ព័ត៌មានអន្ដរជាតិ
សិង្ហបុរី ផ្អាកការហ្វឹកហ្វឺនយន្តហោះចម្បាំង ក្រោយមានករណីធ្លាក់យន្តហោះ
កងកម្លាំងអាកាសនៃសាធារណរដ្ឋសិង្ហបុរី (RSAF) បានប្រកាសផ្អាកជាបណ្ដោះអាសន្ននូវការហ្វឹកហ្វឺនដែនអាកាសរបស់ប្រភេទយន្តហោះចម្បាំង F-16 ក្រោយកើតមានហេតុការណ៍គ្រោះថ្នាក់កាលពីថ្ងៃទី៨ ខែឧសភា ម្សិលមិញនេះ។
យន្តហោះចម្បាំង F-16 មួយគ្រឿង បានធ្លាក់នៅមូលដ្ឋានទ័ព Tengah ដែលនេះគឺជាករណីកម្របំផុតមិនធ្លាប់មានក្នុងរយៈពេល២០ឆ្នាំកន្លងមក។ យ៉ាងណាមិញ នៅក្នុងហេតុការណ៍គ្រោះថ្នាក់នេះ ពុំមានអ្នកបាត់បង់ជីវិត ឬរងរបួសឡើយ។
លោក Ng Eng Hen រដ្ឋមន្ត្រីក្រសួងការពារជាតិសិង្ហបុរី បានប្រាប់ថា ភីឡុត F-16 ដែលរួចផុតពីគ្រោះថ្នាក់ ជាអ្នកបើកយន្តហោះចម្បាំងយ៉ាងស្ទាត់ជំនាញ ដោយធ្លាប់ធ្វើការហោះហើរមិនតិចជាង ២ ០០០ម៉ោងឡើយ។ លោកថា បើយោងតាមអ្នកបើក F-16 នោះ យន្តហោះអាចមានបញ្ហាទៅលើប្រព័ន្ធបញ្ជា។ ទោះបីជាបែបនេះក្ដី លោករដ្ឋមន្ត្រី បានបន្ថែមថា ការស៊ើបអង្កេតលម្អិតកំពុងស្ថិតនៅក្នុងដំណើរការ។
ករណីធ្លាក់យន្តហោះ F-16 ដំបូងរបស់សិង្ហបុរី កើតឡើងនៅអំឡុងខែឧសភា ឆ្នាំ២០០៤ ក្នុងពេលកំពុងបំពេញបេសកកម្មហ្វឹកហាត់នៅរដ្ឋ Arizona លើទឹកដីសហរដ្ឋអាមេរិក ហើយបណ្ដាលឲ្យភីឡុតមួយរូបពលីជីវិត។ កាលណោះ ក្រុមស៊ើបអង្កេត បានសន្និដ្ឋានថា វាជាកត្តាអ្នកបើកបរ ដែលបាត់បង់ស្មារតីនៅពេលយន្តហោះកំពុងបើកក្រឡាប់ក្បាលបញ្ច្រាសចុះក្រោម។
សូមបញ្ជាក់ថា យន្តហោះចម្បាំង F-16 នៅសិង្ហបុរី បានដាក់ដំណើរការតាំងតែពីឆ្នាំ១៩៩៨មកម៉្លេះ ហើយកាលពីពេលថ្មីៗកន្លងទៅ សិង្ហបុរីមានគម្រោងធ្វើទំនើបកម្មយន្តហោះទាំងនោះ ដោយនឹងដាក់ឲ្យពួកវាចូលនិវត្តន៍នៅពាក់កណ្ដាលឆ្នាំ២០៣០ខាងមុខ។ សិង្ហបុរី នឹងជំនួស F-16 ដោយការទិញប្រភេទយន្តហោះចម្បាំង F-35 មកប្រើវិញ។ កាលពីខែកុម្ភៈ សិង្ហបុរី បានប្រកាសទិញយន្តហោះប្រភេទ F-35A ចំនួន ៨គ្រឿង និងប្រភេទ F-35B ចំនួន ១២គ្រឿង៕
ដោយ៖ ឈាង
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៣ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៧ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១ សប្តាហ៍ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ១ សប្តាហ៍ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
-
ជីវិតកម្សាន្ដ៤ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV