ព័ត៌មានអន្ដរជាតិ
ថ្ងៃនេះ រដ្ឋមន្រ្តីការបរទេសអាស៊ាន ជួបប្រជុំគ្នាស្តីពីវិបត្តិ មីយ៉ាន់ម៉ា
រដ្ឋមន្រ្តីការបរទេសសិង្ហបុរីបាននិយាយថា រដ្ឋមន្រ្តីការបរទេសនៃសមាគមប្រជាជាតិអាស៊ីអាគ្នេយ៍ នឹងបើកកិច្ចប្រជុំពិសេសមួយនៅថ្ងៃអង្គារនេះ ដើម្បីពិភាក្សាអំពីវិបត្តិនៅប្រទេសមីយ៉ាន់ម៉ា ដោយលោកអំពាវនាវឲ្យមានការដោះលែងមេដឹកនាំលោកស្រី អ៊ុងសាន ស៊ូជី ជាបន្ទាន់។
លោក Vivian Balakrishnan បានថ្លែងនៅក្នុងសភាកាលពីថ្ងៃចន្ទថា “កិច្ចប្រជុំរដ្ឋមន្ត្រីការបរទេសអាស៊ានពិសេសមួយ នឹងត្រូវកោះប្រជុំតាមរយៈ Video Conference នៅថ្ងៃនេះ និងជាកន្លែងដែលយើងនឹងស្តាប់តំណាងអាជ្ញាធរយោធាមីយ៉ាន់ម៉ា”។
លោកក៏បានអំពាវនាវឲ្យអាជ្ញាធរយោធាមីយ៉ាន់ម៉ា បញ្ឈប់ពីការប្រើប្រាស់កម្លាំងហួសហេតុ ហើយត្រូវចាត់វិធានការជាបន្ទាន់ដើម្បីសម្រាលស្ថានការណ៍ ដើម្បីទប់ស្កាត់ការបង្ហូរឈាម អំពើហិង្សានិងការស្លាប់បន្ថែមទៀត។
លោកក៏បានជំរុញផងដែរ ឲ្យគ្រប់ភាគីទាំងអស់នៅក្នុងប្រទេសមីយ៉ាន់ម៉ា ចូលរួមកិច្ចពិភាក្សាដើម្បីស្វែងរកដំណោះស្រាយនយោបាយរយៈពេលវែង រួមទាំងវិធីដើម្បីវិលត្រឡប់ទៅរកផ្លូវនៃការឈានទៅរកលទ្ធិប្រជាធិបតេយ្យ។
លោកបានប្រាប់សភាថា “យើងជឿជាក់ថា រឿងនេះអាចចាប់ផ្តើមបានលុះត្រាតែលោកប្រធានាធិបតី Win Myint, ទីប្រឹក្សារដ្ឋនិងជារដ្ឋមន្រ្តីក្រសួងការបរទេសលោកស្រី អ៊ុងសាន ស៊ូជី និងអ្នកជាប់ឃុំនយោបាយផ្សេងទៀតត្រូវបានដោះលែងជាបន្ទាន់”។
គួរបញ្ជាក់ថា កាលពីថ្ងៃចន្ទ ក្រុមអ្នកតវ៉ានៅក្នុងប្រទេសមីយ៉ាន់ម៉ា បានដើរក្បួនតវ៉ាប្រឆាំងនឹងការបង្ក្រាបរបស់កងកម្លាំងសន្តិសុខ ដែលបានសម្លាប់មនុស្សយ៉ាងតិច១៨នាក់កាលពីថ្ងៃអាទិត្យ៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ ស្ថានការណ៍ចុងក្រោយបំផុតនៅក្នុងប្រទេស មីយ៉ាន់ម៉ា
ចុចអាន៖ មីយ៉ាន់ម៉ា ឃុំខ្លួនអ្នកកាសែតបរទេសដំបូងបំផុតចាប់តាំងពីរដ្ឋប្រហារ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី