ព្យុះទីហ្វុង Koinu ចូលដល់ សមុទ្រវៀតណាមខាងកើត

យោងតាមមជ្ឈមណ្ឌលអាកាសធាតុជាតិវៀតណាម, ព្យុះទីហ្វុង Koinu ដែលមានកម្លាំងខ្យល់បក់១៨៣គីឡូម៉ែត្រក្នុងមួយម៉ោង បានបង្កភ្លៀងធ្លាក់យ៉ាងខ្លាំងលើផ្ទៃទឹកភាគឦសាននៃកោះ Luzon របស់ប្រទេសហ្វីលីពីន ហើយបោះពួយឆ្ពោះទៅកាន់សមុទ្រវៀតណាមខាងកើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះនេះ បានផ្លាស់ទីទៅភាគពាយព្យ ហើយស្ថិតនៅភាគខាងជើងកោះ Luzon រួច​រំកិល​ទៅ​ទិស​ខាង​លិច​ ហើយ​ឆ្ពោះ​ទៅ​ឆ្នេរ​ភាគ​ខាង​ត្បូង​​កោះ​តៃវ៉ាន់។

មជ្ឈមណ្ឌលជាតិ ព្យាករឧតុនិយមវៀតណាម និយាយថា ព្យុះទីហ្វុង Koinu បានចូលដល់ភាគឦសានសមុទ្រវៀតណាមខាងកើត ហើយធ្វើដំណើរតាមឆ្នេរសមុទ្រនៃខេត្តក្វាងទុងរបស់ប្រទេសចិន នៅព្រឹកថ្ងៃព្រហស្បតិ៍ ។

ទន្ទឹមនោះ ព្យុះនេះ ក៏បានបញ្ចេញខ្យល់បក់ខ្លាំង នៅភាគឦសាននៃសមុទ្រវៀតណាមខាងកើត ចាប់ពីយប់ថ្ងៃអង្គារទៅផងដែរ។

គណៈកម្មាធិការដឹកនាំថ្នាក់ជាតិសម្រាប់ការបង្ការនិងគ្រប់គ្រងគ្រោះមហន្តរាយធម្មជាតិវៀតណាម កាលពីថ្ងៃអង្គារ បានប្រាប់ខេត្តជាប់មាត់សមុទ្រចាប់ពីខេត្ត Quang Ninh ភាគខាងជើងទៅខេត្ត Khanh Hoa ភាគខាងត្បូង ឲ្យរក្សាការឃ្លាំមើលយ៉ាងដិតដល់ចំពោះព្យុះ Koinu និងជូនដំណឹងដល់ទូកនេសាទ និងនាវានានា ឲ្យប្រុងប្រយ័ត្ន ក៏ដូចជាគួរតែរៀបចំសម្រាប់ប្រតិបត្តិការជួយសង្គ្រោះផងដែរ ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ព្យុះទីហ្វុង Haikui បង្ខំឲ្យតៃវ៉ាន់ លុបចោលជើងហោះហើរ និងជម្លៀសមនុស្សរាប់ពាន់នាក់