតបទល្មើសលាងលុយក្នុងប្រទេសរបស់ខ្លួន គឺចាប់ផ្ដើមពីការបិទមិនឱ្យមានសកម្មភាពទិញអចលនទ្រព្យ និងយានយន្ត (ទិញចោល) ។ ហើយពាក់ព័ន្ធនឹងសកម្មភាពរបស់ជនសង្ស័យទាំង២នាក់ខាងលើ និងបក្សពួកផ្សេងទៀត ត្រូវបានគេរកឃើញថា ពួកគេបានទិញអចលនទ្រព្យ (ទិញចោល) ចំនួន ៥៥កន្លែង, យានជំនិះចំនួន ១៥ គ្រឿង, កាបូបប្រណីតចំនួន ១៨៩, មាស ៣៤ ដុំ និង នាឡិកាដៃប្រណីត ៥គ្រឿង ដែលមានតម្លៃសរុបជាង ៣ ពាន់លានដុល្លារសិង្ហបុរី (២.២ ពាន់លានដុល្លារអាមេរិក) ពេលនេះទ្រព្យសម្បត្តិទាំងនោះត្រូវបានរឹបអូស និងបង្កក ។
សូមរំឮកផងដែរថា កាលពីថ្ងៃទី១៥ ខែសីហា ឆ្នាំ២០២៣ ជនបរទេស ១០នាក់ ដែលសង្ស័យជាប់ពាក់ព័ន្ធនឹងករណីលាងលុយកខ្វក់ ត្រូវបានចាប់ខ្លួនក្នុងការឆ្មក់ចូលពីសំណាក់ក្រុសមត្ថកិច្ចជំនាញ ដែលធ្វើឡើងនៅខុនដូឈ្មោះ Good Class Bungalows និងទីតាំងដីមួយកន្លែង។ បើតាមរដ្ឋមន្ត្រីស្តីទីទទួលបន្ទុកកិច្ចការផ្ទៃក្នុង លោក Josephine Teo បានប្រាប់សភា កាលពីខែតុលា ឆ្នាំ២០២៣ថា ប្រតិបត្តិការបង្ក្រាបករណីលាងលុយកខ្វក់នាពេលនោះ ទំនងមិនមែនតែនៅក្នុងប្រទេសសិង្ហបុរីតែមួយប៉ុណ្ណោះទេ អាចនៅទូទាំងពិភពលោកផងដែរ ។ ជនសង្ស័យទាំង១០នាក់ ដែលបានចាប់ខ្លួននោះ មានដើមកំណើតជាជនជាតិចិន ប៉ុន្តែមានសញ្ជាតិ និងកាន់លិខិតឆ្លងដែននៃប្រទេសដូចជា Cyprus និងកម្ពុជា ត្រូវបានតុលាការចោទប្រកាន់ ពីបទលាងលុយកខ្វក់ ៕
ប្រែសម្រួលដោយ÷ ប៉ោ កុសល
ប្រភព÷ CNA
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៧ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៧ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម