ព័ត៌មានអន្ដរជាតិ

ដោយសារនឹកកូនស្រីខ្លាំង ស្ត្រី ថៃ បោះដៃអោបកូនតាមកាំមេរ៉ាសុវត្ថិភាព ខណៈអ្នកទស្សនាយំគ្រប់គ្នា

បានផុស

២ years មុន

នៅ

ថ្ងៃសុក្រ ៦ កញ្ញា ២០២៤

ដោយ

វីដេអូឃ្លិបរបស់ស្រ្តីជនជាតិថៃម្នាក់ កំពុងទាក់ទងជាមួយម្តាយរបស់នាងតាមរយៈកាំមេរ៉ាសុវត្ថិភាព (CCTV) វីដេអូបានរីករាលដាលនៅលើ TikTok ដែលមានអ្នកចូលមើលជាង ១.៧លានដង ធ្វើឲ្យកក្រើកបេះដូងអ្នកលេងអ៊ីនធឺណិតដោយសារតែកាយវិការរបស់គាត់។

អ្នកប្រើប្រាស់ TikTok ឈ្មោះ Aum Aum ម្នាក់មកពីខេត្ត Buriram ប្រទេសថៃ។ បច្ចុប្បន្ននាងរស់នៅ និងធ្វើការនៅខេត្តឈុនបុរី ដែលមានចម្ងាយប្រហែល ៤០០គីឡូម៉ែត្រពីស្រុកកំណើត។

Aum Aum បានដំឡើង CCTV នៅក្នុងផ្ទះគ្រួសាររបស់នាង ដើម្បីឲ្យខ្លួនឯងអាចទំនាក់ទំនងបានទៀងទាត់ជាមួយម្តាយរបស់នាង។ វាក៏អនុញ្ញាតឲ្យនាងធានាសុវត្ថិភាពរបស់ម្តាយ និងអនុញ្ញាតឲ្យអ្នកទាំងពីរមានអារម្មណ៍ស្និទ្ធស្នាលជាមួយគ្នា បើទោះបីជានៅឆ្ងាយពីគ្នារាប់គីឡូម៉ែត្រក៏ដោយ។

យ៉ាងណាក៏ដោយ កាលពីសប្តាហ៍មុន Aum Aum បានបង្ហោះឃ្លិបក្នុង TikTok ដើម្បីចែករំលែកវីដេអូខ្លីៗនៃវីដេអូ CCTV ផ្ទាល់ខ្លួនដោយភ្ជាប់ជាមួយនឹងចំណងជើងថា «នឹកម៉ែ! សូមចាំខ្ញុំដើម្បីសន្សំលុយខ្លះ ហើយខ្ញុំនឹងត្រលប់ទៅផ្ទះវិញ ដើម្បីឱបម៉ែឲ្យបាត់នឹក»។

ក្នុងឃ្លិបនោះ គេឃើញម្តាយរបស់នាងគ្រវីកាមេរ៉ា ហើយឈោងដៃឱប Aum Aum ។ គាត់ក៏បានផ្ញើថើប Aum Aum ដោយប្រាប់កូនស្រីជាភាសាថៃវិញថា៖ «ម៉ែនឹកកូន ថែរក្សាខ្លួនអ្នកឲ្យបានល្អ ម៉ែស្រឡាញ់កូនណាស់» ។

@aumaum1017
#ใจลอยไปฮอดไปหนุนอยู่บนตักแม่ #สตอรี่ความรู้สึก #ฮักแม่เด้อ #คิดถึงแม่นะ? เก็บเงินได่สิฟ้าวเมือบ้านไปกอดเด้อ
♬ เช็คอินที่ดินแดง (Main) – ไผ่ พงศธร

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធផ្សព្វផ្សាយថៃ ឃ្លិបមួយនេះបានកើតឡើងនៅវេលាម៉ោង ៨ និង៣០នាទីយប់ ថ្ងៃទី២៧ ខែសីហា។ វីដេអូនេះទទួលបានការចូលចិត្តជាង ២៥០ពាន់ដង និងមតិជិត ២ពាន់ខមិន ។ ជាមួយគ្នានោះដែរ អ្នកលេងអ៊ីនធឺណិតក្នុងប្រទេសថៃជាច្រើនបានបង្ហាញអាម្មណ៍រំជួលចិត្ត ចំពោះទំនាក់ទំនងជិតស្និទ្ធរវាង Aum Aum និងម្តាយរបស់នាង ដោយមានមនុស្សជាច្រើននិយាយថា វីដេអូនេះបានធ្វើឲ្យពួកគេស្រក់ទឹកភ្នែក ហើយនឹកអាណិតពីរនាក់ម្ដាយកូននោះជាខ្លាំង។

ទន្ទឹមនោះដែរ អ្នកលេងអ៊ីនធឺណិតម្នាក់បានសរសេរថា ចូរទៅលេងម្ដាយរបស់អ្នក ពេលដែលអ្នកអាចធ្វើបាន ខណៈអ្នកលេងអ៊ីនធឺណិតម្នាក់ទៀតបានបន្ថែមថា គេក៏ចង់មានចំណងមិត្តភាពជាមួយគ្រួសារដូចគ្នាដែរ ហើយពេលនេះអ្នកទស្សនាគ្រប់គ្នាកំពុងយំ ពេលបានទស្សនាឈុតឆាករបស់អ្នកម្ដាយនឹកកូនដែលនៅឆ្ងាយ៕