ព័ត៌មានអន្ដរជាតិ
ចិន ប្រាប់ឲ្យប្រទេសអ្នកមាន ឈប់ស្តុកទុកវ៉ាក់សាំងកូវីដ
រដ្ឋមន្រ្តីក្រសួងការបរទេសចិនលោក Wang Yi បានចោទប្រកាន់ប្រទេសអភិវឌ្ឍន៍ថា បានស្តុកទុកវ៉ាក់សាំងការពារជំងឺកូវីដ១៩ក្នុងបរិមាណយ៉ាងច្រើន ដែលជាហេតុនាំឲ្យមានការផ្គត់ផ្គង់មិនគ្រប់គ្រាន់សម្រាប់ប្រទេសក្រីក្រ។
លោក Wang បានប្រាប់សន្និសីទរបស់ក្រុមប្រឹក្សាសន្តិសុខអង្គការសហប្រជាជាតិ ស្តីពីជំងឺកូវីដ១៩និងការទទួលវ៉ាក់សាំងកាលពីថ្ងៃពុធថា កិច្ចសហប្រតិបត្តិការប្រយុទ្ធជាមួយជំងឺរាតត្បាត មិនគួរជាល្បែងលែងសើចទេ ហើយចិនគ្មានចេតនាភូមិសាស្ត្រនយោបាយក្នុងការចែកចាយវ៉ាក់សាំងឡើយ។
ប្រទេសចិនបានផ្តល់ជំនួយវ៉ាក់សាំងដល់ប្រទេសចំនួន៥៣ ហើយនាំចេញនូវវ៉ាក់សាំងផលិតក្នុងស្រុករបស់ខ្លួនទៅកាន់ប្រទេសចំនួន២២។ លើសពីនេះទៀត ប្រទេសចិនបានផ្តល់វ៉ាក់សាំងកូវីដចំនួន១០លានដូសទៅឲ្យកម្មវិធី Covax របស់អង្គការសុខភាពពិភពលោក ដែលមានគោលបំណងផ្តល់សិទ្ធិទទួលបានវ៉ាក់សាំងស្មើភាពគ្នា.
លោក Wang និយាយថា “ប្រទេសចិន មិនបានស្វែងរកគោលដៅភូមិសាស្ត្រនយោបាយឬការកេងចំណេញផ្នែកសេដ្ឋកិច្ចអ្វីទេនៅក្នុងកិច្ចសហប្រតិបត្តិការអន្តរជាតិវ៉ាក់សាំងកូវីដរបស់ខ្លួន ហើយនឹងមិនភ្ជាប់លក្ខខណ្ឌនយោបាយទៅក្នុងនោះឡើយ”។
ប៉ុន្តែលោកបានរិះគន់ការកើនឡើងនៃវិសមភាពក្នុងការចែកចាយវ៉ាក់សាំង ហើយបានអំពាវនាវឲ្យពិភពលោកធ្វើការរួមគ្នាដើម្បីធានាថា វ៉ាក់សាំងអាចទៅដល់ប្រទេសកំពុងអភិវឌ្ឍន៍។
លោកបន្តថា “វ៉ាក់សាំងទាំងនោះ កំពុងចូលទៅក្នុងប្រទេសដែលមានប្រាក់ចំណូលខ្ពស់យ៉ាងឆាប់រហ័សនិងក្នុងបរិមាណដ៏ច្រើន ដោយបន្សល់ទុកតិចតួចប៉ុណ្ណោះសម្រាប់ប្រទេសក្រីក្រ។ បញ្ហានេះបាននាំឲ្យមានការបែងចែកអភ័យឯកសិទ្ធិ និងបង្កើនគម្លាតអភិវឌ្ឍរវាងប្រទេសអ្នកមាននិងប្រទេសក្រីក្រ”។
យើងគួរតែរួមគ្នាបដិសេធវ៉ាក់សាំងជាតិនិយម លើកកម្ពស់ការចែកចាយវ៉ាក់សាំងដោយស្មើភាពនិងសមធម៌ ហើយជាពិសេសធ្វើឲ្យពួកគេអាចចូលទៅដល់និងមានតម្លៃសមរម្យ សម្រាប់ប្រទេសកំពុងអភិវឌ្ឍន៍រួមទាំងប្រទេសដែលមានជម្លោះផងដែរ។
គួរបញ្ជាក់ថា មនុស្សជាង១០៩លាននាក់ បានឆ្លងវីរុសកូរ៉ូណាខណៈមនុស្សចំនួន២.៤លាននាក់បានស្លាប់៕
ប្រែសម្រួលដោយ៖ Vann Vann
ប្រភព៖ SCMP
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង