ព័ត៌មានអន្ដរជាតិ
លោក Trump ៖ លោក Biden “មិនដឹងថាខ្លួនឯងនៅរស់ទេ”
អតីតប្រធានាធិបតីអាមេរិកលោក Donald Trump បានចំអកឡកឡឺយឲ្យលោកប្រធានាធិបតី Joe Biden ថាកំពុងធ្លាក់ចុះការយល់ដឹងខ្លាំងមែនទែន ហើយលោកថែមទាំងប្រាប់ក្រុមអ្នកគាំទ្រទៀតថា បុរសមកពីគណបក្សប្រជាធិបតេយ្យដែលកំពុងកាន់ការជាប្រធានាធិបតីវ័យ ៨២ ឆ្នាំរូបនេះ “មិនដឹងថា ខ្លួនគាត់នៅរស់ទេ” ។ នេះបើយោងតាមការចុះផ្សាយដោយសារព័ត៌មាន RT កាលពីថ្ងៃទី១០ ខែកុម្ភៈកន្លងទៅ ។
ថ្លែងនៅឯពិព័រណ៍សមាគមកាំភ្លើងជាតិ (NRA) ក្នុងទីក្រុង Harrisburg រដ្ឋ Pennsylvania កាលពីពេលថ្មីៗនេះ លោក Trump ក៏បានថ្កោលទោសក្រសួងយុត្តិធម៌សហរដ្ឋអាមេរិកផងដែរថាមានភាពលម្អៀង បន្ទាប់ពីការកាត់ទោសលោកពាក់ព័ន្ធក្ដីក្ដាំជាច្រើន រាប់ចាប់ពីការលួចលាក់ឯកសារសម្ងាត់ ប៉ុន្តែបែរជាមិនចោទប្រកាន់លោក Biden នៅក្នុងករណីដូចគ្នានេះទៅវិញ ។
លោក Trump បានអះអាងថា “នេះមិនមានអ្វីក្រៅពីការធ្វើទុក្ខបុកម្នេញលើអ្នកដែលជាគូប្រជែងនយោបាយរបស់លោក Biden នោះទេ ដូចជារូបខ្ញុំនេះជាដើម ហើយខ្ញុំក៏មិននឹកស្មានដល់ដែរថា គឺជាលោក Biden ដែលនៅពីក្រោយការកាត់ទោសនេះ ព្រោះខ្ញុំមិនគិតថា គាត់ដឹងខ្លួនឯងនៅមានជីវិតឡើយ” ។
បច្ចុប្បន្នលោក Trump គឺជាបេក្ខជនមកពីគណបក្សសាធារណរដ្ឋដែលកំពុងឈានមុខគេនឹងត្រូវតតាំងជាមួយលោក Biden នៅក្នុងការបោះឆ្នោតប្រធានាធិបតីនាខែវិច្ឆិកាខាងមុខនេះ ខណៈលោក Trump តែងតែចំអកឡកឡឺយថាឲ្យលោក Biden ជាហូរហែ ។
ស្របពេលជាមួយគ្នានេះ លោក Trump ក៏កំពុងនាំមុខលោក Biden នៅក្នុងការស្ទង់មតិនាពេលថ្មីៗនេះផងដែរ ដោយយោងតាម ការស្ទង់មតិរបស់សារព័ត៌មាន NBC ដែលបានចេញផ្សាយកាលពីដើមសប្ដាហ៍មុនបានបង្ហាញថា ៧៦ ភាគរយនៃអ្នកបោះឆ្នោតអាមេរិក រួមទាំងជាងពាក់កណ្តាលនៃអ្នកប្រជាធិបតេយ្យ មានការព្រួយបារម្ភអំពីថាតើលោក Biden មានបញ្ញាស្មារតី ក៏ដូចជាកាយសម្បទាគ្រប់គ្រាន់សម្រាប់អាណត្តិប្រធានាធិបតីលើកទី ២ ដែរឬក៏យ៉ាងណានោះទេ ៕
ដោយ ៖ សុខ ជីវ័ន្ត
ចុចអាន ៖ លោក Zelensky ផ្ញើព្រេងវាសនាប្រទេសជាតិលើមេទ័ពកំពូលថ្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ