ព័ត៌មានអន្ដរជាតិ

ចិន ត្រៀមបាញ់បង្ហោះកាំជ្រួចនាំផ្កាយរណបមួយទៀតទៅស្រាវជ្រាវលំហអវកាស

បានផុស

២ years មុន

នៅ

ថ្ងៃចន្ទ ១៨ មីនា ២០២៤

ដោយ

ផ្កាយរណបចិនឈ្មោះ Queqiao-2 និងកាំជ្រួច Long March-8 បានភ្ជាប់គ្នារួចរាល់ ហើយក៏បានដឹកជញ្ជូនទៅកន្លែងត្រៀមបាញ់បង្ហោះនាមជ្ឈមណ្ឌលបាញ់បញ្ជូនទៅលំហអវកាស Wenchang ខេត្ត Hainan ភាគខាងត្បូងប្រទេសចិន ។ នេះបើតាមការចុះផ្សាយរបស់សារព័ត៌មាន ស៊ីនហួរ កាលពីថ្ងៃទី១៧ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីទីភ្នាក់ងារអវកាសប្រទេសចិន (CNSA) បានឲ្យដឹងថា ការភ្ជាប់ផ្កាយរណបខាងលើនេះ ត្រូវបានធ្វើតេស្តពិនិត្យសុវត្ថិភាពរួចរាល់ ហើយអនុវត្តតាមគម្រោងដែលរៀបចំនឹងបាញ់បង្ហោះនាប៉ុន្មានថ្ងៃខាងមុខនេះ ។

ផ្កាយរណប Queqiao-2 ឬ Magpie Bridge-2 នឹងមានតួនាទីជាផ្ទាំងរណបបញ្ជូនបន្តសម្រាប់ដំណាក់កាលទី៤នៃកម្មវិធីស្រាវជ្រាវរុករកអំពីឋានព្រះចន្ទរបស់ចិន ហើយសកម្មភាពទាំងនោះ នឹងផ្តល់នូវសេវាទំនាក់ទំនងបញ្ជូនព័ត៌មានសម្រាប់ដំណាក់កាលស្រាវជ្រាវលំហអវកាសបន្ទាប់របស់ចិន ដែលមានឈ្មោះបេសកកម្មដូចជា Chang’e-4, Chang’e-6, Chang’e-7, និង Chang’e-8 ៕