ព័ត៌មានអន្ដរជាតិ
សិង្ហបុរី កាត់ទោសអ្នកទេសចរកូរ៉េ ក្រោយដាក់ថ្នាំក្នុងតែពពុះសម្លាប់ស្ត្រីម្នាក់ដើម្បីសងសឹក
តុលាការនៅប្រទេសសិង្ហបុរីកាលពីថ្ងៃអង្គារ ទី១២ ខែមីនា បានកាត់ទោសអ្នកទេសចរជនជាតិកូរ៉េខាងត្បូងមួយរូប ឲ្យជាប់ពន្ធនាគាររយៈពេល ៤ ខែ ពីបទបំពុលស្ត្រីម្នាក់ដោយចាក់ថ្នាំមួយចំនួនប្រើដើម្បីព្យាបាលបញ្ហាលិង្គងាប់ចូលទៅក្នុងភេសជ្ជៈតែពពុះរបស់នាងក្នុងន័យសងសឹក ។
យោងតាមកាសែត The Straits Times បានបញ្ចាក់ថា ជនជាប់ចោទមានឈ្មោះ Kim Donghun អាយុ ៣៣ ឆ្នាំ បានសារភាពនូវទោសកំហុសចំពោះការចោទប្រកាន់ពីបទបង្ករបួសស្នាមដោយថ្នាំពុល ដោយបន្ថែមថា គាត់មិនអាចគ្រប់គ្រងអារម្មណ៍ផ្ទាល់ខ្លួនបានដោយសារតែកំហឹងច្រាលឡើងមក។
តាមការចោទប្រកាន់ថា លោក Kim មានចំណង់ចំណូលចិត្តនឹងការថតរូប និងថតរូបមនុស្សជិះស្គីនៅកន្លែងកីឡា ហើយកាលពីថ្ងៃទី២៨ ខែវិច្ឆិកា ឆ្នាំមុន ជនជាប់ចោទបានថតរូបជនរងគ្រោះ ហើយបង្ហាញរូបថតជាមួយនាងយ៉ាងស្និតស្នាលបំផុត។ ប៉ុន្តែស្ត្រីរូបនោះមិនសប្បាយចិត្តទេ ដែលគាត់បានថតរូបរបស់នាងដោយគ្មានការអនុញ្ញាត ហើយដើរចេញពីគាត់ ធ្វើឲ្យគាត់ខឹងសម្បារយ៉ាងខ្លាំង។
ទោះជាយ៉ាងនេះក្តី ផ្អែកតាមការចោទប្រកាន់បង្ហាញថា គាត់បានទៅតុដែលស្ត្រីនោះបានដាក់សម្ភាររបស់គាត់រួមទាំងភេសជ្ជៈតែពពុះផងដែរ ។បន្ទាប់មក គាត់បានរំលាយថ្នាំដែលប្រើសម្រាប់ព្យាបាលបញ្ហាងាប់លិង្គក្នុងទឹកមួយចំនួន មុនពេលចាក់ល្បាយចូលទៅក្នុងតែពពុះភ្លាមៗ។ ក្រោយពីស្ត្រីនោះបានផឹករួច នាងមានអារម្មណ៍ក្រហាយភ្នែក ហើយបានរកឃើញម្សៅពណ៌សមួយនៅលើគម្របកែវជ័រ ។ ភ្លាមៗនាងបានប្តឹងទៅប៉ូលិសឲ្យចាប់ខ្លួនលោក Kim ដោយផ្អែកលើវីដេអូពីកាមេរ៉ាសុវត្ថិភាព។
យ៉ាងណាមិញ ជនជាប់ចោទ Kim បានសារភាពចំពោះមុខប៉ូលិសថា គាត់បានទិញថ្នាំព្យាបាលបញ្ហាងាប់លិង្គតាមអ៊ីនធឺណិតសម្រាប់ប្រើប្រាស់ផ្ទាល់ខ្លួនរបស់គាត់តែប៉ុណ្ណោះ។ យោងតាមអាជ្ញាធរវិទ្យាសាស្ត្រសុខាភិបាល ថ្នាំដែលលោកប្រើអាចបណ្តាលឲ្យឈឺក្បាល និងចង្អោរ ហើយជាថ្នាំពុលមានកម្រិតខ្លាំងប្រសិនបើប្រើលើសកម្រិត៕
![](https://www.kampucheathmey.com/wp-content/uploads/2024/03/image-653.png)
អត្ថបទ៖ សាង ស្រីល័ក្ខ
ចុចអាន៖ពុទ្ធសាសនបណ្ឌិត្យស្នើស៊ើបអង្កេត ក្រោយហាងល្បីមួយនៅថៃ យកព្រះកេសព្រះពុទ្ធច្នៃជាពែងកាហ្វេ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ