ព័ត៌មានអន្ដរជាតិ
អាមេរិក ចេញមុខការពារអ៊ីស្រាអែលថា ការវាយប្រហារនៅ Rafah មិនទាន់ឆ្លងផុត បន្ទាត់ក្រហមទេ
ថ្វីត្បិតតែអន្តរជាតិកំពុងថ្កោលទោសយ៉ាងចាស់ដៃចំពោះការទម្លាក់គ្រាប់បែកដ៏សាហាវឃោរឃៅរបស់រដ្ឋាភិបាលទីក្រុងហ្ស៊េរុយសាឡិម នៅទីក្រុង Rafah ក៏ពិតមែន ប៉ុន្តែខ្នងបង្អែករបស់អ៊ីស្រាអែល គឺសហរដ្ឋអាមេរិក បានចេញមុខការពារថា ប្រតិបត្តិការនៅទីនោះ មិនទាន់ឆ្លងបន្ទាត់ក្រហមដែលទាមទារឲ្យទីក្រុងវ៉ាស៊ីនតោន ផ្លាស់ប្តូរគោលនយោបាយទេ។
![](https://www.kampucheathmey.com/wp-content/uploads/2024/05/image-1709.png)
តាមការចុះផ្សាយរបស់ BBC នៅថ្ងៃពុធទី២៩ខែឧសភា, មន្ត្រីរដ្ឋបាលអាមេរិកជាច្រើនរូប បានមើលឃើញរូបភាពនៅ Rafah ពិតជាគួរឲ្យរន្ធត់ តក់ស្លុត និងសោកសង្រេងពិតមែន ប៉ុន្តែថា ការវាយប្រហារពីអាកាសនៅជំរំជនភៀសខ្លួនក្នុងទីក្រុង Rafah គឺមិនមែនជាប្រតិបត្តិការទ្រង់ទ្រាយធំអ្វីឡើយ ហើយក៏គ្មានជះឥទ្ធិពលណាមួយ ឈានដល់ឲ្យអាមេរិក ផ្លាស់ប្តូរគោលនយោបាយរបស់ខ្លួនលើបញ្ហាជម្លោះ អ៊ីស្រាអែល-ហាម៉ាស ដែរ។
អ្នកនាំពាក្យសេតវិមានលោក John Kirby លើកឡើងថា អាមេរិកនៅតែមិនជឿថា ប្រតិបត្តិការសំខាន់នៅ Rafah គឺជាទ្រង់ទ្រាយធំ ហើយអាមេរិក ក៏នៅតែមិនចង់ឃើញកងទ័ពអ៊ីស្រាអែល វាយលុកចូលទីក្រុង Rafah ជាមួយគ្រឿងសឹកនិងសព្វាវុធធុនធ្ងន់។ ជាលទ្ធផលនៃការវាយប្រហារកាលពីថ្ងៃអាទិត្យ ទីក្រុងវ៉ាស៊ីនតោន មិនមានការផ្លាស់ប្តូរគោលនយោបាយអ្វីឡើយ។ រឿងទើបតែកើតឡើង ហើយអ៊ីស្រាអែលនឹងស៊ើបអង្កេត។
![](https://www.kampucheathmey.com/wp-content/uploads/2024/05/image-1711.png)
មុននេះ នាយករដ្ឋមន្ត្រីអ៊ីស្រាអែលលោក Benjamin Netanyahu ក៏បានចេញមុខទទួលស្គាល់កំហុសចំពោះការទម្លាក់គ្រាប់បែកសម្លាប់ជនស៊ីលស្លូតត្រង់រាប់សិបនាក់ និងចេញបញ្ជាឲ្យបើកការស៊ើបអង្កេតជាបន្ទាន់ចំពោះករណីនេះរួចហើយ ផងដែរ។
ថ្លែងក្នុងសភា លោក Netanyahu និយាយថា វាពិតជាមានសារៈសំខាន់បំផុតដែលអ៊ីស្រាអែល ត្រូវប្រុងប្រយ័ត្នគ្រប់បែបយ៉ាងតាមធ្វើទៅបាន ដើម្បីការពារជនស៊ីវិលដែលជាប់ក្នុងការប្រយុទ្ធប្រឆាំងក្រុមហាម៉ាសនៅតំបន់ហ្គាហ្សា ប៉ុន្តែកងកម្លាំងការពារអ៊ីស្រាអែល (IDF) បានធ្វើអស់ពីសមត្ថភាពហើយ ដោយមិនចង់ឲ្យប៉ះពាល់ដល់មនុស្សស្លូតត្រង់ណាម្នាក់ទេ។
![](https://www.kampucheathmey.com/wp-content/uploads/2024/05/image-1712-1024x683.png)
លោក Netanyahu បន្តថា “នៅទីក្រុង Rafah យើងបានជម្លៀសពលរដ្ឋប្រហែលមួយលាននាក់រួចមកហើយ ហើយថ្វីបើយើងខិតខំប្រឹងប្រែងអស់ពីសមត្ថភាព មិនចង់បង្កផលប៉ះពាល់ដល់អ្នកមិនមែនជាយុទ្ធជនក៏ពិតមែន ប៉ុន្តែរឿងអកុសលកើតឡើងទាល់តែបាន។ យើងកំពុងស៊ើបអង្កេតឧបទ្ទវហេតុនេះ ហើយនឹងឈានដល់ការសន្និដ្ឋាន ព្រោះនេះជាគោលការណ៍របស់យើង”។
សូមបញ្ជាក់ជាថ្មី អ៊ីស្រាអែលបានបើកការវាយប្រហារទីក្រុង Rafah កាលពីថ្ងៃអាទិត្យពោលគឺត្រឹមតែប៉ុន្មានម៉ោងប៉ុណ្ណោះ បន្ទាប់ពីក្រុមហាម៉ាស បាញ់មីស៊ីលលើក្រុង Tel Aviv ដែលនោះគឺជាការបាញ់លើកដំបូងក្នុងរយៈពេលជាច្រើនខែមកនេះ។
![](https://www.kampucheathmey.com/wp-content/uploads/2024/05/image-1710.png)
មន្ត្រី IDF អះអាងថា ប្រតិបត្តិការនោះ បានសម្លាប់មេបញ្ជាការជាន់ខ្ពស់ក្រុមហាម៉ាស២នាក់ ប៉ុន្តែបើតាមការបញ្ជាក់ពីអឌ្ឍចន្ទក្រហមប៉ាឡេស្ទីន, ការវាយប្រហារតាមអាកាសនោះគឺសំដៅលើតង់របស់ជនភៀសខ្លួននៅជិតទីតាំងរបស់អង្គការសហប្រជាជាតិក្នុងតំបន់ Tal al-Sultan ចម្ងាយប្រហែល២គីឡូម៉ែត្រ ភាគពាយព្យទីក្រុង Rafah បណ្តាលឲ្យមនុស្ស៤៥នាក់បាត់បង់ជីវិត និងរាប់រយនាក់ទៀត បញ្ជូនទៅមន្ទីរពេទ្យព្យាបាលរបួសរលាកធ្ងន់ធ្ងរ៕
អត្ថបទ៖ សុខ សុវណ្ណ
ចុចអាន៖ លោក Netanyahu ទទួលកំហុស ក្រោយទម្លាក់គ្រាប់លើជំរំជនភៀសខ្លួននៅ Rafah ស្លាប់មនុស្សរដូករណែល
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ