Connect with us

ព័ត៌មានអន្ដរជាតិ

អាមេរិក ​យល់ព្រម​លក់​សព្វាវុធតម្លៃ​៤​ពាន់​លាន​ដុល្លារ​ ឲ្យឥណ្ឌា​

បានផុស

នៅ

យោងតាមការចុះផ្សាយរបស់ BBC នៅថ្ងៃសុក្រទី២ខែកុម្ភៈ, ក្រសួងការបរទេសអាមេរិក បានអនុម័តការលក់យន្តហោះគ្មានមនុស្សបើកប្រដាប់អាវុធចំនួន៣១គ្រឿង ព្រមទាំងមីស៊ីលនិងគ្រឿងបរិក្ខារផ្សេងទៀត ទៅឲ្យប្រទេសឥណ្ឌាក្នុងតម្លៃ៤ពាន់លានដុល្លារ។

យន្តហោះគ្មានមនុស្សបើក MQ-9B SkyGuardian (រូបថត៖ Hindustan Times)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅ កិច្ចព្រមព្រៀងលក់យន្តហោះគ្មានមនុស្សបើក MQ-9B Predator ត្រូវបានប្រកាសតាំងពីអំឡុងដំណើរទស្សនកិច្ចរបស់លោកនាយករដ្ឋមន្ត្រីឥណ្ឌា Narendra Modi ទៅកាន់សហរដ្ឋអាមេរិក ក្នុងខែមិថុនាឆ្នាំ២០២៣មកម្ល៉េះ ប៉ុន្តែមកដល់ខែធ្នូ កិច្ចព្រមព្រៀងត្រូវជាប់គាំង បន្ទាប់ពីគណៈកម្មការព្រឹទ្ធសភាអាមេរិក ចាប់ផ្តើមស៊ើបអង្កេតផែនការធ្វើឃាតជនជាតិឥណ្ឌា លើទឹកដីអាមេរិក។

ឥឡូវ សភាអាមេរិក បានសម្រេចអនុញ្ញាតចំពោះកិច្ចព្រមព្រៀងនេះហើយ ដោយក្នុងនោះក៏មានការលក់ដូចជាយន្តហោះគ្មានមនុស្សបើក MQ-9B SkyGuardian ប្រដាប់អាវុធចំនួន៣១គ្រឿង, មីស៊ីល AGM-114R Hellfire ចំនួន១៧០គ្រាប់, គ្រាប់បែកឡាស៊ែរទំហំតូច៣១០គ្រាប់ ព្រមទាំងឧបករណ៍ទំនាក់ទំនងនិងឈ្លបយកការណ៍ជាច្រើនគ្រឿងទៀត ហើយបើយោងតាមមន្ទីរបញ្ចកោណ ក្រុមហ៊ុន General Atomics Aeronautical Systems នឹងជាអ្នកម៉ៅការសំខាន់ សម្រាប់កិច្ចព្រមព្រៀងនេះ។

កាល​ពី​ឆ្នាំ​មុន សហរដ្ឋ​អាមេរិក​ បាន​ចោទ​ប្រកាន់ទី​ក្រុង​ដែលី​ ថា​រៀបចំ​ផែនការ​ធ្វើ​ឃាត​ពលរដ្ឋ​អាមេរិកម្នាក់​ ដែល​តស៊ូ​មតិ​សម្រាប់​រដ្ឋ Khalistan ដែល​ជា​រដ្ឋ Sikh ឯករាជ្យ​ផ្តាច់​ចេញ​ពី​ប្រទេស​ឥណ្ឌា។

(រូបថត៖ Weapon Systems)

ទោះបីជាយ៉ាងណាក៏ដោយ ក្រសួង​ការ​បរទេស​ឥណ្ឌា​ បានចេញមុខ​បដិសេធ​ហើយបដិសេធ​ទៀតថា​ ​ខ្លួនមិនជាប់​ពាក់ព័ន្ធ​អ្វីនឹង​គម្រោង​ឃាតកម្ម​នោះ​ទេ។ ក្រសួងក៏និយាយដែរថា គណៈកម្មាធិការស៊ើបអង្កេតកម្រិតខ្ពស់មួយ ត្រូវបានបង្កើតឡើង ដើម្បីស៊ើបអង្កេត និងដោះស្រាយកង្វល់សន្តិសុខរបស់រដ្ឋាភិបាលសហរដ្ឋអាមេរិក។

ពាក់ព័ន្ធការលក់អាវុធ​ឯណោះវិញ កាលពីឆ្នាំទៅ អាមេរិក កើបលុយ២៣៨ពាន់លានដុល្លារពីការលក់សព្វាវុធ ព្រោះតែតម្រូវការហក់ឡើងខ្ពស់ពេក ដោយសារសង្គ្រាមរុស្ស៊ី-អ៊ុយក្រែន។

តាមការបញ្ជាក់ពីក្រសួងការបរទេស រដ្ឋាភិបាលទីក្រុងវ៉ាស៊ីនតោន បានចរចាលក់អាវុធដោយផ្ទាល់ក្នុងទំហំទឹកប្រាក់៨១ពាន់លានដុល្លារ ពោលគឺកើនឡើង៥៦% បើធៀបនឹងឆ្នាំ២០២២ ខណៈចំនួននៅសល់ គឺជាការលក់ផ្ទាល់ ដោយក្រុមហ៊ុនការពារជាតិអាមេរិកទៅឲ្យបរទេស៕

អត្ថបទ៖ សុខ សុវណ្ណ

ចុចអាន៖ ឆ្នាំមុន អាមេរិក កើបលុយច្រើនសន្ធឹក ពីការលក់សព្វាវុធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៣ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៤០ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម