ព័ត៌មានអន្ដរជាតិ
សេដ្ឋកិច្ចជប៉ុនរងផលប៉ះពាល់ខ្លាំង ចាប់តាំងពីគ្រោះរញ្ជួយដីថ្ងៃឆ្លងឆ្នាំ
គ្រោះរញ្ជួយដី Noto កាលពីថ្ងៃចូលឆ្នាំថ្មីដែលបានសម្លាប់មនុស្សយ៉ាងហោចណាស់ ២៣៦ នាក់នៅប្រទេសជប៉ុន ទំនងជាមានផលប៉ះពាល់រយៈពេលយូរដល់សេដ្ឋកិច្ចជប៉ុន ។ នេះបើយោងតាមការចេញផ្សាយរបស់សារពត៌មាន CNA កាលពីថ្ងៃទី២៥ ខែមករា ។

នាយករដ្ឋមន្ត្រីលោក Fumio Kishida កាលពីពេលថ្មីៗនេះបានសន្យាផ្ដល់ជំនួយបន្ថែមចំនួន ១៥០ ពាន់លានយ៉េន ដែលស្មើនឹង ១.០២ ពាន់លានដុល្លារពីទុនបម្រុងថវិការដ្ឋសម្រាប់កញ្ចប់ជំនួយសង្គ្រោះដល់តំបន់រងគ្រោះដោយរញ្ជួយដី ខណៈខេត្ត Ishikawa ជាខេត្តដែលរងគ្រោះរញ្ជួយដី មានត្រឹមតែ ០.៨ ភាគរយនៃផលិតផលក្នុងស្រុកសរុបរបស់ប្រទេសជប៉ុនប៉ុណ្ណោះ ដោយសារតែរោងចក្រក្នុងស្រុកមួយចំនួនដូចជា ក្រុមហ៊ុនផលិតម៉ាស៊ីន និងឧបករណ៍អេឡិចត្រូនិកថាមពលមិនទាន់អាចដំណើរការឡើងវិញបាននៅឡើយទេ បន្ទាប់ពីការរញ្ជួយដី ។
បើយោងតាមទេសាភិបាលធនាគារកណ្តាលជប៉ុនលោក Kazuo Ueda បាននិយាយថា គ្រោះមហន្តរាយនេះមិនបាននាំមកនូវផលប៉ះពាល់ម៉ាក្រូសេដ្ឋកិច្ចដ៏ច្រើននោះទេ ប៉ុន្តែផលប៉ះពាល់របស់វាទៅលើសង្វាក់ផ្គត់ផ្គង់ផលិតកម្ម ដូចជាទេសចរណ៍ និងទំនុកចិត្តអ្នកប្រើប្រាស់ ទាមទារឲ្យមានការត្រួតពិនិត្យបន្ថែមទៀត ។

រដ្ឋាភិបាលជប៉ុនបានទម្លាក់ការវាយតម្លៃរបស់ខ្លួនលើការនាំចេញជាលើកដំបូងក្នុងរយៈពេលមួយឆ្នាំ ដោយសារការធ្លាក់ចុះនៃតម្រូវការពីទីផ្សារអឺរ៉ុប ។ ទិន្នន័យពាណិជ្ជកម្មសម្រាប់ខែធ្នូបង្ហាញពីការស្ទុះងើបឡើងវិញនូវនាំចេញទៅកាន់សហរដ្ឋអាមេរិក និងប្រទេសចិន ប៉ុន្តែអ្នកវិភាគបាននិយាយថា ខ្លួនមិនច្បាស់ទេថាតើកំណើននេះនឹងបន្ តនៅចំពេលសេដ្ឋកិច្ចពិភពលោកកំពុងធ្លាក់ចុះដែរឬក៏អត់ ។
គួរបញ្ជាក់ថា ការរញ្ជួយដីនេះមិនត្រឹមតែប៉ះពាល់ដល់សេដ្ឋកិច្ចជប៉ុនប៉ុណ្ណោះទេ ប៉ុន្តែការបញ្ឈប់ការផលិតរថយន្តធុនតូច Daihatsu របស់ក្រុមហ៊ុន Toyota ជុំវិញបញ្ហាសុវត្ថិភាព ចាប់តាំងពីខែមុនមក ក៏ទំនងជានឹងទប់ស្កាត់ការផលិតរថយន្តរបស់ប្រទេសជប៉ុនក្នុងរយៈពេលដ៏ខ្លីខាងមុខនេះផងដែរ ខណៈការប្រើប្រាស់របស់ប្រទេសជប៉ុនកំពុងកើនឡើងដោយសារអតិផរណាថយចុះ ៕

អត្ថបទ ៖ ប៊ុន សុភាព

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ