Connect with us

ព័ត៌មានអន្ដរជាតិ

លោក Biden សល់ពេល ៨ ខែទៀតដើម្បីដោះស្រាយបញ្ហានៅរដ្ឋ Michigan

បានផុស

នៅ

ប្រធានាធិបតីសហរដ្ឋអាមេរិកលោក Joe Biden នៅសល់ពេល ៨ ខែទៀតដើម្បីដោះស្រាយបញ្ហានៅរដ្ឋ Michigan បន្ទាប់ពីលោកអាចបាត់បង់សន្នឹកឆ្នោតនៅទីនោះ ដោយសារតែអ្នកគាំទ្រលោកនៅរដ្ឋមួយនេះ និងនៅរដ្ឋមួយចំនួនទៀតដូចជា រដ្ឋ Swing កំពុងមានភាពស្ទាក់ស្ទើរនៅក្នុងការបោះឆ្នោតជូនរូបលោកនាខែវិច្ឆិកាខាងមុខ ។ នេះបើយោងតាមការចេញផ្សាយរបស់សារពត៌មាន CNN នៅថ្ងៃទី ២៩ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបោះឆ្នោតបឋមកាលពីថ្ងៃអង្គារកន្លងទៅ លោក Biden បានទទួលជ័យជម្នះ ៨១ ភាគរយនៃសំឡេងឆ្នោតសរុប បើទោះបីជាមនុស្សរាប់ម៉ឺននាក់បានបោះឆ្នោតតវ៉ាជុំវិញកិច្ចគាំទ្ររបស់លោកប្រធានាធិបតីរូបនេះចំពោះសង្គ្រាមរបស់អ៊ីស្រាអែលក៏ដោយ ។

អ្នកគាំទ្រលើកឡើងថា លោក Biden អាចស្វែងរកការបន្ធូរបន្ថយស្ថានការណ៍របស់គាត់ជាមួយម្ចាស់ឆ្នោតអាមេរិកអារ៉ាប់រាប់ពាន់នាក់បាន ដោយមានចំណាត់ការច្បាស់លាស់ជាមួយនឹងរអ៊ីស្រាអែល ប្រសិនបើគាត់ចង់បំបាក់ធ្មុងបេក្ខភាពមកពីគណបក្សសាធារណរដ្ឋ Donald Trump ។

បើទោះបីជាលទ្ធផលបង្ហាញថា លោក Biden មានប្រៀបជាងបេក្ខភាពដទៃទៀតក៏ដោយ ប៉ុន្តែសំឡេងឆ្នោតដែលគូសចោល ឬមិនពេញចិត្តលើរូបលោកមានទំហំច្រើនគួរឲ្យកត់សម្គាល់ ។ ការបោះឆ្នោតបឋមនេះ នឹងមិនកំណត់លទ្ធផលនៃការបោះឆ្នោតសកលនោះទេ ប៉ុន្តែវាក៏អាចជាការកំណត់ចំណុចខ្សោយនៅក្នុងយុទ្ធនាការឃោសនាបោះឆ្នោតរបស់ប្រធានាធិបតីដែលកំពុងកាន់អំណាចរូបនេះ ។

ស្របពេលជាមួយគ្នានេះ លទ្ធផលឆ្នោតនៅរដ្ឋ Michigan ក៏នឹងជំរុញឲ្យមានការចោទជាសំណួរអំពីជំហរបស់លោកប្រធានាធិបតី Joe Biden កាន់តែច្រើនឡើងៗក្នុងចំណោមអ្នកដែលមានប្រតិកម្មខ្លាំងបំផុតចំពោះរឿងរ៉ាវនៃការសម្លាប់រង្គាលក្នុងភ្លើងសង្គ្រាមនៅតំបន់ហ្គាហ្សា ។

គួរបញ្ជាក់ថា លោក Biden បានបញ្ជូនជំនួយការសេតវិមានទៅកាន់រដ្ឋ Michigan ដើម្បីព្យាយាមពន្យល់ពីនយោបាយរបស់គាត់ចំពោះអ៊ីស្រាអែល ខណៈការគាំទ្ររបស់លោកចំពោះអ៊ីស្រាអែលគឺជាសិទ្ធិការពារខ្លួន ប៉ុន្តែលោកក៏បានជំរុញម្តងហើយម្តងទៀតឲ្យមានបទឈប់បាញ់បណ្តោះអាសន្នដើម្បីផ្តល់ជំនួយដល់តំបន់ហ្គាហ្សាដែលគ្រប់គ្រងដោយក្រុមហាម៉ាស ជាកន្លែងដែលជនស៊ីវិលរាប់ម៉ឺននាក់ត្រូវបានសម្លាប់នៅក្នុងប្រតិបត្តិការយោធាអ៊ីស្រាអែល ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៤ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម