ព័ត៌មានអន្ដរជាតិ
តុលាការប៉ាគីស្ថាន កាត់ទោសប្រហារជីវិតគ្រិស្តសាសនិកម្នាក់ ពីបទប្រមាថអ្នកកាន់សាសនាឥស្លាម
យោងតាមការចេញផ្សាយដោយទីភ្នាក់ងារពត៌មាន AP កាលពីថ្ងៃទី០២ ខែកក្កដា តុលាការក្នុងប្រទេសប៉ាគីស្ថាន បានកាត់ទោសប្រហារជីវិត បុរសជាគ្រិស្តសាសនិកម្នាក់ពីបទបង្ហោះខ្លឹមសារប្រមាថជនមូស្លីមនៅលើប្រព័ន្ធផ្សព្វផ្សាយសង្គម បន្ទាប់ពីការវាយប្រហារដ៏អាក្រក់បំផុតមួយលើគ្រិស្តបរិស័ទនៅខេត្ត Punjab កាលពីឆ្នាំមុន។

កាលពីខែសីហា ឆ្នាំ២០២៣ បុរសមូស្លីមមួយក្រុមបានដុតផ្ទះនិងព្រះវិហាររាប់សិបកន្លែងនៅក្នុងទីក្រុង Jaranwala បន្ទាប់ពីអ្នកស្រុកឃើញបុរសគ្រិស្តបរិស័ទពីរនាក់ ហែកទំព័រគម្ពីរគូរ៉ា និងបោះទៅលើដី ថែមទាំងសរសេរពាក្យប្រមាថលើអ្នកដទៃទៀតផង។
ក្នុងហេតុការណ៍នោះ គ្មានអ្នកស្លាប់និងរបួសទេ ប៉ុន្តែគ្រិស្តសាសនិកដែលភ័យខ្លាច បានរត់គេចខ្លួនចេញពីផ្ទះទៅកាន់តំបន់សុវត្ថិភាព ហើយថ្វីបើប៉ូលិស បានចាប់ខ្លួនជនសង្ស័យជាង១០០នាក់បន្ទាប់ពីការវាយប្រហារនោះក៏ដោយ ក៏មិនទាន់មាននរណាត្រូវបានកាត់ទោសដែរ។

យោងតាមមេធាវីរបស់ Ehsan Shan ដែលត្រូវកាត់ទោសប្រហារជីវិត បានប្រាប់សារព័ត៌មាន The Associated Press ថា បើទោះបីជាបុរសរូបនេះមិនមែនជាភាគីជម្លោះនៅពេលនោះក៏ដោយ ប៉ុន្តែគាត់ត្រូវបានចោទប្រកាន់ពីបទបង្ហោះរូបគម្ពីរគូរ៉ាដែលខ្ទេចនោះ នៅលើគណនី TikTok របស់គាត់។
ទោះបីជាយ៉ាងណាក៏ដោយ Ehsan Shan នឹងប្តឹងឧទ្ធរណ៍ប្រឆាំងនឹងការកាត់ទោសប្រហារជីវិតដែលបានចេញដោយតុលាការនៅក្នុងទីក្រុង Sahiwal ក្នុងខេត្ត Punjab នេះវិញ។
គួរបញ្ជាក់ថា ការចោទប្រកាន់ពីបទប្រមាថ គឺជារឿងធម្មតាក្នុងប្រទេសប៉ាគីស្ថាន។ នៅក្រោមច្បាប់ប្រមាថរបស់ប្រទេសនេះ អ្នកណាម្នាក់ដែលត្រូវបានរកឃើញថាមានពិរុទ្ធពីបទប្រមាថសាសនាឥស្លាម អាចត្រូវបានកាត់ទោសប្រហារជីវិត៕

អត្ថបទ៖ ប៊ុន សុភាព

-
ព័ត៌មានអន្ដរជាតិ៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?