Connect with us

ព័ត៌មានអន្ដរជាតិ

ហ្វីលីពីន ជួបព្យុះទីហ្វុងដំបូងក្នុងឆ្នាំនេះ បង្កជាគ្រោះមហន្តរាយធ្ងន់ធ្ងរ

បានផុស

នៅ

ក្នុងនាមជាព្យុះទីហ្វុងដំបូងបង្អស់ដែលវាយប្រហារប្រទេសហ្វីលីពីន Ewiniar បានបង្កគ្រោះមហន្តរាយធ្ងន់ធ្ងរ ដោយសម្លាប់មនុស្សចំនួន៣នាក់រួចទៅហើយ និងប៉ះពាល់ដល់មនុស្សរាប់ម៉ឺននាក់ទៀត។ នេះបើតាមការចុះផ្សាយរបស់សារព័ត៌មាន GMA កាលពីថ្ងៃចន្ទទី២៧ខែឧសភា។

(រូបថត៖ Energy Connects)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យអាកាសធាតុរដ្ឋហ្វីលីពីន PAGASA និយាយថា ព្យុះ Ewiniar បានកើនកម្លាំងពេញទំហឹងកាលពីថ្ងៃទី២៧ ពេលវារំកិលទៅទិសពាយព្យ លើសមុទ្រហ្វីលីពីនដោយពាំនាំជាមួយកម្លាំងខ្យល់បក់ល្បឿន ១៤០គីឡូម៉ែត្រក្នុងមួយម៉ោង និងខ្យល់កន្ត្រាក់ ១៧០គីឡូម៉ែត្រក្នុងមួយម៉ោង។

ដោយឡែក បើយោងតាមអ្នកនាំពាក្យប៉ូលិសជាតិហ្វីលីពីន, ព្យុះនេះក៏បង្កជាគ្រោះទឹកជំនន់ បំផ្លាញផ្ទះសម្បែង និងបង្ខំឲ្យមនុស្ស ២ ០០០នាក់ រត់ចេញពីលំនៅដ្ឋានទៅរកទីទួលសុវត្ថិភាពផងដែរ។

(រូបថត៖ AFP)

ទន្ទឹមនោះ ក្រុមប្រឹក្សាកាត់បន្ថយនិងគ្រប់គ្រងហានិភ័យគ្រោះមហន្តរាយជាតិហ្វីលីពីន ហៅកាត់ NDRRMC បានឲ្យដឹងថា នៅក្នុងតំបន់ចំនួន៤ មានមនុស្សរហូតដល់ទៅជិត ២០ ០០០នាក់ ត្រូវប៉ះពាល់ដោយសារព្យុះទីហ្វុង Ewiniar ខណៈ Quezon គឺជាខេត្តរងការវាយប្រហារខ្លាំងបំផុត។

លើសពីនេះ ព្យុះទីហ្វុង Ewiniar ក៏ផ្តួលរំលំបង្គោលភ្លើងបណ្តាលឲ្យដាច់ចរន្តអគ្គិសនីដល់មនុស្សរាប់ពាន់នាក់ និងបង្ខំឲ្យរោងចក្រ ៩កន្លែងត្រូវបិទទ្វារផងដែរ ហើយបើតាមការព្យាករ, ក្រោយពេលចាកចេញពីហ្វីលីពីន ព្យុះនេះនឹងបន្តទៅវាយប្រហារភាគខាងត្បូងប្រទេសជប៉ុន នៅប៉ុន្មានថ្ងៃខាងមុខ។

(រូបថត៖ រដ្ឋាភិបាលខេត្ត Quezon)

សូមបញ្ជាក់ថា ហ្វីលីពីន គឺជាប្រទេសមួយស្ថិតក្នុងចំណោមប្រទេសដែលរងគ្រោះខ្លាំងបំផុតដោយសារព្យុះ ពោលគឺមួយឆ្នាំៗ ហ្វីលីពីន ត្រូវវាយប្រហារដោយព្យុះទីហ្វុងជាមធ្យមមិនក្រោមពី ២០ព្យុះឡើយ។

ព្យុះទីហ្វុងកាចសាហាវបំផុតក្នុងប្រវត្តិសាស្រ្តហ្វីលីពីន គឺព្យុះ Haiyan ដែលបានផ្តាច់ជីវិតមនុស្សជាង ៦ ៣០០នាក់ និងបង្កការបំផ្លិចបំផ្លាញធំធេងហួសថ្លែង កាលពីខែវិច្ឆិកាឆ្នាំ២០១៣៕ 

អត្ថបទ៖ សុខ សុវណ្ណ

ចុចអាន៖ ព្យុះទីហ្វុង Koinu ចូលដល់ សមុទ្រវៀតណាមខាងកើត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២៣ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២៣ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ៥ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

សន្តិសុខសង្គម៥ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម