ក្រុមបាតុករមីយ៉ាន់ម៉ាចតរថយន្តខូចៗរារាំងការបង្ក្រាបរបស់ប៉ូលិស

ក្រុមអ្នកប្រឆាំងនឹងរដ្ឋប្រហារយោធាមីយ៉ាន់ម៉ាបានចតរថយន្តរបស់ពួកគេនៅកណ្តាលផ្លូវទីក្រុង និងនៅលើស្ពាននៅថ្ងៃពុធ ទី១៧ ខែកុម្ភៈ ដោយធ្វើពុតថារថយន្តទាំងនោះបានខូចដើម្បីរារាំងប៉ូលិស និងរថយន្តដឹកកងទ័ពដែលធ្វើដំណើរជុំវិញដើម្បីបំបែកការតវ៉ា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“យុទ្ធនាការឡានខូច” កំពុងរីករាលដាល និងល្បីល្បាញនៅលើបណ្តាញសង្គម បន្ទាប់ពីការប្លុកអ៊ីនធឺណិតរបស់យោធាពេញមួយយប់ត្រូវបានដកចេញ ។ មិនយូរប៉ុន្មានរូបភាពជាច្រើនបានបង្ហាញពីគម្របម៉ាស៊ីនឡានជាច្រើនត្រូវបានបើក និងកកស្ទះនៅតាមផ្លូវ ។

អ្នកបើកតាក់ស៊ីឈ្មោះ Thein Naing ដែលបានចូលរួមក្នុងយុទ្ធនាការតវ៉ានៅទីក្រុងយ៉ាំងហ្គោន បន្ទាប់ពីបានបោះបង់ចោលការរត់តាក់ស៊ីនៅថ្ងៃពុធនេះបាននិយាយថា “មនុស្សគ្រប់គ្នាកំពុងប្រឈមនឹងការលំបាក ប្រេងឥន្ធនៈឡើងថ្លៃ ហើយចរាចរមានភាពចង្អៀតជាងធម្មតាក្នុងយុទ្ធនាការឡានខូច” ។

យុទ្ធនាការនេះបានកើតឡើងនៅពេលសកម្មជនគាំទ្រប្រជាធិបតេយ្យកំពុងមានគោលបំណងទាក់ទាញហ្វូងមនុស្សយ៉ាងច្រើននៅក្នុងទីក្រុងយ៉ាំងហ្គោន និងកន្លែងផ្សេងទៀតនៅក្នុងអ្វីដែលពួកគេសង្ឃឹមថានឹងជាការបង្ហាញដ៏ធំមួយនៃការប្រឆាំងទៅនឹងការផ្តួលរំលំរបស់កងទ័ព និងការចាប់ខ្លួនមេដឹកនាំជាប់ឆ្នោតលោកស្រី អ៊ុងសាន ស៊ូជី ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ កងទ័ពមីយ៉ាន់ម៉ា ព្រមានចាត់វិធានការលើមន្ត្រីរដ្ឋការដែលចូលរួមក្នុងបាតុកម្ម

ចុចអាន ៖ លោកស្រី ស៊ូជី ប្រហែលជាត្រូវបានកាត់ទោសដោយសម្ងាត់