Connect with us

ព័ត៌មានអន្ដរជាតិ

លោកខាងលិចភ័យខ្លួន ពេលដឹង ចិន អភិវឌ្ឍមីស៊ីលល្បឿនលឿនជាងសំឡេង ជោគជ័យ

បានផុស

នៅ

មន្ត្រីចារកម្មលោកខាងលិចបានព្រមាននៅចុងសប្តាហ៍ថា ប្រទេសចិន បានទទួលជោគជ័យក្នុងការអភិវឌ្ឍមីស៊ីលល្បឿនលឿនជាងសំឡេង ដែលហោះលឿនបំផុត ពិបាកនឹងស្ទាក់ចាប់បានណាស់ ធ្វើឲ្យបណ្តាប្រទេសលោកខាងលិច ភ័យខ្លួន។

មីស៊ីល DF-17 (រូបថត៖ Wiki)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសេរីកំពុងបារម្ភថា ចិន អាចនឹងបាញ់មីស៊ីលមានសមត្ថភាពផ្ទុកក្បាលគ្រាប់នុយក្លេអ៊ែរ ទៅលើកងទ័ពជើងទឹកអាមេរិកនិងចក្រភពអង់គ្លេសនៅសមុទ្រចិនខាងត្បូង បើសិនជាជម្លោះផ្ទុះឡើងមែន។

តាមការចុះផ្សាយរបស់ Daily Mail ដោយដកស្រង់សម្តីមន្ត្រីសុំមិនបញ្ចេញឈ្មោះ, មីស៊ីល DF-17 និងស៊េរីថ្មី DF-27 បានឈានដល់ល្បឿនប្រហែល១០៤៦០គីឡូម៉ែត្រក្នុងមួយម៉ោង ហើយសឹងតែគ្មានប្រព័ន្ធណា អាចស្ទាក់ចាប់ពួកគេបានឡើយ។

មីស៊ីល DF-27 (រូបថត៖ X)

Daily Mail អះអាងថា ប្រទេសចិន បានអភិវឌ្ឍអាវុធទាំងនេះ ដើម្បីកម្ទេចនាវាផ្ទុកយន្តហោះ ជាពិសេសនាវាសំខាន់ៗរបស់ចក្រភពអង់គ្លេសដូចជា HMS Queen Elizabeth និង HMS Prince of Wales ជាដើម។

ទាក់ទិនបញ្ហានេះ សម្ព័ន្ធមិត្ត AUKUS ដែលមានដូចជាចក្រភពអង់គ្លេស អូស្ត្រាលី និងសហរដ្ឋអាមេរិក កំពុងដុតដៃដុតជើងខ្លាំងណាស់ ដើម្បីស្វែងរកវិធានការទប់ទល់។

នាវាផ្ទុកយន្តហោះ HMS Queen Elizabeth (រូបថត៖ Wiki)

តាមការឲ្យដឹងនាពេលកន្លងមក មីស៊ីលល្បឿនលឿនជាងសំឡេងរបស់ចិន គឺមានសមត្ថភាពហោះហើរក្នុងគន្លងទាបជាងមីស៊ីលអន្តរទ្វីប ដែលជាហេតុធ្វើឲ្យពួកគេពិបាកស្ទាក់ចាប់។

ទីក្រុងប៉េកាំង ខិតខំពង្រឹងសមត្ថភាពនេះខ្លាំងណាស់ ហើយបង្កើតជាឃ្លាំងអាវុធល្បឿនលឿនជាងសំឡេង ឈានមុខគេលើពិភពលោក ហើយកាលពីឆ្នាំមុន ចិន ក៏អះអាងដែរថា ខ្លួនបានយកឈ្នះសហរដ្ឋអាមេរិក ក្នុងការអភិវឌ្ឍមីស៊ីលល្បឿនលឿនជាងសំឡេងជំនាន់ថ្មី ដែលអាចវាយប្រហារគោលដៅនានា រួមទាំងនាវាផ្ទុកយន្តហោះ។

មីស៊ីល DF-17 ត្រូវបានយោធាចិន បង្ហាញជាសាធារណៈលើកដំបូង នៅថ្ងៃទី៣១ខែកក្កដា ឆ្នាំ២០២២ ដោយនៅពេលនោះ វីដេអូផ្លូវការ ដើម្បីអបអរសាទរខួបលើកទី ៩៥ នៃការបង្កើតកងទ័ពរំដោះប្រជាជន បានបង្ហាញពីការបាញ់សាកល្បងមីស៊ីលប្រភេទនេះ ដែលបង្កការចាប់អារម្មណ៍យ៉ាងខ្លាំងទូទាំងពិភពលោក៕

អត្ថបទ៖ សុខ សុវណ្ណ

ចុចអាន៖ អ៊ីរ៉ង់ បង្អួតមីស៊ីលល្បឿនលឿនជាងសំឡេងទំនើបបំផុត មានសមត្ថភាព​ហោះដល់ អ៊ីស្រាអែល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ភ្លៀង
ព័ត៌មានជាតិ៤៣ នាទីutes មុន

ចាប់ពីថ្ងៃនេះ ដល់ថ្ងៃទី២២មីនា កម្ពុជា មិនមានភ្លៀងធ្លាក់ទេ

សន្តិសុខសង្គម២ ម៉ោង មុន

Breaking News៖ អគ្គិភ័យកំពុងឆេះឃ្លាំងមួយកន្លែងនៅសង្កាត់ស្ទឹងមានជ័យទី៣

ព័ត៌មានជាតិ៨ ម៉ោង មុន

លោក​សន្តិបណ្ឌិត នេត សាវឿន អញ្ជើញ​បិទ​វគ្គបណ្តុះបណ្តាលកម្រិត​បឋមវិជ្ជាជីវៈនគរបាល ជំនាន់ទី១៨ លើកទី៣

សន្តិសុខសង្គម៩ ម៉ោង មុន

នគរបាលច្បារអំពៅទី២ ឆ្មក់​ចាប់​អ្នក​លេង​អាប៉ោង ដក​ហូត​បាន​វត្ថុតាង​មួយ​ចំនួន

ព័ត៌មានជាតិ១០ ម៉ោង មុន

លោក​នេត្រ ភក្ត្រា លើកទឹកចិត្ត​ឱ្យក្រុមហ៊ុន Tik Tok ពង្រឹងស្តង់ដារសហគន៍ ដើម្បី​ចូលរួម​លើក​កម្ពស់​សុវត្ថិភាព​ព័ត៌មាន​អ្នកប្រើប្រាស់

ព័ត៌មានអន្ដរជាតិ១៤ ម៉ោង មុន

និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ

ព័ត៌មានជាតិ២៣ ម៉ោង មុន

ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ

ព័ត៌មានអន្ដរជាតិ២០ ម៉ោង មុន

ហ៊ូធី បាញ់​មីស៊ីល​ដាក់​អ៊ីស្រាអែល ក្រោយហ្គាហ្សា​ផ្ទុះ​អាវុធ​ឡើង​វិញស្លាប់​មនុស្ស​ជាង​៤០០​នាក់

ព័ត៌មានអន្ដរជាតិ១៧ ម៉ោង មុន

ប្រជាជនថៃមកពី១៩​ខេត្ត តវ៉ា​ដោយ​ដឹកត្រី​ទីឡាព្យ៉ា​​ថ្ពាល់​ខ្មៅចាក់នៅមុខវិមានរដ្ឋាភិបាល

ព័ត៌មានអន្ដរជាតិ១៧ ម៉ោង មុន

បារាំង ប្រកាសបញ្ជូនយន្តហោះចម្បាំងនុយក្លេអ៊ែរ ទៅជិតព្រំដែនអាល្លឺម៉ង់ ដើម្បីកំញើញរុស្ស៊ី

Sokha Hotels

ព័ត៌មានពេញនិយម