ព័ត៌មានអន្ដរជាតិ

ក្មេងស្រីមានសម្រស់ស្អាតបំផុតនៅចិន តាមពិតទទួលរងជំងឺដ៏កម្រមួយពិបាកព្យាបាលបំផុត

បានផុស

១ year មុន

នៅ

ថ្ងៃអាទិត្យ ៤ កុម្ភៈ ២០២៤

ដោយ

មនុស្សជាច្រើនប្រហែលជាធ្លាប់បានឮនូវរឿងរ៉ាវរបស់ Lan Nini ដែលជាក្មេងស្រីមានមុខមាត់ស្រស់ស្អាត។ ប៉ុន្តែផ្ទុយទៅវិញ នាងតូចកំពុងតែទទួលរងនូវជំងឺចម្លែកមួយ ហើយមានតែប៉ុន្មានករណីប៉ុណ្ណោះក្នុងពិភពលោក។ នាងត្រូវបានគេដាក់ឈ្មោះថា Angel on Earth បន្ទាប់ពីគ្រួសារសម្រេចចិត្តបង្ហោះឃ្លិបដែលចងក្រងឯកសារអំពីការអភិវឌ្ឍន៍របស់កូនស្រីពួកគេ រហូតធ្វើឲ្យអ្នកលេងអ៊ីនធឺណិតមានការអាណិតអាសូរនាងយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភព inf.news បានចុះផ្សាយពីកុមារីវ័យ៧ឆ្នាំ ខណៈនាងតូចទទួលការចាប់អារម្មណ៍នៅលើបណ្តាញសង្គមម្តងទៀត ពេលត្រឡប់ទៅស្រុកកំណើតដើម្បីចូលរួមអបអរបុណ្យចូលឆ្នាំចិនជាមួយក្រុមគ្រួសារ។ រូបរាងរបស់នាងមានភ្នែកធំមូលដូចតុក្កតា បបូរមាត់ក្រហមដូចក្រែមលាបមាត់ សក់វែងខ្មៅ ស្បែកសរលោង សម្រស់របស់នាងគឺដូចជាតួអង្គដែលចេញពីរឿងព្រេងនិទានចិន។

ទោះយ៉ាងណាក៏ដោយ ក្រៅពីទេវតាផ្តល់ភាពស្រស់ស្អាតដល់នាង គ្រូពេទ្យបានបញ្ចាក់ថា នាងក៏បានកើតមកជាមួយនឹងជំងឺដ៏កម្រមួយ។ ទោះបីជារាងកាយលូតលាស់ជារៀងរាល់ថ្ងៃជាមួយនឹងអាយុកាន់តែច្រើន ប៉ុន្តែការចងចាំ និងការអភិវឌ្ឍរបស់នាងមិនបានធ្វើតាមនោះទេ។ ដោយសារជំងឺហ្សែន នៅពេលដែលហ្សែនរបស់ម៉ាក់ និងប៉ាមិនស៊ីគ្នា។ ជាលទ្ធផលកុមារដែលកើតមកនឹងមាន ការចុះខ្សោយនៃខួរក្បាល ដែលជាជំងឺសរសៃប្រសាទតាំងពីកំណើត។

ជាមួយគ្នានេះដែរ អ្នកលេងអ៊ីនធឺណិតមួយចំនួនបានបញ្ចេញមតិសម្ដែងការអាណិតដល់នាងតូចជាខ្លាំងថ្វីបើនាងមានសម្រស់ស្អាតខ្លាំងក៏ពិតមែន។ ប៉ុន្តែនាងជាក្មេងអភ័ពខ្លាំង អ្នកខ្លះបានយល់ឃើញថា នេះជារោគសញ្ញាទេវតា នៅពេលដែលនាងមានភាពស្រស់ស្អាតលើសពីមនុស្សសាមញ្ញ និងរីករាយពេញមួយថ្ងៃ ប៉ុន្តែការអភិវឌ្ឍគំនិតនិងអាកប្បកិរិយាគឺយឺត។ នេះប៉ះពាល់ដល់ដំណើរការអភិវឌ្ឍធម្មតា ធ្វើឲ្យមនុស្សជាច្រើនមានការព្រួយបារម្ភថា នាងអាចនឹងក្លាយជាគោលដៅងាយស្រួលសម្រាប់មនុស្សអាក្រក់ក្នុងសង្គម។

លើសពីនេះថែមទៀតមហាជនបញ្ចេញមតិ ដោយបានគិតដល់ថ្ងៃខាងមុខថាប្រសិនបើឪពុកម្តាយ និងជីដូនជីតារបស់អ្នកបានទទួលមរណៈភាព តើអ្នកណានឹងមើលថែក្មេងនៅពេលនោះ? ពលេនះសូម្បីតែការបរិភោគអាហារនាងមិនទាំងអាចធ្វើដោយខ្លួនឯងផង បើគ្មានគ្រួសារតើជីវិតនាងតូចនឹងទៅជាយ៉ាងណា?

យ៉ាងណាមិញ វេជ្ជបណ្ឌិតដែលព្យាបាលក្មេងស្រីមានសម្រស់ស្អាតដាច់គេរូបនេះក៏បាននិយាយផងដែរថា ដរាបណា Lan Ni Ni អាចមានការឆ្លើយតបដោយខ្លួនឯងចំពោះការរំញោចខាងក្រៅ ស្ថានភាពរបស់នាងអាចពន្យាពេលបានហើយនេះជាការចាប់ផ្តើមដ៏ល្អសម្រាប់នាង៕