ព័ត៌មានអន្ដរជាតិ
ប៉ូលិស អាមេរិក ចាប់ខ្លួនបុរស ៥ នាក់ សង្ស័យបាញ់សម្លាប់មនុស្សនៅរដ្ឋ California
ប៉ូលិសសហរដ្ឋអាមេរិកបានចាប់ខ្លួនមនុស្ស ៥ នាក់ បន្ទាប់ពីសាកសពជាច្រើនស្លាប់ដោយសារត្រូវគ្រាប់ ត្រូវបានគេរកឃើញនៅក្នុងតំបន់វាលខ្សាច់ដាច់ស្រយាល Mojave ភាគខាងត្បូងរដ្ឋ California ។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី៣០ ខែមករានេះ ។
![](https://www.kampucheathmey.com/wp-content/uploads/2024/01/urnpublicidap.orgd31574bca909cc26cc3883f3f4b88c13California_Desert_Bodies_89950.webp)
សាកសពចំនូន ៦ នាក់ត្រូវបានរកឃើញ បន្ទាប់ពីជនរងគ្រោះដោយគ្រាប់កាំភ្លើងម្នាក់បានទូរសព្ទទៅក្រុមសង្គ្រោះបន្ទាន់ បន្ទាប់មកប៉ូលិសបានបញ្ជូនឧទ្ធម្ភាគចក្រទៅកាន់កន្លែងឧក្រិដ្ឋកម្មនោះ ខណៈក្រុមអ្នកស៊ើបអង្កេតនៅការិយាល័យតម្រួត San Bernardino បាននិយាយថា ជម្លោះនេះហាក់ដូចជាពាក់ព័ន្ធនឹងការផលិតកញ្ឆាខុសច្បាប់ ។
![](https://www.kampucheathmey.com/wp-content/uploads/2024/01/128329749_gettyimages-1246289104.jpg)
សាកសពបុរសទាំងអស់ត្រូវបានគេរកឃើញកាលពីថ្ងៃទី២៣ ខែមករានៅលើផ្លូវហាយវេមួយកន្លែងដែលមានទីតាំងនៅក្នុងតំបន់ San Bernardino County ។ ជនរងគ្រោះទាំង ៦ នាក់បានស្លាប់ដោយសារត្រូវគ្រាប់កាំភ្លើង ក្នុងនោះសាកសពបុរស ៤ នាក់ត្រូវបានរកឃើញនៅក្បែរគ្នា ម្នាក់នៅដាច់ដោយឡែកពីគេ ខណៈម្នាក់ទៀតស្ថិតនៅក្នុងរថយន្ត ។ រហូតមកដល់ពេលនេះ ជនរងគ្រោះទាំង ៤ នាក់ក្នុងចំណោម ៦ នាក់ត្រូវបានកំណត់អត្តសញ្ញាណបានហើយ ។
![](https://www.kampucheathmey.com/wp-content/uploads/2024/01/SUSPECTS-1.webp)
ទន្ទឹមនោះ កាំភ្លើងចំនួន ៨ ដើមត្រូវបានរឹបអូសដោយអ្នកស៊ើបអង្កេត និងកំពុងត្រូវបានធ្វើតេស្តដើម្បីកំណត់ថាតើអាវុធទាំងនោះត្រូវបានប្រើក្នុងការបាញ់សម្លាប់ឬអត់ ខណៈដែលប៉ូលិសបានបដិសេធមិនធ្វើអត្ថាធិប្បាយថាតើការសម្លាប់នេះជាស្នាដៃក្រុមឧក្រិដ្ឋជន ឬពាក់ព័ន្ធនឹងក្រុមក្មេងទំនើងប្រើប្រាស់គ្រឿងញៀន ឬកញ្ឆានោះទេ ប៉ុន្តែបានជំនួសមកវិញដោយចាត់ទុកថាជា “ឧក្រិដ្ឋកម្មដែលបានរៀបចំទុក្ខមុន” ។ ចំណែកបុរសទាំង ៥ នាក់ដែលត្រូវបានចាប់ខ្លួន ត្រូវបាននាំយកមកដើម្បីស៊ើបអង្កេតលើករណីនេះហើយ ។
![](https://www.kampucheathmey.com/wp-content/uploads/2024/01/El-Mirage-Homicides_09-1.webp)
គួរបញ្ជាក់ថា កញ្ឆានៅក្នុងរដ្ឋ California គឺរបស់ស្របច្បាប់មួយចំពោះមនុស្សពេញវ័យក្នុងការទិញ និងប្រើប្រាស់ ចាប់តាំងពីឆ្នាំ ២០១៦ មកម្ល៉េះ ។ យោងតាមការិយាល័យតម្រួតបានឲ្យដឹងថា កាលពីឆ្នាំមុន ប៉ូលិសក្នុងតំបន់ San Bernardino នេះបានអនុវត្តដីកាចំនួន ៤១១ ករណីដើម្បីបើកប្រតិបត្តិការកញ្ឆាខុសច្បាប់ និងរឹបអូសបានថ្នាំញៀនចំនួន ៣៤,០០0 គីឡូក្រាម៕
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ៤ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
សន្តិសុខសង្គម៥ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ១ សប្តាហ៍ ago
គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់