Connect with us

ព័ត៌មានអន្ដរជាតិ

ទ័ពជើងទឹក ឥណ្ឌា រំដោះទូកនេសាទ អ៊ីរ៉ង់ ដែលចោរសមុទ្រ សូម៉ាលី ប្លន់យកទៅ

បានផុស

នៅ

កងទ័ពជើងទឹកឥណ្ឌាបានរំដោះទូកនេសាទអ៉ីរ៉ង់ ១ គ្រឿងដែលត្រូវចោរសមុទ្រសូម៉ាលីប្លន់យកទៅ ខណៈវាក៏ជាទូកនេសាទអ៉ីរ៉ង់ទី២ ដែលឥណ្ឌាជួយចេញពីកណ្តាប់ដៃក្រុមចោរសមុទ្រក្នុងរយៈពេលត្រឹមតែប៉ុន្មានម៉ោងពីគ្នាប៉ុណ្ណោះ ។ នេះបើតាមការចេញផ្សាយរបស់សារព័ត៌មាន BBC កាលពីថ្ងៃទី៣០ ខែមករា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យកងទ័ពជើងទឹកឥណ្ឌាបាននិយាយក្នុងសេចក្តីថ្លែងការណ៍ថា នាវាចម្បាំងឥណ្ឌា INS Sumitra បានបង្ខំឲ្យចោរសមុទ្រសូម៉ាលីដោះលែងទូកនេសាទអ៊ីរ៉ង់ឈ្មោះ Al Naeemi ព្រមជាមួយជនជាតិប៉ាគីស្ថាន ១៩ នាក់ដែលស្ថិតនៅលើទូកនោះដោយសុវត្ថិភាព ។

ប្រតិបត្តិការជួយសង្រ្គោះបានប្រព្រឹត្តទៅចន្លោះយប់ថ្ងៃចន្ទរំលងចូលថ្ងៃអង្គារនៅចម្ងាយជាង ១,៥០០ គីឡូម៉ែត្រភាគខាងលិចទីក្រុង Kochi របស់ឥណ្ឌា ។ ក្រុមចោរសមុទ្រសូម៉ាលីសរុប ១១ នាក់បានធ្វើសកម្មភាពប្លន់ទូកនេសាទនោះ ហើយចាប់ក្រុមការងារទូកធ្វើជាចំណាប់ខ្មាំង ។ ក្រោយប្រតិបត្តិការជួយសង្រ្គោះ ក្រុមចោរសមុទ្រទាំងនោះ ក៏ត្រូវបានចាប់ឃាត់ខ្លួនដោយកងកម្លាំងពិសេសឥណ្ឌាផងដែរ ។

ស្របពេលជាមួយគ្នានេះ ការជួយសង្រ្គោះខាងលើបានកើតឡើងក្នុងរយៈពេលត្រឹមតែ ៣៦ ម៉ោងប៉ុណ្ណោះ បន្ទាប់ពីកងកម្លាំងឥណ្ឌាបានរំដោះសមាជិកទាំង ១៧ នាក់នៃទូកនេសាទអ៉ីរ៉ង់មួយគ្រឿងផ្សេងទៀតដែលត្រូវក្រុមចោរសមុទ្រសូម៉ាលីប្លន់ដូចគ្នា ។

សកម្មភាពវាយប្រហាររបស់ចោរសមុទ្រនៅក្បែរឆ្នេរប្រទេសសូម៉ាលីបានឈានដល់កម្រិតខ្លាំងក្លាបំផុតកាលពីឆ្នាំ ២០១១ ដោយក្រុមខ្មាន់កាំភ្លើងហ៊ានបើកការវាយប្រហារចម្ងាយឆ្ងាយៗខ្លាំងរហូតដល់ ៣,៦៥៥ គីឡូម៉ែត្រពីឆ្នេរសូម៉ាលីនៅក្នុងតំបន់មហាសមុទ្រឥណ្ឌា មុនពេលថមថយកទៅវិញក្រោយកងទ័ពជើងទឹកអន្តរជាតិបានដាកពង្រាយនាវាចម្បាំង ហើយកប៉ាល់ពាណិជ្ជកម្មចាប់ផ្តើមប្រើឆ្មាំការពារប្រដាប់ដោយអាវុធ ៕

អត្ថបទ ៖ ប៊ុន​ សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៧ នាទី មុន

លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ

កីឡា២៧ នាទី មុន

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

ព័ត៌មានអន្ដរជាតិ២៨ នាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ៣១ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ៣៣ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

Sokha Hotels

ព័ត៌មានពេញនិយម