ព័ត៌មានអន្ដរជាតិ
WHO ៖ បន្តប្រុងប្រយត្ន័ចំពោះការកើនឡើងករណីឆ្លងជំងឺកូវីដ ១៩ ទោះមានវ៉ាក់សាំងក៏ដោយ
ប្រធានអង្គការសុខភាពពិភពលោកបានអំពាវនាវឲ្យមានការចែកចាយវ៉ាក់សាំងការពារជំងឺកូវីដ ១៩ ដោយយុត្តិធម៌ ខណៈពេលដែលបង្កើនការប្រុងប្រយ័ត្នចំពោះការកើនឡើងនៃករណីឆ្លងថ្មីៗនេះ ។
លោក Tedros Adhanom Ghebreyesus អគ្គនាយកអង្គការសុខភាពពិភពលោកបានប្រាប់ក្រុមអ្នកសារព័ត៌មានកាលពីថ្ងៃចន្ទថា ការដាក់ឲ្យប្រើប្រាស់វ៉ាក់សាំងបានចាប់ផ្តើមនៅក្នុងប្រទេសហ្គាណា និងកូឌីវ័រនៅក្រោមកម្មវិធី COVAX ។ វាជាក្របខ័ណ្ឌអន្តរជាតិដើម្បីធានាបាននូវការទទួលវ៉ាក់សាំងត្រឹមត្រូវ ។
លោកបាននិយាយថា វ៉ាក់សាំងចំនួន ២៣៧ លានដូសនឹងត្រូវបានបម្រុងទុកសម្រាប់ប្រទេសចំនួន ១៤២ ដែលមានសេដ្ឋកិច្ច និងបណ្តាប្រទេសដែលចូលរួមនៅក្នុងកម្មវិធី COVAX នៅចុងខែឧសភា ។
ប៉ុន្តែលោកអគ្គនាយកបានស្នើដល់សហគមន៍អន្តរជាតិឲ្យចូលរួមសហការក្នុងការផ្តល់វ៉ាក់សាំងដល់បណ្តាប្រទេសដែលមានការយឺតយ៉ាវក្នុងការផ្គត់ផ្គង់ព្រោះថាការខ្វះខាតនៅតែមានច្រើន ។
លោកបាននិយាយថា “វាគួរឲ្យសោកស្តាយដែលប្រទេសមួយចំនួនបន្តផ្តល់អាទិភាពការចាក់វ៉ាក់សាំងដល់មនុស្សវ័យក្មេងដែលមានសុខភាពល្អ និងមានហានិភ័យទាបនៅក្នុងប្រជាជនរបស់ខ្លួនមុនបុគ្គលិកសុខាភិបាល និងមនុស្សចាស់” ។
លោក Tedros បានកត់សម្គាល់ថា ចំនួននៃការឆ្លងជំងឺកូវីដ ១៩ ទូទាំងពិភពលោកបានកើនឡើងជាលើកដំបូងក្នុងរយៈពេល ៧ សប្តាហ៍ ។
លោកបាននិយាយថា “ការកើនឡើងមួយចំនួនគឺដោយសារតែ ការបន្ធូរបន្ថយវិធានការសុខភាពសាធារណៈ ការរីករាលដាលជាបន្តនៃវីរុសបំប្លែងខ្លួននិងមនុស្សលែងសូវការពារខ្លួនដូចមុន” ។
លោកបានសង្កត់ធ្ងន់ថា វាឆាប់ពេកហើយសម្រាប់រដ្ឋាភិបាលនានាក្នុងការពឹងផ្អែកតែលើកម្មវិធីចាក់វ៉ាក់សាំង ហើយបោះបង់ចោលវិធានការផ្សេងទៀតដើម្បីប្រយុទ្ធប្រឆាំងនឹងជំងឺនេះ ។
គួររម្លឹកថា គិតត្រឹមពេលនេះករណីឆ្លងជំងឺកូវីដ ១៩ នៅទូទាំងពិភពលោកមានចំនួន ១១៤,៩៨៧,៩៥៣ ករណី និងមានអ្នកស្លាប់ចំនួន ២,៥៤៩,៧៤៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ WHO អំពាវនាវដល់ប្រទេសអ្នកមានកុំទិញវ៉ាក់សាំងកូវីដបន្ថែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង