ព័ត៌មានអន្ដរជាតិ
លោក Macron ឆ្លើយបែបណារឿងលទ្ធភាពបញ្ជូនទ័ពទៅជួយ អ៊ុយក្រែន
ប្រធានាធិបតីបារាំងលោក Emmanuel Macron បាននិយាយថា លទ្ធភាពបញ្ជូនកងទ័ពលោកខាងលិចទៅជួយប្រទេសអ៊ុយក្រែនគឺមិនអាចទាត់ចោលនោះឡើយ ស្របពេលដែលសម្ព័ន្ធមិត្តអឺរ៉ុបបានប្រកាសពីជំហានថ្មីក្នុងការផ្តល់គ្រាប់រំសេវទៅឲ្យទីក្រុងកៀវដើម្បីបន្តប្រយុទ្ធជាមួយរុស្ស៊ី ។ នេះបើយោងតាមការចេញផ្សាយរបស់សារពត៌មាន Al Jazeera កាលពីថ្ងៃទី២៦ ខែកុម្ភៈ ។
ការអត្ថាធិប្បាយនេះបានកើតឡើង បន្ទាប់ពីមេដឹកនាំអឺរ៉ុបប្រហែល ២០ រូបបានជួបប្រជុំគ្នានៅទីក្រុងប៉ារីសដើម្បីផ្ញើសារជូនលោក វ្ល៉ាឌីមៀរ ពូទីន អំពីការដោះស្រាយរបស់អឺរ៉ុបលើវិបត្តិនៅអ៊ុយក្រែន ខណៈលោក Macron បាននិយាយនៅក្នុងកិច្ចប្រជុំនោះថា “ការយកឈ្នះលើរុស្ស៊ី គឺជារឿងមិនអាចខ្វះបានឡើយសម្រាប់សន្តិសុខ និងស្ថិរភាពនៅក្នុងទ្វីបអឺរ៉ុប” ។
ប្រធានាធិបតីបារាំងរូបនេះបញ្ជាក់បន្ថែមថា បើទោះជាមិនទាន់មានការឯកភាពគ្នាក្នុងការបញ្ជូនកងទ័ពជើងគោកលោកខាងលិចដោយផ្ទាល់ទៅកាន់អ៊ុយក្រែននាពេលនេះក៏ដោយ ក៏រឿងនេះមិនត្រូវទាត់ចោលនោះដែរ ហើយលោកនឹងធ្វើអ្វីគ្រប់យ៉ាង ដើម្បីកុំឲ្យរុស្ស៊ីឈ្នះសង្គ្រាមមួយនេះ ។ ទោះបីជាយ៉ាងណាលោក Macron បានបដិសេធមិនផ្តល់ព័ត៌មានលម្អិតថា ប្រទេសណាខ្លះដែលកំពុងពិចារណាបញ្ជូនកងទ័ពទៅអ៊ុយក្រែនោះទេ ។
ពាក់ព័ន្ធនឹងបញ្ហានេះដែរ មន្ត្រីសេតវិមានបានប្រាប់ទីភ្នាក់ងារសារព័ត៌មាន Reuters ថា សហរដ្ឋអាមេរិកមិនមានគម្រោងបញ្ជូនកងទ័ពទៅប្រយុទ្ធនៅអ៊ុយក្រែននោះទេ ហើយរដ្ឋាភិបាលទីក្រុងវ៉ាស៊ីនតោនក៏មិនមានគម្រោងបញ្ជូនកងទ័ពណាតូទៅប្រយុទ្ធនៅលើទឹកដីដែលកំពុងរងទុក្ខវេទនាពីភ្លើងសង្គ្រាមមួយនេះនោះដែរ ។
ជាចុងក្រោយ លោក Macron ក៏បានប្រកាសត្រៀមនឹងបង្កើតសម្ព័ន្ធភាពថ្មីមួយឡើងដើម្បីផ្គត់ផ្គង់មីស៊ីល និងគ្រាប់បែករយៈពេលចម្ងាយមធ្យម និងឆ្ងាយដល់រដ្ឋាភិបាលរបស់លោក Zelensky ផងដែរដើម្បីឲ្យការប្រយុទ្ធនៅលើសមរភូមិរបស់អ៊ុយក្រែនកាន់តែខ្លាំងក្លាឡើង ៕
អត្ថបទ ៖ ប៊ុន សុភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង