ព័ត៌មានអន្ដរជាតិ
ប្រទេសចំនួន៤ ធ្វើសមយុទ្ធរួមគ្នាលើកដំបូងលើសមុទ្រចិនខាងត្បូង
ហ្វីលីពីន កាណាដា សហរដ្ឋអាមេរិក និងអូស្ត្រាលី បានចាប់ផ្តើមធ្វើសមយុទ្ធយោធារួមគ្នានៅថ្ងៃទី៧ខែសីហាលើសមុទ្រចិនខាងត្បូង ដើម្បីបង្កើនសមត្ថភាពអន្តរប្រតិបត្តិការកងកម្លាំងចម្រុះ។
សមយុទ្ធរយៈពេល២ថ្ងៃ ដែលនឹងមានការចូលរួមពីអង្គភាពទ័ពជើងទឹក និងទ័ពអាកាស គឺជាសមយុទ្ធរួមគ្នាលើកដំបូងនៃសមាជិកប្រទេសទាំង៤ ហើយធ្វើឡើងបន្ទាប់ពីសមយុទ្ធមួយកាលពីពេលថ្មីៗកន្លងទៅរវាងហ្វីលីពីន និងជប៉ុន នៅដែនជម្លោះសមុទ្រចិនខាងត្បូងកាលពីសប្តាហ៍មុន។
ប្រទេសទាំង៤ បាននិយាយនៅក្នុងសេចក្តីថ្លែងការណ៍មួយថា ពួកគេរក្សាសិទ្ធិសេរីភាពក្នុងការធ្វើនាវាចរណ៍ និងការហោះហើរពីលើសមុទ្រចិនខាងត្បូង ដោយបន្ថែមថា កងនាវាចរ និងកងទ័ពអាកាសនឹងធ្វើប្រតិបត្តិការរួមគ្នានៅក្នុងតំបន់សេដ្ឋកិច្ចផ្តាច់មុខដែលមានចម្ងាយ ៣២០គីឡូម៉ែត្ររបស់ទីក្រុងម៉ានីល ដើម្បីកែលម្អកិច្ចសហប្រតិបត្តិការ និងអន្តរប្រតិបត្តិការ។ សេចក្តីថ្លែងការណ៍ដដែល បានបន្តទៀតថា៖ «យើងឈររួមគ្នាដើម្បីដោះស្រាយបញ្ហាប្រឈមដែនសមុទ្ររួម និងគូសបញ្ជាក់ការយកចិត្តទុកដាក់រួមគ្នារបស់យើងក្នុងការរក្សាច្បាប់អន្តរជាតិ និងសណ្តាប់ធ្នាប់ដោយផ្អែកលើច្បាប់»។
សហរដ្ឋអាមេរិក ដែលជាសម្ព័ន្ធមិត្តសន្ធិសញ្ញារបស់ហ្វីលីពីន ធ្លាប់បានធ្វើសមយុទ្ធស្រដៀងគ្នានេះនៅលើសមុទ្រចិនខាងត្បូង កាលពីខែមិថុនា ដោយមានចូលរួមពីហ្វីលីពីន និងជប៉ុន។
ប្រទេសចិន បានទាមទារអធិបតេយ្យភាពរបស់ខ្លួនភាគច្រើនលើសមុទ្រចិនខាងត្បូង ដែលជាច្រកពាណិជ្ជកម្មផ្លូវទឹកមានតម្លៃប្រហែល ៣ទ្រីលានដុល្លារ បើទោះបីជាមានការច្រានចោលនឹងការអះអាងនេះដោយ ព្រុយណេ ម៉ាឡេស៊ី ហ្វីលីពីន តៃវ៉ាន់ និងវៀតណាមក៏ដោយ។
ហ្វីលីពីន និងមហាយក្សចិន បានប៉ះទង្គិចគ្នាម្តងហើយម្តងទៀតនៅសមុទ្រចិនខាងត្បូង ដោយចោទប្រកាន់គ្នាទៅវិញទៅមកពីទង្វើឈ្លានពាន ពាក់ព័ន្ធនឹងកប៉ាល់របស់ពួកគេ និងទង្វើដែលធ្វើឲ្យប៉ះពាល់ដល់បរិស្ថានសមុទ្រ។
ក្នុងឆ្នាំ២០១៦ តុលាការអាជ្ញាកណ្តាលអចិន្ត្រៃយ៍ (Permanent Court of Arbitration)នៅទីក្រុងឡាអេ បាននិយាយថា ការអះអាងរបស់ចិនមិនមានមូលដ្ឋានផ្លូវច្បាប់ទេ។ យ៉ាងណា រដ្ឋាភិបាលក្រុងប៉េកាំងបានច្រានចោលនូវសេចក្ដីសម្រេចមួយនេះ៕
ដោយ៖ ឈាង
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន