ព័ត៌មានអន្ដរជាតិ
រកឃើញផ្នូរបុរាណដ៏ធំនៅ អាល្លឺម៉ង់ មានគ្រោងឆ្អឹងមនុស្ស ១ ពាន់នាក់
ក្រុមអ្នកបុរាណវត្ថុវិទូបានរកឃើញផ្នូរដ៏ធំបំផុតដែលមិនធ្លាប់មានពីមុនមកនៅក្នុងទ្វីបអឺរ៉ុប ហើយទីតាំងមួយកន្លែងនោះគឺនៅភាគខាងត្បូងប្រទេសអាល្លឺម៉ង់ ។ នេះបើយោងតាមការចេញផ្សាយរបស់សារពត៌មាន CNN កាលពីថ្ងៃទី៧ ខែមីនា ។
![](https://www.kampucheathmey.com/wp-content/uploads/2024/03/img-20231121-144628-2.jpg)
ក្រុមអ្នកបុរាណវិទូបានរកឃើញគ្រោងឆ្អឹងជនរងគ្រោះដែលស្លាប់ ដោយសារជំងឺអាសន្នរោគប៉េស្តប្រហែល ១,០០០ នាក់ក្នុងផ្នូរដ៏ធំនៅកណ្តាលទីក្រុង Nuremberg ដែលអ្នកជំនាញជឿថា អាចមានមនុស្សសរុបជាង ១,៥០០ នាក់ឯណោះ ខណៈគ្រោងឆ្អឹងទាំងនេះត្រូវបានគេរកឃើញ ក្នុងអំឡុងពេលការសិក្សាស្រាវជ្រាវបុរាណវិទ្យា មុនការសាងសង់អគារលំនៅឋានថ្មីក្នុងទីក្រុងនេះ ។
លោកស្រី Melanie Langbein មកពីនាយកដ្ឋានសម្រាប់ការអភិរក្សបេតិកភណ្ឌរបស់ទីក្រុង Nuremberg បានប្រាប់ CNN ថា រណ្តៅកប់សាកសពអ្នកស្លាប់ ដោយសារជំងឺអាសន្នរោគប៉េស្តចំនួន ៨ ត្រូវបានកំណត់អត្តសញ្ញាណ ដែលនីមួយៗមានសាកសពរាប់រយនាក់ ។
![](https://www.kampucheathmey.com/wp-content/uploads/2024/03/grave-1-1.jpg)
លោកស្រីបន្ថែមថា មនុស្សទាំងនេះ មិនត្រូវបានកប់នៅក្នុងទីបញ្ចុះសពធម្មតាទេ ទោះបីជាមានកន្លែងបញ្ចុះសពនៅទីក្រុង Nuremberg ក៏ដោយ ប្រហែលជាដោយសារតែមានចំនួនអ្នកស្លាប់ច្រើនពេក ដូច្នេះការបញ្ចុះសពបែបនេះគឺប្រើពេលខ្លី ។
ស្របពេលជាមួយគ្នានេះ យោងតាមការស្រាវជ្រាវបានឲ្យដឹងថា ទីក្រុង Nuremberg ជារឿយៗតែងតែទទួលរងនូវការផ្ទុះជំងឺប៉េស្តប្រហែលរៀងរាល់ ១០ ឆ្នាំម្តង ចាប់ពីសតវត្សទី ១៤ មកម្ល៉េះ ដែលធ្វើឲ្យវាក្លាយជាបញ្ហាប្រឈមមួយដើម្បីកំណត់កាលបរិច្ឆេទនៃសគ្រោងឆ្អឹងទាំងនេះ ។
![](https://www.kampucheathmey.com/wp-content/uploads/2024/03/img-7635.jpg)
ប៉ុន្តែក្រុមអ្នកបុរាណវិទូក៏បានរកឃើញកំណត់ត្រាមួយពីឆ្នាំ ១៦៣៤ ដែលរៀបរាប់លម្អិតអំពីការផ្ទុះជំងឺប៉េស្តដ៏អាក្រក់ដែលបានសម្លាប់មនុស្សជាង ១៥,០០០ នាក់ក្នុងចន្លោះឆ្នាំ ១៦៣២-១៦៣៣ ដែលនិយាយថា មនុស្សជិត ២,០០០ នាក់ត្រូវបានកប់នៅជិតតំបន់ St. Sebastian Spital ដែលជាទីតាំងនៃការធ្វើកំណាយបច្ចុប្បន្ននេះ ។
គួរបញ្ជាក់ថា ការរកឃើញនេះនឹងផ្ដល់នូវគំរូសំណាកដែលកើតមានជាដំណាក់កាលនៃសង្គមនីមួយៗ ដោយអនុញ្ញាតឲ្យក្រុមអ្នកបុរាណវិទូអាចសិក្សាស្វែងយល់បន្ថែមពីលក្ខណៈរស់នៅរបស់ប្រជាជននាសម័យកាលនោះ ៕
![](https://www.kampucheathmey.com/wp-content/uploads/2024/03/img-7555.jpg)
អត្ថបទ ៖ ប៊ុន សុភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ