រដ្ឋមន្ត្រីមីយ៉ាន់ម៉ា ទៅដល់ថៃ រកវិធីគេចចេញពីវិបត្តិក្រោយរដ្ឋប្រហារ

ប្រភពរដ្ឋាភិបាលថៃបានឲ្យដឹងថា រដ្ឋមន្រ្តីក្រសួងការបរទេសដែលតែងតាំងដោយយោធារបស់ប្រទេសមីយ៉ាន់ម៉ា បានធ្វើដំណើរតាមយន្តហោះទៅដល់ប្រទេសថៃហើយនៅថ្ងៃពុធនេះ ខណៈបណ្តាប្រទេសជិតខាងរបស់មីយ៉ាន់ម៉ា កំពុងបង្កើនកិច្ចខិតខំប្រឹងប្រែងដើម្បីដោះស្រាយវិបត្តិមួយ ដែលបានចាប់ផ្តើមនៅពេលកងទ័ពរបស់ខ្លួនកាន់កាប់អំណាចក្នុងរដ្ឋប្រហារថ្ងៃទី១ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពថៃបាននិយាយថា រដ្ឋមន្រ្តី Wunna Maung Lwin បានទៅដល់សម្រាប់កិច្ចពិភាក្សាស្តីពីកិច្ចប្រឹងប្រែងការទូត របស់សមាគមប្រជាជាតិអាស៊ីអាគ្នេយ៍ (អាស៊ាន) ខណៈអ្នកប្រឆាំងរដ្ឋប្រហារ បានចេញមកប្រមូលផ្តុំគ្នាតាមដងផ្លូវជាថ្មីម្តងទៀត នៅក្នុងប្រទេសមីយ៉ាន់ម៉ា។

ប្រទេសឥណ្ឌូនេស៊ី បាននាំមុខក្នុងកិច្ចខិតខំប្រឹងប្រែងរកផ្លូវចេញពីវិបត្តិ ដោយមានជំនួយពីសមាជិកអាស៊ាន ប៉ុន្តែផែនការរបស់ប្រទេសនេះហាក់ដូចជាមិនចុះសម្រុង។

រដ្ឋមន្ត្រីការបរទេសឥណ្ឌូនេស៊ីលោកស្រី Retno Marsudi ដែលកំពុងស្ថិតនៅក្នុងប្រទេសថៃ ត្រូវបានគេរំពឹងថានឹងធ្វើដំណើរទៅកាន់ប្រទេស មីយ៉ាន់ម៉ា ប៉ុន្តែដំណើររបស់លោកស្រីត្រូវលុបចោលវិញ។ 

នៅសប្តាហ៍នេះ គេឃើញមានការប្រមូលផ្តុំទ្រង់ទ្រាយធំៗនិងការធ្វើកូដកម្មទូទៅ ដើម្បីថ្កោលទោសការធ្វើរដ្ឋប្រហារនិងទាមទារឲ្យមានការដោះលែងមេដឹកនាំជាប់ឆ្នោត លោកស្រី អ៊ុងសាន ស៊ូជី ថ្វីបើមានការព្រមានពីអាជ្ញាធរថា ការប្រឈមមុខគ្នាអាចធ្វើឲ្យមនុស្សស្លាប់ក៏ដោយ៕

ប្រែសម្រួលដោយ៖ Vann Vann

ប្រភព៖ Reuters