Connect with us

ព័ត៌មានអន្ដរជាតិ

ស្លាប់ម្នាក់ និង​របួស​៦​នាក់ ក្នុង​ហេតុការណ៍​បាក់​ស្រុត​ដំបូល​​ព្រលាន​យន្តហោះ​ឥណ្ឌា

បានផុស

នៅ

ហេតុការណ៍​បាក់​ស្រុត​ដំបូល​ព្រលាន​យន្តហោះ​អន្តរជាតិ Indira Gandhi នៅ​រដ្ឋធានី​ញូវដេលី ប្រទេស​ឥណ្ឌា បាន​បណ្ដាល​​ឲ្យ​​មនុស្ស​​ម្នាក់​បាន​ស្លាប់​ និង​៦​​នាក់​ផ្សេង​ទៀត​រង​របួស នៅ​ព្រឹក​ថ្ងៃ​សុក្រ​ទី​២៨ ខែ​មិថុនា ឆ្នាំ​២០២៤ នេះ។ បើ​តាម​មន្ត្រី​ប្រចាំ​តំបន់​កើត​ហេតុ បាន​​ឲ្យ​ដឹង​ថា ការ​បាក់​ស្រុត​ដំបូល​នេះ ដោយសារ​តែ​មាន​ភ្លៀង​ធ្លាក់​ខ្លាំង លាយឡំ​ជាមួ​យ​​ខ្យល់​កន្ត្រាក់ ក្នុង​រយៈពេល​២​ថ្ងៃ​ជាប់​ៗ​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក K Rammohan Naidu រដ្ឋមន្ត្រី​អាកាសចរណ៍​ស៊ីវិល​ឥណ្ឌា បាន​ប្រកាស​ថា ជន​រង​គ្រោះ​ទាំង​៦​នាក់ ត្រូវ​បាន​បញ្ជូន​ទៅ​មន្ទីរ​ពេទ្យ​ព្យាបាល​រួច​រាល់​​ហើយ ខណៈ​ដែល​ក្រុម​អ្នក​ជួយ​សង្គ្រោះ​កំពុង​បោស​​សម្អាត​បំណែក​ដែល​បាន​បាក់​ស្រុត ដើម្បី​ស្វែង​រក​​មើល​ថា​តើ​មាន​ជន​រង​គ្រោះ​​ផ្សេង​ទៀត​ដែរ​ឬ​ក៏​អត់។ ​

មន្ត្រី​ព្រលាន​យន្តហោះ បាន​ប្រកាស​ថា ហេតុការណ៍​នេះ បាន​កើត​ឡើង​នៅ​ម៉ោង​​​៥​ព្រឹក ក្នុង​ស្ថានីយ​ទី​១ នៃ​ព្រលាន​យន្តហោះ Indira Gandhi ហើយ​ការ​ហោះហើរ​​​​ជាង​៦០០ ត្រូវ​បាន​ផ្អាក​ជា​បណ្ដោះ​អាសន្ន​ភ្លាមៗ និង​មាន​ខ្លះ​ត្រូវ​បាន​លុប​ចោល​តែ​ម្ដង។ មន្ត្រី​ព្រលាន​យន្តហោះ​ បាន​បញ្ជាក់​ថា ស្ថានីយ​​ទី​១​ ​នេះ គឺ​ជា​ច្រក​សម្រាប់​ការ​ហោះហើរ​នៅ​ក្នុង​ស្រុក។

​ក្រៅ​តែ​ពី​បាក់​ស្រុត​ដំបូល ក៏​​មាន​ការ​រលំ​ធ្នឹម​​នៅ​ច្រក​ចេញ​ចូល​​ព្រលាន​យន្តហោះ​ផង​ដែរ ដែល​បណ្ដាល​ឲ្យ​កិន​សង្កត់​​ខូច​ខាត​រថយន្ត​​​មួយ​ចំនួន។

សូម​​បញ្ជាក់​ថា ស្ថានីយ​ដែល​បាន​បាក់​ស្រុត​ដំបូល​​នេះ គឺ​ជា​ស្ថានីយ​ដែល​ទើប​​​ត្រូវ​បានជួសជុល​ថ្មី​ឡើង​វិញ កាល​ពី​ខែ​មីនា​កន្លង​ទៅ។ លោក Shri Narendra Modi នាយករដ្ឋមន្ត្រី​ឥណ្ឌា បាន​ប្រកាស​ថា ការ​​ជួសជុល​កែ​លម្អ​​នេះ ធ្វើ​ឡើង​ដើម្បី​​ពង្រីក​សមត្ថភាព​ទទួល​​​អ្នក​ដំណើរ​​ឲ្យ​បាន​ដល់ ៤០​លាន​នាក់​ជា​ប្រចាំ​ឆ្នាំ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ វិនាទី មុន

ដំណាំកសិកម្មដែលរងការវាយប្រហារពីសត្វដង្កូវហ្វូង ស្រោចស្រង់បាន ក្រោយអន្តរាគមន៍ទាន់ពេល

ព័ត៌មានជាតិ២ នាទី មុន

សម្តេចតេជោ អំពាវនាវឱ្យទូងស្គរ និងបាញ់កាំជ្រួច ពេលបើកការដ្ឋានព្រែកជីកហ្វូណនតេជោ

ជីវិតកម្សាន្ដ៦ នាទី មុន

រងអំពើអយុត្តិធម៌តារាសម្តែង លី ណូរ៉ា បានត្រឹមបង្ហោះសារឈឺចាប់ផ្តាំអ្នកគាំទ្រ

សេដ្ឋកិច្ច៦ នាទី មុន

អតិផរណា​​ឡាវ​​ កើនដល់ ២៦,២ ភាគរយនៅ​ខែ​មិថុនា​​ ខ្ពស់​បំផុត​ក្នុង​ឆ្នាំ​២០២៤មក​ទល់​ពេល​នេះ​

ព័ត៌មានជាតិ៨ នាទី មុន

ប្រធានបក្សកាន់អំណាច ប្រកាសជ្រោងទង់មហាសាមគ្គីជាតិខ្មែរ ដោយប្រឆាំងរាល់ទង្វើដែលធ្វើឱ្យសាមគ្គីនេះចុះខ្សោយ

Sokha Hotels

ព័ត៌មានពេញនិយម